Saidu Group of Teaching Hospitals, Swat

04/06/2026

ایم ایس سیدو گروپ آف ٹیچنگ ہاسپٹلز کا مختلف وارڈز اور شعبہ جات کا دورہ

ایم ایس سیدو گروپ آف ٹیچنگ ہاسپٹلز، ڈاکٹر محمد سلیم خان نے ڈی ایم ایس ڈاکٹر اصغر خان، ڈی ایم ایس ڈاکٹر سکندر علی اور نرسنگ سپرنٹنڈنٹ نور خان کے ہمراہ ہسپتال کے مختلف وارڈز اور شعبہ جات کا تفصیلی دورہ کیا۔ دورے کا مقصد طبی و انتظامی امور اور مریضوں کو فراہم کی جانے والی سہولیات کا جائزہ لینا تھا۔

دورانِ دورہ پیڈز وارڈ، کارڈیالوجی وارڈ، میڈیکل سی وارڈ، شعبۂ امراضِ کان، ناک و گلہ (او پی ڈی) سمیت دیگر شعبہ جات کا معائنہ کیا گیا۔ اس موقع پر عملے کی حاضری، ڈیوٹی روسٹر، صفائی ستھرائی، ادویات کی دستیابی، درپیش مسائل اور علاج معالجے کے معیار کا تفصیلی جائزہ لیا گیا۔

ایم ایس ڈاکٹر محمد سلیم خان نے متعلقہ حکام کو ہدایت کی کہ تمام مسائل کو ترجیحی بنیادوں پر حل کیا جائے تاکہ مریضوں کو بروقت اور معیاری طبی سہولیات فراہم کی جا سکیں۔

انہوں نے کہا کہ عوام کو بہترین طبی سہولیات کی فراہمی سیدو گروپ آف ٹیچنگ ہاسپٹلز کی اولین ترجیح ہے۔ انہوں نے اس عزم کا اظہار کیا کہ ہسپتال میں طبی و انتظامی امور کی مسلسل نگرانی جاری رکھی جائے گی اور مریضوں کی بہتری کے لیے تمام دستیاب وسائل مؤثر انداز میں بروئے کار لائے جائیں گے۔

03/06/2026

ایم ایس سیدو گروپ آف ٹیچنگ ہاسپٹلز، ڈاکٹر محمد سلیم خان نے ڈاکٹر اصغر خان (ڈی ایم ایس)، ڈاکٹر انور زیب خان (ڈی ایم ایس)، ڈاکٹر سکندر علی (ڈی ایم ایس) اور نرسنگ سپرنٹنڈنٹ نور خان کے ہمراہ ہسپتال کے مختلف شعبہ جات کا تفصیلی راؤنڈ کیا اور طبی و انتظامی امور کا جائزہ لیا۔
راؤنڈ کے دوران میڈیکل او پی ڈی، کارڈیالوجی او پی ڈی،، پیڈز او پی ڈی،سرجیکل او پی ڈی، لیباٹری، ڈرماٹالوجی او پی ڈی، ڈائیلاسس وارڈ، میڈیکل سی وارڈ اور ای پی آئی سینٹر سمیت مختلف شعبوں کا معائنہ کیا گیا۔ اس موقع پر عملے کی حاضری، ڈیوٹی روسٹرز، صفائی ستھرائی، نظم و ضبط اور ہسپتال پالیسیوں پر عملدرآمد کا بھی تفصیلی جائزہ لیا گیا۔
راؤنڈ کے دوران او پی ڈی اور بعض دیگر مقامات پر صفائی کی غیر تسلی بخش صورتحال پر ایم ایس صاحب نے شدید برہمی کا اظہار کیا اور متعلقہ حکام کو فوری طور پر صفائی کے انتظامات بہتر بنانے اور تمام خامیوں کے ازالے کی سختی سے ہدایت کی۔
ایم ایس ڈاکٹر محمد سلیم خان نے تمام سٹاف کو ہدایت کی کہ وہ صبح 8 بجے اپنی حاضری یقینی بنائیں، مقررہ یونیفارم پہنیں اور نام پلیٹ نمایاں طور پر آویزاں رکھیں۔ انہوں نے واضح کیا کہ آئندہ کسی بھی ملازم کے بغیر یونیفارم یا نام پلیٹ ڈیوٹی پر پائے جانے کی صورت میں اسے غیر حاضر تصور کیا جائے گا۔
ایم ایس نے ہسپتال میں نظم و ضبط، صفائی ستھرائی، ڈاکٹروں اور دیگر عملے کی بروقت حاضری، اور مریضوں کو معیاری طبی سہولیات کی فراہمی کو ہر صورت یقینی بنانے پر زور دیا۔ انہوں نے متعلقہ افسران کو ہدایت کی کہ مریضوں کی سہولت، ہسپتال کے بہتر انتظام اور مجموعی کارکردگی میں مزید بہتری کے لیے تمام امور کی مسلسل نگرانی اور مؤثر فالو اپ کو یقینی بنایا جائے۔

02/06/2026

آج میڈیکل سپرنٹنڈنٹ ڈاکٹر محمد سلیم خان، سیدو گروپ آف ٹیچنگ ہاسپیٹلز، سوات کی زیرِ صدارت ڈی ایم ایس صاحبان، نرسنگ سپروائزرز، پیرا میڈیکل سپروائزرز، سیکیورٹی سپروائزرز اور کلاس فور سپروائزرز کی اہم میٹنگ منعقد ہوئی۔
میٹنگ میں ہاسپیٹلز کی مجموعی کارکردگی، نظم و ضبط، سروس ڈیلیوری اور مریضوں کو بہتر طبی سہولیات کی فراہمی سے متعلق امور کا تفصیلی جائزہ لیا گیا۔ اس موقع پر ڈیوٹی روسٹرز کی مؤثر نگرانی، حاضری اور وقت کی پابندی، پیشہ ورانہ طرزِ عمل، صفائی ستھرائی، انفیکشن کنٹرول، ڈریس کوڈ کی پابندی، ایمرجنسی صورتحال میں بروقت ردِعمل، اور ادویات و ضروری سامان کی دستیابی کو مزید بہتر بنانے کے حوالے سے اہم ہدایات جاری کی گئیں۔
میڈیکل سپرنٹنڈنٹ ڈاکٹر محمد سلیم خان نے تمام متعلقہ سپروائزرز کو ہدایت کی کہ وہ اپنے اپنے شعبوں میں نظم و ضبط کو یقینی بنائیں، مریضوں کی شکایات کے فوری ازالے پر خصوصی توجہ دیں، اور ہاسپیٹلز کی خدمات کو مزید مؤثر، باوقار اور عوام دوست بنانے کے لیے بھرپور کردار ادا کریں۔
میٹنگ کے اختتام پر مختلف ذمہ داریاں سونپی گئیں اور طے شدہ اہداف کے حصول کے لیے واضح ٹائم لائنز مقرر کی گئیں، تاکہ مریضوں کو بروقت اور معیاری طبی سہولیات کی فراہمی کو یقینی بنایا جا سکے۔

02/06/2026

ایم ایس سیدو گروپ آف ٹیچنگ ہاسپیٹلز کا کیجولٹی اور سنٹرل ہسپتال کا تفصیلی دورہ

ایم ایس سیدو گروپ آف ٹیچنگ ہاسپیٹلز، ڈاکٹر محمد سلیم خان نے ڈاکٹر سیف اللہ (ڈی ایم ایس)، ڈاکٹر فاروق احمد (ڈی ایم ایس) اور جناب طارق خان (انچارج کیجولٹی) کے ہمراہ کیجولٹی اور سنٹرل ہسپتال کا تفصیلی دورہ کیا۔

دورے کے دوران کیجولٹی میں ٹراما سنٹر، میڈیکل ایمرجنسی (ER)، سرجیکل ایمرجنسی، ایس ایس پی فارمیسی، ایس ایس پی مین کاؤنٹر اور دیگر شعبہ جات کا معائنہ کیا گیا۔ بعد ازاں انہوں نے سنٹرل ہسپتال کا دورہ کیا، جہاں نیروسرجری وارڈ، گائنی، لیبر روم، ریڈیالوجی ڈیپارٹمنٹ اور دیگر شعبوں کا بھی جائزہ لیا۔

اس موقع پر ایم ایس صاحب نے مختلف شعبہ جات میں مریضوں کو فراہم کی جانے والی طبی سہولیات، ادویات کی دستیابی، صفائی ستھرائی کے انتظامات، عملے کی حاضری اور مجموعی کارکردگی کا تفصیلی جائزہ لیا۔ متعلقہ شعبہ جات کے انچارجز نے اپنے اپنے شعبوں کی کارکردگی، دستیاب سہولیات اور درپیش مسائل کے حوالے سے بریفنگ دی۔ ایم ایس ڈاکٹر محمد سلیم خان نے مسائل کا تفصیلی جائزہ لیتے ہوئے متعلقہ حکام کو ہدایت کی کہ تمام مسائل کو ترجیحی بنیادوں پر جلد از جلد حل کیا جائے تاکہ مریضوں کو بہتر اور بلا تعطل طبی سہولیات فراہم کی جا سکیں۔

ایم ایس صاحب نے عملے کی حاضری اور وقت کی پابندی کو یقینی بنانے پر زور دیتے ہوئے ہدایت کی کہ تمام ملازمین اپنی پیشہ ورانہ ذمہ داریاں دیانتداری اور احساسِ ذمہ داری کے ساتھ انجام دیں۔ انہوں نے مریضوں کو بروقت، معیاری اور بہترین طبی سہولیات کی فراہمی کو ہر صورت یقینی بنانے، صفائی کے نظام کو مزید مؤثر بنانے اور علاج معالجے کے معیار کو مسلسل بہتر بنانے کی ہدایت کی۔

انہوں نے کہا کہ عوام کو بہترین طبی سہولیات کی فراہمی ہسپتال انتظامیہ کی اولین ترجیح ہے اور اس مقصد کے حصول کے لیے تمام شعبہ جات کی کارکردگی کی مسلسل نگرانی، جائزہ اور بہتری کا عمل جاری رکھا جائے گا۔

01/06/2026

ایم ایس سیدو گروپ آف ٹیچنگ ہاسپیٹلز، ڈاکٹر محمد سلیم خان، نے آج سنٹرل ہسپتال میں آرتھوپیڈک ڈیپارٹمنٹ اور دیگر شعبہ جات کا تفصیلی دورہ کیا۔ دورے کے دوران متعلقہ ڈاکٹرز نے ایم ایس صاحب کو مریضوں کی حالت، علاج معالجے کی صورتحال اور درپیش مسائل کے حوالے سے تفصیلی بریفنگ دی۔
اس موقع پر ایم ایس صاحب نے مریضوں اور ان کے تیمارداروں سے براہِ راست ملاقات کرکے ان کی خیریت دریافت کی اور ان کے مسائل سنے۔ انہوں نے متعلقہ شعبہ جات کے مسائل کا بھی تفصیلی جائزہ لیا اور ان کے فوری اور مؤثر حل کے لیے متعلقہ حکام کو ہدایت کی کہ تمام مسائل کو ترجیحی بنیادوں پر حل کیا جائے تاکہ مریضوں کو بہتر طبی سہولیات فراہم کی جا سکیں۔
انہوں نے ڈاکٹرز، نرسز اور دیگر عملے کی حاضری بھی چیک کی، صفائی کے نظام کا جائزہ لیا اور مزید بہتری کے لیے ضروری ہدایات جاری کیں۔
اس موقع پر ایم ایس صاحب نے طبی عملے کو ہدایت کی کہ مریضوں کے ساتھ خوش اخلاقی، ہمدردی اور احترام کا رویہ اپنایا جائے اور بروقت، معیاری طبی خدمات کی فراہمی یقینی بنائی جائے۔

27/05/2026

میڈیکل سپرنٹنڈنٹ ڈاکٹر محمد سلیم خان کی جانب سے تمام اہلِ اسلام اور بالخصوص سیدو گروپ آف ٹیچنگ ہاسپیٹلز سوات کے عملے کو عیدالاضحیٰ کی دلی مبارکباد!
میں اس بابرکت موقع پر اُن تمام ہیروز کو خراجِ تحسین پیش کرتا ہوں جو اپنی پیشہ ورانہ ذمہ داریوں کو عبادت سمجھتے ہوئے دکھی انسانیت کی خدمت میں مصروف ہیں۔ آپ سب کی خدمات، محنت اور قربانیاں قابلِ ستائش ہیں۔
عیدالاضحیٰ کی تعطیلات کے دوران عوام سے بھی گزارش ہے کہ ہسپتال انتظامیہ اور طبی عملے کے ساتھ مکمل تعاون کریں تاکہ مریضوں کو بروقت اور بہترین طبی سہولیات کی فراہمی یقینی بنائی جا سکے۔
اللہ تعالیٰ تمام مریضوں کو صحت و تندرستی عطا فرمائے اور ہمارے ادارے کو مزید ترقی و کامیابی نصیب کرے۔ آمین
--

27/05/2026

میڈیکل سپرنٹنڈنٹ ڈاکٹر محمد سلیم خان کی جانب سے تمام اہلِ اسلام اور بالخصوص سیدو گروپ آف ٹیچنگ ہاسپیٹلز سوات کے عملے کو عیدالاضحیٰ کی دلی مبارکباد!
میں اس بابرکت موقع پر اُن تمام ہیروز کو خراجِ تحسین پیش کرتا ہوں جو اپنی پیشہ ورانہ ذمہ داریوں کو عبادت سمجھتے ہوئے دکھی انسانیت کی خدمت میں مصروف ہیں۔ آپ سب کی خدمات، محنت اور قربانیاں قابلِ ستائش ہیں۔
عیدالاضحیٰ کی تعطیلات کے دوران عوام سے بھی گزارش ہے کہ ہسپتال انتظامیہ اور طبی عملے کے ساتھ مکمل تعاون کریں تاکہ مریضوں کو بروقت اور بہترین طبی سہولیات کی فراہمی یقینی بنائی جا سکے۔
اللہ تعالیٰ اس مقدس عید کے صدقے ہم سب کو اپنی رحمتوں، برکتوں اور خوشیوں سے نوازے، تمام مریضوں کو صحتِ کاملہ عطا فرمائے اور ہمارے ادارے کو مزید ترقی، کامیابی اور خدمتِ خلق کی توفیق دے۔ آمین۔

25/05/2026

عیدالاضحیٰ کے موقع پر اہم عوامی پیغام...

میڈیکل سپرنٹنڈنٹ ڈاکٹر محمد سلیم خان، سیدو گروپ آف ٹیچنگ ہاسپیٹلز، سوات کی جانب سے تمام مسلمانوں کو ایڈوانس عیدالاضحیٰ مبارک اور سوات کے عوام کے لیے اہم پیغام۔

عید کی خوشیاں ذمہ داری اور احتیاط کے ساتھ منائیں۔
ہوائی فائرنگ، ون ویلنگ اور تیز رفتاری سے گریز کریں کیونکہ یہ خطرناک عمل قیمتی جانوں کے ضیاع کا سبب بن سکتے ہیں۔

ایک ذمہ دار شہری بنیں تاکہ عید کی خوشیاں سب کے لیے محفوظ اور خوشگوار رہیں۔

19/05/2026