DPR Sahiwal

DPR Sahiwal Contact information, map and directions, contact form, opening hours, services, ratings, photos, videos and announcements from DPR Sahiwal, Government Organization, 15 Edan Garden Near Central Jail, Sahiwal.

The Divisional Information Office, Sahiwal, communicates the vision, achievements, and public welfare initiatives of the Government of Punjab through effective media engagement and digital outreach.

آفس آف دی ڈائریکٹر پبلک ریلیشنز ساہیوال ڈویژن05 ستمبر 2026ایڈیشنل کمشنر کوارڈینیشن ڈاکٹر سیف اللہ بھٹی کا ساہیوال بورڈ ک...
05/09/2026

آفس آف دی ڈائریکٹر پبلک ریلیشنز ساہیوال ڈویژن
05 ستمبر 2026

ایڈیشنل کمشنر کوارڈینیشن ڈاکٹر سیف اللہ بھٹی کا ساہیوال بورڈ کا دورہ، طلبہ کو فراہم سہولیات کا جائزہ

ساہیوال() ایڈیشنل کمشنر کوارڈینیشن ڈاکٹر سیف اللہ بھٹی نے بورڈ آف انٹرمیڈیٹ اینڈ سیکنڈری ایجوکیشن ساہیوال کا دورہ کیا، جہاں انہوں نے طلبہ و طالبات کو فراہم کی جانے والی سہولیات، انتظامی امور اور تعلیمی خدمات کا تفصیلی جائزہ لیا۔ اس موقع پر چیئرمین بورڈ فیصل اعجاز اور کنٹرولر امتحانات ڈاکٹر نوید عظمت بھی ان کے ہمراہ تھے۔ ایڈیشنل کمشنر کوارڈینیشن نے بورڈ کے مختلف شعبہ جات کا معائنہ کیا اور طلبہ و طالبات کے لیے دستیاب سہولیات کے بارے میں بریفنگ حاصل کی۔
ڈاکٹر سیف اللہ بھٹی نے اس امر پر زور دیا کہ طلبہ و طالبات کو معیاری، شفاف اور بروقت سہولیات کی فراہمی کو ہر صورت یقینی بنایا جائے۔ انہوں نے کہا کہ تعلیمی اداروں اور بورڈز میں بہتر انتظامی نظام طلبہ کے تعلیمی مستقبل کو مضبوط بنانے میں اہم کردار ادا کرتا ہے۔ انہوں نے بورڈ انتظامیہ کی جانب سے طلبہ و طالبات کی رہنمائی اور سہولت کے لیے کیے جانے والے اقدامات کو سراہا اور ہدایت کی کہ امتحانی امور میں شفافیت، میرٹ اور طلبہ کی سہولت کو اولین ترجیح دی جائے۔

ممبر بار کونسل ڈسرکٹ اوکاڑہ کی کمشنر ساہیوال ڈویژن ڈاکٹر آصف طفیل سے ملاقات مختلف امور پر تبادلہ خیال اس موقع پر ڈائریکٹ...
05/09/2026

ممبر بار کونسل ڈسرکٹ اوکاڑہ کی کمشنر ساہیوال ڈویژن ڈاکٹر آصف طفیل سے ملاقات مختلف امور پر تبادلہ خیال اس موقع پر ڈائریکٹر پبلک ریلیشنز محمد طارق اسماعیل بھی موجود تھے

آفس آف دی ڈائریکٹر پبلک ریلیشنز ساہیوال ڈویژن05 ستمبر 2026کمشنر ساہیوال ڈویژن ڈاکٹر آصف طفیل کا زیر تعمیر سلاٹر ہاؤس کا ...
05/09/2026

آفس آف دی ڈائریکٹر پبلک ریلیشنز ساہیوال ڈویژن
05 ستمبر 2026

کمشنر ساہیوال ڈویژن ڈاکٹر آصف طفیل کا زیر تعمیر سلاٹر ہاؤس کا دورہ، کام کی سست رفتار پر اظہارِ ناراضگی

ساہیوال() کمشنر ساہیوال ڈویژن ڈاکٹر آصف طفیل نے زیر تعمیر سلاٹر ہاؤس کا دورہ کیا اور جاری تعمیراتی کام کا تفصیلی جائزہ لیا۔ اس موقع پر چیف آفیسر میونسپل کارپوریشن ساہیوال شیخ اشفاق احمد اور متعلقہ افسران بھی موجود تھے۔ کمشنر ڈاکٹر آصف طفیل نے تعمیراتی کام کی سست رفتار پر سخت ناراضگی کا اظہار کرتے ہوئے ٹھیکیدار کی غیر موجودگی کا بھی نوٹس لیا اور متعلقہ افسران کو ہدایت کی کہ ٹھیکیدار کو کام کی رفتار فوری طور پر تیز کرنے اور مقررہ ڈیڈ لائن کے اندر منصوبہ مکمل کرنے کا پابند بنایا جائے۔ انہوں نے ہدایت کی کہ تعمیراتی کام کو مقررہ مدت میں مکمل کرنے کے لیے اضافی لیبر اور مشینری کا استعمال یقینی بنایا جائے تاکہ منصوبہ مزید تاخیر کا شکار نہ ہو۔ کمشنر نے سلاٹر ہاؤس کے داخلی راستوں کو مزید بہتر بنانے، اطراف میں مناسب پلانٹیشن اور گرین بیلٹ تیار کرکے منصوبے کو خوبصورت اور ماحول دوست بنانے کی بھی ہدایت کی۔ ڈاکٹر آصف طفیل نے کہا کہ ترقیاتی منصوبوں میں معیار اور رفتار پر کسی قسم کا سمجھوتہ نہیں کیا جائے گا۔ متعلقہ افسران تعمیراتی کام کی باقاعدگی سے مانیٹرنگ کریں اور مقررہ ڈیڈ لائن کے مطابق پیش رفت یقینی بنائیں۔

آفس آف دی ڈائریکٹر پبلک ریلیشنز ساہیوال ڈویژن05 ستمبر 2026وزیراعلیٰ پنجاب کے معاون خصوصی شعیب مرزا کی کمشنر ساہیوال اور ...
05/09/2026

آفس آف دی ڈائریکٹر پبلک ریلیشنز ساہیوال ڈویژن
05 ستمبر 2026

وزیراعلیٰ پنجاب کے معاون خصوصی شعیب مرزا کی کمشنر ساہیوال اور ڈپٹی کمشنر سے ملاقات

ساہیوال () وزیراعلیٰ پنجاب کے معاون خصوصی برائے وزیراعلیٰ معائنہ ٹیم شعیب مرزا نے کمشنر ساہیوال ڈویژن ڈاکٹر آصف طفیل اور ڈپٹی کمشنر ساہیوال کیپٹن (ر) سمیع اللہ فاروق سے ملاقات کی۔ ملاقات کے دوران کمشنر ساہیوال ڈویژن ڈاکٹر آصف طفیل اور ڈپٹی کمشنر ساہیوال کیپٹن (ر) سمیع اللہ فاروق نے شعیب مرزا کو وزیراعلیٰ پنجاب مریم نواز شریف کے عوامی فلاح و بہبود کے مختلف انیشیٹوز، حکومتی اقدامات اور کلیدی کارکردگی (KPIs) پر تفصیلی بریفنگ دی۔ اس موقع پر ڈویژن میں وزیراعلیٰ پنجاب کے مختلف اقدامات پر عملدرآمد، عوام کو ریلیف کی فراہمی اور انتظامی امور میں بہتری کے حوالے سے بھی آگاہ کیا گیا۔ شعیب مرزا نے مختلف حکومتی اقدامات پر پیش رفت اور انتظامیہ کی کارکردگی پر اطمینان کا اظہار کرتے ہوئے عوامی خدمت کے منصوبوں پر مؤثر اور بروقت عملدرآمد کو سراہا۔ انہوں نے کہا کہ وزیراعلیٰ پنجاب مریم نواز شریف کے وژن کے مطابق عوام کو ریلیف کی فراہمی اور سرکاری اداروں کی کارکردگی میں بہتری حکومت کی اولین ترجیح ہے، جس کے لیے تمام متعلقہ ادارے مربوط انداز میں کام جاری رکھیں۔

محکمہ اطلاعات و ثقافت حکومت پنجاب پنجاب کونسل آف آرٹس ساہیوال ڈویژن پریس ریلیز ۔۔۔ 5 ستمبر یومِ دفاع پاکستان کے سلسلے می...
05/09/2026

محکمہ اطلاعات و ثقافت حکومت پنجاب
پنجاب کونسل آف آرٹس ساہیوال ڈویژن

پریس ریلیز ۔۔۔ 5 ستمبر

یومِ دفاع پاکستان کے سلسلے میں پنجاب کونسل آف آرٹس ساہیوال ڈویژن کے زیرِ اہتمام خصوصی تقریب
ساہیوال، 5 ستمبر: پنجاب کونسل آف آرٹس ساہیوال ڈویژن، گورنمنٹ کالج آف ٹیکنالوجی (ویمن) ساہیوال اور ٹیوٹا کے باہمی اشتراک سے یومِ دفاع پاکستان کے سلسلے میں ایک پروقار تقریب کا انعقاد کیا گیا۔ تقریب کا مقصد 6 ستمبر 1965ء کے قومی جذبۂ حب الوطنی، پاک فوج کے جوانوں کی قربانیوں اور دفاعِ وطن کے لیے شہداء کی لازوال خدمات کو خراجِ عقیدت پیش کرنا تھا۔
تقریب کے مہمانِ خصوصی کمشنر ساہیوال ڈاکٹر آصف طفیل تھے۔ اس موقع پر طلباء و طالبات نے قومی جذبے سے سرشار ملی نغمے، تقاریر اور ٹیبلوز پیش کیے، جن کے ذریعے وطنِ عزیز سے محبت، قومی یکجہتی اور دفاعِ پاکستان کے جذبے کو اجاگر کیا گیا۔ طلباء و طالبات کی شاندار پرفارمنس کو شرکاء نے بھرپور سراہا اور ان کی حوصلہ افزائی کی۔
مہمانِ خصوصی کمشنر ساہیوال ڈاکٹر آصف طفیل نے اپنے خطاب میں کہا کہ یومِ دفاع پاکستان ہمیں اپنے ان بہادر سپوتوں کی قربانیوں کی یاد دلاتا ہے جنہوں نے مادرِ وطن کے دفاع کے لیے اپنی جانوں کا نذرانہ پیش کیا۔ انہوں نے کہا کہ شہداء اور غازیوں کی قربانیاں ہمارے لیے مشعلِ راہ ہیں اور نئی نسل کو اپنے وطن کی سلامتی، ترقی اور خوشحالی کے لیے اپنا کردار ادا کرنا چاہیے۔ انہوں نے طلباء و طالبات کی جانب سے پیش کیے گئے ملی نغموں، تقاریر اور ٹیبلوز کو سراہتے ہوئے کہا کہ ایسی تقریبات نوجوان نسل میں حب الوطنی اور قومی شعور کو فروغ دینے میں اہم کردار ادا کرتی ہیں۔
اس موقع پر ڈائریکٹر پنجاب کونسل آف آرٹس ساہیوال ڈویژن محمد طارق اسماعیل نے مہمانِ خصوصی، معزز شرکاء، اساتذہ، طلباء و طالبات اور تقریب کے انعقاد میں تعاون کرنے والے اداروں کا شکریہ ادا کیا۔ انہوں نے کہا کہ پنجاب کونسل آف آرٹس قومی اور ثقافتی دنوں کے حوالے سے ایسی تقریبات کے انعقاد کے ذریعے نوجوان نسل کو پاکستان کی تاریخ، ثقافت اور قومی اقدار سے روشناس کرانے کے لیے اپنا کردار ادا کر رہی ہے۔
تقریب میں پرنسپل گورنمنٹ کالج آف ٹیکنالوجی ویمن ساجدہ نورین، اسسٹنٹ ڈائریکٹر پروگرام اسد حیات نول، اسسٹنٹ ڈائریکٹر الیاس اکبر سگھلہ، اسسٹنٹ ڈائریکٹر ناصر علی وٹو سمیت پنجاب کونسل آف آرٹس، گورنمنٹ کالج آف ٹیکنالوجی (ویمن) ساہیوال اور ٹیوٹا کے افسران، اساتذہ، طلباء و طالبات اور دیگر معززین نے شرکت کی۔
تقریب کے اختتام پر وطنِ عزیز کی سلامتی، استحکام اور ترقی کے لیے خصوصی دعا بھی کی گئی جبکہ دفاعِ پاکستان کے شہداء کو خراجِ عقیدت پیش کیا گیا۔

ساہیوال( ) یومِ دفاعِ پاکستان کی مناسبت سے ڈسٹرکٹ سپورٹس ڈیپارٹمنٹ کے زیرِ اہتمام جمخانہ کرکٹ گراؤنڈ میں دیسی کشتیوں کا...
05/09/2026

ساہیوال( ) یومِ دفاعِ پاکستان کی مناسبت سے ڈسٹرکٹ سپورٹس ڈیپارٹمنٹ کے زیرِ اہتمام جمخانہ کرکٹ گراؤنڈ میں دیسی کشتیوں کا شاندار دنگل منعقد ہوا جس میں شہریوں کی بڑی تعداد نے شرکت کی۔ اس موقع پر عوام کا جوش و خروش دیدنی تھا اور گراؤنڈ پاک فوج اور پاکستان زندہ باد کے نعروں سے گونجتا رہا۔دنگل کے مہمانِ خصوصی ایڈیشنل ڈپٹی کمشنر انفورسمنٹ عدنان رشید اور ایس ڈی ای او پیرا فورس نعمان قیصر تھے۔ مہمانانوں کو پنجاب کی روایتی ثقافتی پگڑیاں پہنائی گئیں جبکہ شائقین نے پہلوانوں کے مقابلوں میں بھرپور دلچسپی کا اظہار کیا۔اس موقع پر ایڈیشنل ڈپٹی کمشنر انفورسمنٹ عدنان رشید نے کہا کہ یومِ دفاعِ پاکستان ہمیں اپنی مسلح افواج کی قربانیوں اور قومی یکجہتی کی یاد دلاتا ہےاور ایسے پروگرام قومی جذبے کو اجاگر کرنے کے ساتھ ساتھ ثقافتی روایات اور روایتی کھیلوں کے فروغ میں بھی اہم کردار ادا کرتے ہیں۔ایس ڈی ای او پیرا فورس نعمان قیصر نے کہا کہ دیسی کشتی ہماری ثقافت کا خوبصورت اور قدیم حصہ ہے جسے زندہ رکھنا ہم سب کی ذمہ داری ہے۔ نوجوانوں کو کھیلوں کی مثبت سرگرمیوں کی جانب راغب کرنے کے لیے ایسے مقابلوں کا انعقاد خوش آئند ہے۔مہمانانِ خصوصی نے مختلف مقابلوں میں حصہ لینے والے کھلاڑیوں کی حوصلہ افزائی کی اور ان میں کیش پرائز تقسیم کیے۔ دنگل کے دوران شائقین نے پہلوانوں کو بھرپور داد دی جبکہ گراؤنڈ میں موجود شہریوں نے پاک فوج اور پاکستان زندہ باد کے نعروں سے قومی جذبے کا اظہار کیا۔

آفس آف دی ڈائریکٹر پبلک ریلیشنز ساہیوال ڈویژن04 ستمبر 2026ساہیوال() کمشنر ساہیوال ڈویژن ڈاکٹر آصف طفیل نے کہا ہے کہ کمشن...
04/09/2026

آفس آف دی ڈائریکٹر پبلک ریلیشنز ساہیوال ڈویژن
04 ستمبر 2026

ساہیوال() کمشنر ساہیوال ڈویژن ڈاکٹر آصف طفیل نے کہا ہے کہ کمشنر آفس ساہیوال کے دروازے سائلین کے لئے ہمیشہ کھلے ہیں وہ بلا جھجک آئیں ان کے مسائل کو ترجیح بنیادوں پر حل کیا جائے گا۔ وہ یہاں وزیر اعلیٰ پنجاب کے ویژن آسان رسائی مسائل کم کے تحت شہریوں کی شکایات سن رہے تھے۔ انہوں نے شہریوں کی جانب سے دائر درخواستوں کا تفصیلی جائزہ لیا اور متعلقہ افسران کو فوری حل کے لئے احکامات جاری کئے۔

آفس آف دی ڈائریکٹر پبلک ریلیشنز ساہیوال ڈویژن04 ستمبر 2026کمشنر ساہیوال کی زیر صدارت چیچہ وطنی میں ترقیاتی منصوبوں کا جا...
04/09/2026

آفس آف دی ڈائریکٹر پبلک ریلیشنز ساہیوال ڈویژن
04 ستمبر 2026

کمشنر ساہیوال کی زیر صدارت چیچہ وطنی میں ترقیاتی منصوبوں کا جائزہ اجلاس

ساہیوال () کمشنر ساہیوال ڈویژن ڈاکٹر آصف طفیل کی زیر صدارت پنجاب ڈویلپمنٹ پروگرام کے تحت چیچہ وطنی میں جاری ترقیاتی منصوبوں کا جائزہ اجلاس منعقد ہوا۔ اجلاس میں مختلف ترقیاتی منصوبوں پر عملدرآمد، موجودہ صورتحال اور متعلقہ امور کا تفصیلی جائزہ لیا گیا۔
اجلاس میں ڈپٹی کمشنر کیپٹن (ر) سمیع اللہ فاروق، ایم این اے چوہدری طفیل جٹ، ڈائریکٹر لوکل گورنمنٹ، اسسٹنٹ کمشنر چیچہ وطنی غضنفر نوید، چیف آفیسر میونسپل کمیٹی پیام غنی، ڈائریکٹر پنجاب ڈویلپمنٹ پروگرام رضوان مارتھ، ڈائریکٹر پبلک ریلیشنز محمد طارق اسماعیل اور دیگر متعلقہ افسران نے شرکت کی۔اجلاس میں متعلقہ افسران کی جانب سے پنجاب ڈویلپمنٹ پروگرام کے تحت چیچہ وطنی میں جاری مختلف منصوبوں کے حوالے سے بریفنگ دی گئی۔ کمشنر ڈاکٹر آصف طفیل نے منصوبوں سے متعلق پیش رفت اور دیگر امور کا جائزہ لیتے ہوئے متعلقہ افسران سے تفصیلات دریافت کیں اور ضروری ہدایات جاری کیں۔

کمشنر ساہیوال ڈویژن ڈاکٹر آصف طفیل نے رینالہ خورد میں پی ڈی پی سیوریج سکیم کا جائزہ لیا۔اس موقع پر ڈپٹی کمشنر محمد اکرام...
04/09/2026

کمشنر ساہیوال ڈویژن ڈاکٹر آصف طفیل نے رینالہ خورد میں پی ڈی پی سیوریج سکیم کا جائزہ لیا۔
اس موقع پر ڈپٹی کمشنر محمد اکرام ملک سمیت دیگر افسران بھی موجود تھے۔ پی ڈی پی افسران نے شہر میں جاری سیوریج سکیم کے کام پر بریفنگ دی۔
کمشنر ڈاکٹر آصف طفیل نے کہا کہ شہر کی سیوریج سکیم سے نکاسی آب کے مسائل حل ہونگے۔
انہوں نے متعلقہ افسران کو ہدایت کی کہ عوامی سہولت کو مدنظر رکھتے ہوئے ترقیاتی کام جلد مکمل کیے جائیں۔

کمشنر ساہیوال ڈویژن ڈاکٹر آصف طفیل نے ٹی ایچ کیو ہسپتال رینالہ خورد میں فائر سیفٹی انتظامات کی بھی چیکنگ کی اور ہسپتال م...
04/09/2026

کمشنر ساہیوال ڈویژن ڈاکٹر آصف طفیل نے ٹی ایچ کیو ہسپتال رینالہ خورد میں فائر سیفٹی انتظامات کی بھی چیکنگ کی اور ہسپتال میں فائر سیفٹی انتظامات مکمل رکھنے کے احکامات دیے۔
کمشنر ساہیوال نے ہسپتال میں فوری طور پر فائر ہائیڈرنٹس کی تنصیب کی بھی ہدایات دیں۔
ہسپتال میں آتشزدگی کے واقعات سے بچاؤ کے لیے تمام تر اقدامات مکمل رکھے جائیں۔
سرکاری ہسپتالوں میں مریضوں کا تحفظ اولین ترجیح ہونی چاہیے۔
کمشنر ڈاکٹر آصف طفیل

Address

15 Edan Garden Near Central Jail
Sahiwal
57000

Opening Hours

Monday 08:30 - 15:00
Tuesday 08:30 - 15:00
Wednesday 08:30 - 15:00
Thursday 08:30 - 15:00
Friday 08:30 - 12:00
Saturday 08:30 - 15:00

Telephone

+92409200145

Website

Alerts

Be the first to know and let us send you an email when DPR Sahiwal posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to DPR Sahiwal:

Shortcuts

Share

Category