AJK Jamat e Islami Rawalpindi

08/09/2026

امیر جماعت اسلامی آزادجموں کشمیر و گلگت بلتستان ڈاکٹر مشتاق صاحب نے راولپنڈی، اسلام آباد کی اراکین کی مشاورت کے بعد سردار صالح طائر صاحب کو امیر حلقہ راولپنڈی، اسلام آباد مقرر کیا ہے۔
اللہ پاک استقامت عطاء فرمائے۔
Saleh Tahir 🤲🤲

02/09/2026

02/09/2026

کراچی تاجر اتحاد کے رہنما عتیق میر نے جماعت اسلامی کے تاجر کنونشن سے خطاب کرتے ہوئے کہا کہ ہم ایک بند گلی میں آگئے ہیں جسے لاچارگی کہتے ہیں۔اگر ہم نے اب بھی قدم آگے نہ بڑھائے اورحافظ نعیم الرحمان کا ساتھ نہ دیا پھر کوئی پوچھنے والا نہ ہوگا۔انہوں نے کہ آج تاجروں کی موجودگی ثابت کرتی ہے کہ کراچی 3 ستمبرکو بند رہے گا۔لیوی ٹیکس بھتہ الگ مسئلہ ہے لیکن کراچی سمیت پورا پاکستان دلدل میں پھنس چکا ہے

02/09/2026

ناگہانی آفات یقیناً ایک قدرتی عمل ہیں اور ان پر کسی کا مکمل کنٹرول نہیں ہوتا مگر آج راولپنڈی اور اسلام آباد میں بارش کے بعد پیدا ہونے والی صورتحال صرف ایک قدرتی آفت نہیں بلکہ حکومتی نااہلی، ناقص منصوبہ بندی اور برسوں کی بدانتظامی کا نتیجہ ہے۔

نالوں کی بروقت اور مؤثر صفائی نہ ہونا، تجاوزات اور غیر قانونی تعمیرات کے خاتمے کے لیے عملی اقدامات نہ کرنا اور شہری انفراسٹرکچر کو بارش اور سیلابی صورتحال کے مطابق بہتر نہ بنانا آج کی اس سنگین صورتحال کی بڑی وجوہات ہیں۔ اگر نالوں کی مناسب صفائی کی جاتی اور پانی کے قدرتی راستوں پر قائم تجاوزات اور تعمیرات کو بروقت ختم کیا جاتا تو شاید آج شہریوں کو اس قدر تباہ کن سیلابی صورتحال کا سامنا نہ کرنا پڑتا۔

ترقی کے نام پر اربوں روپے خرچ کیے گئے، مگر بنیادی شہری مسائل کے حل کے لیے مؤثر منصوبہ بندی نظر نہیں کی گئی۔ برسوں سے اقتدار میں رہنے والی نون لیگ اگر واقعی عوامی مسائل سے واقف اور سنجیدہ ہوتی تو آج عوام کو اس بے بسی کا سامنا نہ کرنا پڑتا۔ عوام اب اس نااہلی، بدانتظامی اور ناقص حکمرانی کا مزید بوجھ برداشت نہیں کر سکتے۔

رضا احمد شاہ
نائب امیر جماعت اسلامی راولپنڈی

02/08/2026

جماعت اسلامی آزادجموں کشمیر گلگت بلتستان کے امیر
ڈاکٹر محمد مشتاق خان نےراولاکوٹ میں شرپسند عناصر کی طرف سے نائب امیر زاہد رفیق ایڈووکیٹ پر قاتلانہ حملے کی شدید الفاظ میں مذمت کرتے ہوئے کہاہے کہ حکومت شہریوں کی جان ومال کا تحفظ کو یقینی بنائے۔امیرجماعت نے کہا ہے کہ قانون نافذ کرنے والے ادارے اس واقعے کا فوری نوٹس لیں اور اس جھتے کو لگام دیں۔جماعت اسلامی اپنے کارکنوں کا تحفظ کرنا جانتی ہے۔ہم پرامن اور محب وطن لوگ ہیں لیکن ہم شر پسند عناصر سے نمٹا جانتے ہیں۔ہم قانون کے پابند ہیں اس لیے ریاست آپ اپنارول ادا کرے۔دوسری صورت میں انارکی اور بدامنی بڑھنے کا خطرہ ہے۔امیر جماعت نے مطالبہ کیا ہے کہ فوری طور پر واقعے کی ایف آئی آر درج کرکے شرپسندوں کو گرفتار کیا جائے۔

02/08/2026

*Just 5 hours to go*

انشاللہ ایک نئی تاریخ رقم کریں گے۔
احتجاج تو ہو کر رہے گا💪🏻

02/08/2026

🚨

ہم جڑواں شہروں کے طلبہ کے خلاف مبینہ پولیس کریک ڈاؤن گھروں پر چھاپوں اور گرفتاریوں کی اطلاعات پر شدید تشویش اور مذمت کا اظہار کرتے ہیں۔

طلبہ احتجاج کے روحِ رواں فہیم الرحمٰن عثمانی اور ان کے ساتھیوں کے گھروں پر مبینہ چھاپوں کی اطلاعات انتہائی تشویشناک ہیں۔ اگر طلبہ پرامن اور آئینی حقِ احتجاج استعمال کرنا چاہتے ہیں تو ان کے ساتھ قانون اور آئین کے مطابق برتاؤ کیا جانا چاہیے۔

یہ احتجاج دراصل کشمیر میں محصور طلبہ کے حق میں آواز بلند کرنے کے لیے ہے اور اس کا مقصد کسی قسم کا انتشار یا بدامنی پیدا کرنا نہیں ہے۔ پرامن احتجاج کو روکنے کے لیے طاقت کا استعمال نہ صرف غیر مناسب ہے بلکہ بنیادی انسانی اور آئینی حقوق کی خلاف ورزی بھی ہے۔

راولپنڈی اور اسلام آباد پولیس ہوش کے ناخن لے اور فوری طور پر چھاپے بند کرے اور گرفتار طلبہ کو رہا کرے۔

ترجمان جماعت اسلامی راولپنڈی

25/07/2026

جماعت اسلامی آزاد جموں و کشمیر ضلع راولپنڈی کے امیر سردار صالح طاہر نے حلقہ جموں نمبر ایک سے جماعتی نامزد امیدوار راجہ محمد سہیل کے مقابلے میں انتخاب لڑنے پر ملک محمد اسلم صاحب کی جنرل کونسل رکنیت معطل کر دی ہے۔

جماعت اسلامی آزاد جموں و کشمیر، ضلع راولپنڈی