06/06/2026
مولانا عدنان صدیقی امیر جماعت اسلامی یوسی ٹھل خیرمحمدخان نےآج دفتر جماعت میں ستھرا پنجاب یوسی ٹھل خیرمحمدخان کی ٹیم کے مسلہ سنا اور اس پر انکو یقین دہانی کروائی کے جماعت اسلامی انکے ساتھ ہےاور ضلع انتظامیہ ستھرا پنجاب رحیم یار خان سے
ملازمین کی بحالی، بقایاجات کی ادائیگی اور ناانصافیوں کے خاتمے کا مطالبہ کیا اوراس کے ساتھ ہی
انتظامیہ ستھرا پنجاب ضلع رحیم یار خان کو متنبہ کیا جاتا ہے کہ ملازمین کے ساتھ ہونے والی ناانصافیوں، غیرقانونی کٹوتیوں، کرپشن اور ناروا سلوک کے حوالے سے ہمارے پاس ٹھوس شواہد موجود ہیں۔ ملازمین سے ماہانہ غیرقانونی وصولیاں، رکشہ ڈرائیوروں کے استحصال اور دیگر سنگین بے ضابطگیوں کی شکایات مسلسل موصول ہو رہی ہیں۔
عیدالاضحیٰ کے موقع پر وزیراعلیٰ پنجاب محترمہ مریم نواز شریف کی جانب سے دیے گئے 10,000 روپے کے عیدی چیک تاحال متعدد ملازمین کو نہیں ملے، انہیں فوری ادا کیا جائے۔ اسی طرح مختلف مہینوں میں کی گئی ناجائز کٹوتیوں کا ازالہ کیا جائے اور ماہ مئی کی بقایا نصف تنخواہ بھی فوری طور پر ادا کی جائے۔
میں، امیر جماعت اسلامی یونین کونسل ٹھل خیر محمد خان، آپ کو 24 گھنٹے کا وقت دیتا ہوں کہ بلاجواز فارغ کیے گئے تمام ملازمین کو بحال کیا جائے، بقایاجات ادا کیے جائیں اور تمام غیرقانونی اقدامات کا خاتمہ کیا جائے۔
بصورت دیگر عوامی، قانونی اور انتظامی سطح پر بھرپور ردعمل دیا جائے گا، جس کی مکمل ذمہ داری متعلقہ انتظامیہ، افسران، ٹھیکیداروں اور سپروائزرز پر عائد ہوگی۔
اب مزید ظلم، ناانصافی اور استحصال برداشت نہیں کیا جائے گا۔
امیر جماعت اسلامی
یونین کونسل ٹھل خیر محمد خان
