03/07/2026
کوئٹہ(پ ر)پاکستان تحریک انصاف کے رہنما محمد رحیم کاکڑ نے قومی اسمبلی، سینیٹ میں اپوزیشن رہنماﺅں سمیت مرکزی و صوبائی قیادت سے اپیل کی ہے کہ بانی پی ٹی آئی عمران خان سے ملاقات کی بجائے ان کی رہائی کیلئے کوشش کی جائے۔ انہوں نے کہا کہ عمران خان کی قید پر پارٹی کے اندر اور باہر سیاست کرنے والوں کو سمجھنا چاہئے کہ ایوان میں مزید تماشا لگانے کی بجائے ان کی آزادی کے ایجنڈے پر کام کریںکیونکہ عمران خان ہی وہ واحد لیڈر ہیں جو ملک اور عالم اسلام کی قیادت کرسکتے ہیں اور وقت دور نہیں جب بانی پی ٹی آئی عوام کے درمیان ہوں گے۔درایں اثناءشیرانی کے علاقے دھانہ سر کے قریب پیش آنے والے بس حادثے پر رنج و غم کا اظہار کرتے ہوئے محمد رحیم کاکڑ نے کہا کہ سانحہ پورے ملک کے لئے باعث صدمہ ہے جس میں کم از کم 40 افراد جاں بحق اور16 سے زائد شدید زخمی ہوئے ۔انہوں نے مطالبہ کیا کہ جاں بحق افراد کے لواحقین کو فوری مالی معاوضہ اورزخمیوں کو بہترین طبی سہولیات فراہم کی جائیں۔
