09/05/2026
ضلع خیبر باڑہ: 9 مئی یومِ مذمت کے موقع پر پاکستان تحریک انصاف ضلع خیبر کے زیر اہتمام چیئرمین عمران خان اور دیگر بے گناہ اسیران کی رہائی کے حق میں باڑہ میں احتجاجی مظاہرہ کیا گیا۔
احتجاجی مظاہرے کی قیادت ایم۔این۔اے اقبال آفریدی نے کی جبکہ پارٹی کارکنان اور عوام کی بڑی تعداد نے شرکت کی۔ عمران خان سمیت تمام سیاسی اسیران کی رہائی کے حق میں نعرے بازی کی۔
اس موقع پر مقررین کا کہنا تھا کہ سیاسی کارکنان کے خلاف کارروائیاں بند کی جائیں اور تمام بے گناہ اسیران کو فوری طور پر رہا کیا جائے۔ انہوں نے کہا کہ ملک میں آئین و قانون کی بالادستی اور جمہوری اقدار کا تحفظ وقت کی اہم ضرورت ہے۔
