17/08/2026
یونیورسٹی آف پشاور میں پیپلز سٹوڈنٹس فیڈریشن کا استقبالیہ کیمپ
یونیورسٹی آف پشاور میں پیپلز سٹوڈنٹس فیڈریشن کی جانب سے طلبہ کے استقبال کے لیے ایک کیمپ قائم کیا گیا۔ اس موقع پر پیپلز پارٹی پشاور ڈویژن کے رہنما حاجی مصباح الدین نے استقبالیہ کیمپ کا دورہ کیا اور طلبہ و کارکنان سے
ملاقات کی اس موقع پر پیپلز سٹوڈنٹس فیڈریشن رہنماوں معاز خان طیب نواز , بابر فیاض خلیل , شرجیل خان ، مدثر خان ، لا کالج صدر اور تمام یونٹس صدور اور کارکنان موجود تھے
دورے کے موقع پر پیپلز پارٹی ڈسٹرکٹ خیبر کے صدر ڈاکٹر شیر شاہ آفریدی بھی موجود تھے۔ پارٹی کارکنان اور طلبہ نے معزز مہمانوں کا استقبال کیا، جبکہ کیمپ میں تنظیمی امور، طلبہ کے مسائل اور سیاسی سرگرمیوں کے حوالے سے تبادلہ خیال کیا گیا۔
حاجی مصباح الدین نے پیپلز سٹوڈنٹس فیڈریشن کی سرگرمیوں کو سراہتے ہوئے کہا کہ طلبہ کسی بھی معاشرے کا قیمتی سرمایہ ہوتے ہیں۔ ان کی تعلیم، تربیت اور سیاسی شعور ملک کے مستقبل کے لیے نہایت اہم ہے۔ انہوں نے کہا کہ پیپلز پارٹی نوجوانوں کو آگے بڑھنے کے مواقع فراہم کرنے اور ان کے مسائل کے حل کے لیے اپنا کردار ادا کرتی رہے گی۔
