09/05/2026
*🚨 نام نہاد مجاہدین سن لو! تم بھگوڑے ہو، مجاہد نہیں 🚨*
مولانا فضل الرحمان نے شیخ ادریس شہیدؒ کے تعزیتی جلسے میں دوٹوک اعلان کیا:
*"پاکستان کے طول و عرض کے لاکھوں علماء کیا دین کو نہیں سمجھتے؟ اور تم بھگوڑے اسلام سمجھتے ہو؟ تمہاری حیثیت ایک بھگوڑے کی ہے۔ اپنے آپ کو مجاہد کہتے ہو؟ شرم نہیں آتی!"*
کیا تم مولانا سمیع الحق کو شہید کرو گے اور میں تمہیں مجاہد کہوں؟
کیا تم مولانا حسن جان کو شہید کرو گے اور میں تمہیں مجاہد کہوں؟
کیا تم شیخ ادریس کو شہید کرو گے اور میں تمہیں مجاہد کہوں؟
ہرگز نہیں!
*ہم پڑھے لکھے لوگ ہیں، تمہاری طرح جاہل نہیں۔*
اللہ نے ہمیں مدارس کے ذریعے علم، قرآن اور حدیث کی دولت عطا کی ہے۔
*جمعیت علماء اسلام کے نوجوانو، مدارس کے طلباء، قوم کے بیٹو!*
جذباتی نعروں کے بہکاوے میں مت آنا۔
اسلام سنجیدگی، وقار اور علم کا دین ہے۔
وہ وقار اپناؤ جس کے ساتھ ہمارے شیخ ادریس پڑھاتے تھے، جس تہذیب سے ہمارے اکابر نے دین سکھایا۔
وہ محبت بھرا لہجہ اپناؤ جس طرح وہ حدیث پڑھاتے تھے تو لگتا تھا کہ الفاظ خود ان کی زبان پر ترتیب پا رہے ہیں۔
*سن لو!*
ہم یہ قربانیاں برداشت کر لیں گے، لیکن جب وقت آئے گا تو تم برداشت نہیں کر سکو گے۔
اللہ اکبر، اللہ اکبر۔
ان شاء اللہ یہ تحریک حق چلتی رہے گی۔ ہم حق بات کہیں گے، باطل کی تردید کریں گے، اور اللہ کی مدد اور آپ کے اتحاد سے کامیاب ہوں گے۔
*وَآخِرُ دَعْوَانَا أَنِ الْحَمْدُ لِلّٰهِ رَبِّ الْعَالَمِينَ*
