Provincial Ombudsman "Mohtasib" Secretariat, KP Peshawar

23/08/2026

شکایت پر صوبائی محتسب خیبر پختونخوا کی مداخلت اور تعاون کے نتیجے میں شکایت کنندہ کے والد کے بقایا ریٹائرمنٹ واجبات متعلقہ دفاتر کی جانب سے ادا کر دیے گئے ہیں:

ڈسٹرکٹ اکاؤنٹس آفس سوات: 848,197 روپے

اکاؤنٹنٹ جنرل آفس پشاور : 101,457 روپے

ڈسٹرکٹ اکاؤنٹس اپر دیر: 695,903 روپے

کل رقم: 16,45,557 روپے

شکایت کنندہ نے ادائیگی پر صوبائی محتسب خیبر پختونخوا جناب مُطہر زیب اور ڈپٹی رجسٹرار مالاکنڈ ڈویژن جناب کلیم شہاب اور ان کے دفتر کے تمام عملے کا تہہ دل سے شکر ادا کیا۔

21/08/2026

محتسب خیبر پختونخوا کی مؤثر کارروائی، 25 لاکھ 15 ہزار روپے کی ادائیگی یقینی بنا دی گئی
صوبائی محتسب خیبر پختونخوا جناب مطہر زیب کی ہدایات اور نگرانی میں ریجنل آفس ایبٹ آباد میں زیرِ سماعت شکایت پر مؤثر کارروائی کرتے ہوئے شکایت کنندہ کے 25,15,680 روپے کے زیرِ التواء واجبات کی ادائیگی یقینی بنائی گئی۔
شکایت کی تحقیقات ریجنل آفس ایبٹ آباد کے ڈپٹی رجسٹرار، محمد عثمان اکرم نے کیں۔ متعلقہ ادارے سے جواب طلب کرنے کے بعد ادارے نے آگاہ کیا کہ مذکورہ رقم چیک کے ذریعے ادا کر دی گئی ہے۔
بعد ازاں شکایت کنندہ نے بھی ٹیلی فون پر رابطہ کر کے مذکورہ ادائیگی کی وصولی کی تصدیق کی۔
یوں ریجنل آفس ایبٹ آباد کی مؤثر کارروائی کے نتیجے میں شکایت کنندہ کی مالی شکایت کا ازالہ کرتے ہوئے زیرِ التواء رقم کی ادائیگی یقینی بنائی گئی۔
صوبائی محتسب خیبر پختونخوا جناب مطہر زیب عوامی شکایات کے بروقت ازالے، شفافیت اور جوابدہی کو یقینی بنانے کے لیے مؤثر اقدامات جاری رکھے ہوئے ہیں۔

20/08/2026

ای کھلی کچہری

ڈائریکٹر جنرل جناب برکت اللہ خان کی زیرِ صدارت ای کھلی کچہری منعقد کی گئی، جس میں شہریوں کی شکایات اور مسائل سنے گئے اور ان کے ازالے کے لیے متعلقہ حکام کو ضروری ہدایات جاری کی گئیں۔

20/08/2026

Public Awareness

17/08/2026

ریجنل آفس ایبٹ آباد، صوبائی محتسب خیبر پختونخوا کی مؤثر کارروائی، شہری کو ایک کروڑ روپے کا ریلیف فراہم
صوبائی محتسب خیبر پختونخوا جناب متاہر زیب کی ہدایات اور مؤثر نگرانی کے نتیجے میں ریجنل آفس ایبٹ آباد نے شہری کی زمین کے معاوضے کی عدم ادائیگی سے متعلق شکایت کا کامیابی سے ازالہ کر دیا۔
مسٹر شرافت خان ولد شیر احمد خان ساکن ضلع ہری پور نے صوبائی محتسب خیبر پختونخوا سے رجوع کیا تھا کہ ان کی ملکیتی زمین، جو بورڈ آف انٹرمیڈیٹ اینڈ سیکنڈری ایجوکیشن ایبٹ آباد کی جانب سے سپورٹس کمپلیکس کی تعمیر کے لیے حاصل کی گئی تھی، کا معاوضہ تاحال ادا نہیں کیا گیا۔
مذکورہ شکایت کی تحقیقات ڈپٹی رجسٹرار جناب محمد عثمان اکرم، ریجنل آفس ایبٹ آباد، صوبائی محتسب خیبر پختونخوا نے انجام دیں۔ تحقیقات کے دوران متعلقہ اداروں بشمول ڈپٹی کمشنر ایبٹ آباد اور چیئرمین بورڈ آف انٹرمیڈیٹ اینڈ سیکنڈری ایجوکیشن ایبٹ آباد سے جواب طلب کیا گیا۔
صوبائی محتسب خیبر پختونخوا کی مؤثر مداخلت اور ریجنل آفس ایبٹ آباد کی مسلسل پیروی کے نتیجے میں شکایت کنندہ نے تصدیق کی کہ اسے متعلقہ ادارے کی جانب سے 10,000,000/- روپے (ایک کروڑ روپے) بطور معاوضہ ادا کر دیے گئے ہیں۔ شکایت کنندہ نے اپنی شکایت کے مؤثر ازالے پر صوبائی محتسب خیبر پختونخوا کا شکریہ ادا کیا۔

17/08/2026

محترم فالوورز،
صوبائی محتسب خیبر پختونخوا کی ای کھلی کچہری جو پہلے 17 اگست 2026 کو منعقد ہونا تھی، ملتوی کر دی گئی ہے۔
نئی تاریخ: جمعرات، 20 اگست 2026، دوپہر 12:00 بجے
ای کھلی کچہری صوبائی محتسب خیبر پختونخوا کے آفیشل فیس بک پیج پر آن لائن منعقد ہوگی۔
تمام معزز فالوورز سے گزارش ہے کہ نئی تاریخ کے مطابق ای کھلی کچہری میں شرکت کریں۔

16/08/2026

12/08/2026

سرکاری ریکارڈ پیش نہ کرنے پر ڈائریکٹر جنرل ہیلتھ سروسز کی تنخواہ روک دی گئی
صوبائی محتسب خیبر پختونخوا مُطہر زیب نے شکایت نمبر 6416/11/2025 میں متعدد نوٹسز کے باوجود مکمل ریکارڈ پیش نہ کرنے اور تحقیقات میں غیر معمولی تاخیر کا نوٹس لیتے ہوئے ڈائریکٹر جنرل ہیلتھ سروسز، خیبر پختونخوا، پشاور کی تنخواہ مزید احکامات تک روکنے کی ہدایت جاری کر دی ہے۔
مذکورہ شکایت نومبر 2025 سے صوبائی محتسب سیکرٹریٹ میں زیرِ تفتیش ہے۔ متعدد نوٹسز کے باوجود محکمہ صحت اور ہیلتھ سروسز کی جانب سے متعلقہ ریکارڈ پیش نہ کیے جانے کے باعث شکایت کی تحقیقات مکمل نہیں ہو سکیں، جس سے شکایت کے فیصلے میں غیر ضروری تاخیر ہوئی۔
صوبائی محتسب نے خیبر پختونخوا صوبائی محتسب ایکٹ، 2010 کے سیکشن 14(1)(e) کے تحت حاصل اختیارات استعمال کرتے ہوئے مذکورہ افسر کی تنخواہ مزید احکامات تک منسلک/روکنے کی ہدایت جاری کی۔

11/08/2026

صوبائی محتسب خیبر پختونخوا کی اہم کارروائی
محکمہ صحت کے متعلقہ افسران کی تنخواہ روک دی گئی
صوبائی محتسب خیبر پختونخوا نے محکمہ صحت، خیبر پختونخوا کے متعلقہ افسران کی جانب سے شکایت کی تحقیقات کے سلسلے میں متعدد نوٹسز کے باوجود جواب اور مطلوبہ ریکارڈ فراہم نہ کرنے پر کارروائی کی ہے۔
متعلقہ شکایت اپریل 2026ء سے صوبائی محتسب سیکرٹریٹ میں زیرِ تفتیش تھی۔ متعدد نوٹسز جاری کیے جانے کے باوجود متعلقہ نمائندے کی جانب سے مطلوبہ جواب اور کیس کا مکمل ریکارڈ فراہم نہیں کیا گیا، جس کے باعث شکایت کی تحقیقات کی تکمیل میں غیر ضروری تاخیر ہوئی۔
اس صورتحال کے پیشِ نظر صوبائی محتسب خیبر پختونخوا جناب مطہر زیب کی ہدایت پر، خیبر پختونخوا صوبائی محتسب ایکٹ، 2010ء کی دفعہ 14(1)(e) کے تحت حاصل اختیارات کو بروئے کار لاتے ہوئے محکمہ صحت کے سیکشن افسران (E-II اور E-V) کی تنخواہ روک دی گئی ہے، جو مزید احکامات تک جاری رہے گی۔
یہ اقدام سرکاری افسران کی جوابدہی، محتسب سیکرٹریٹ کے احکامات و نوٹسز کی بروقت تعمیل اور عوامی شکایات کے فوری اور مؤثر ازالے کو یقینی بنانے کے عزم کا اظہار ہے۔
صوبائی محتسب سیکرٹریٹ
خیبر پختونخوا، پشاور