پنیالہ قومی اصلاحی جرگہ Paniala Qaumi Islahi Jirga

18/09/2026

الحمدللہ !

اللہ تعالیٰ کے فضل و کرم سے پنیالہ قومی اصلاحی جرگہ کی کوششوں سے مسمیان ہدایت اللہ، سمیع اللہ سراج خیل وغیرہ اور حارث خان، ہمایون خان سین خیل وغیرہ کے درمیان وانڈہ عمر خان میں اراضی کے مسلے کو خوش اسلوبی سے حل کر لیا گیا۔

ہم دونوں فریقین کا تہہ دل سے شکریہ ادا کرتے ہیں کہ انہوں نے افہام و تفہیم اور باہمی رضامندی کا مظاہرہ کرتے ہوئے جرگہ کے ذریعے مسئلہ حل کرنے کو ترجیح دی۔

یہی ہماری اصل کوشش ہے کہ پنیالہ کے لوگ اپنے باہمی مسائل کو لڑائی، دشمنی اور عدالتوں کے بجائے گفت و شنید، مذاکرات اور جرگہ کے ذریعے حل کریں۔

پنیالہ قومی اصلاحی جرگہ کا مقصد:
امن، محبت، اتفاق و اتحاد کو فروغ دینا، تنازعات کو مذاکرات کے ذریعے حل کرنا اور معاشرے میں باہمی احترام و بھائی چارے کو مضبوط بنانا ہے۔

مسئلہ کوئی بھی ہو، راستہ مذاکرات کا ہونا چاہیے۔
اختلاف ہو سکتا ہے، دشمنی ضروری نہیں۔

پنیالہ قومی اصلاحی جرگہ
امن • مذاکرات • محبت • اتفاق

18/09/2026

پنیالہ کا امن، ترقی اور خوشحالی — ہم سب کی ذمہ داری :

پنیالہ کی ترقی، خوشحالی اور پائیدار امن کے لیے تمام اقوام کو آگے آنا ہوگا۔ ہمیں اتفاق و اتحاد کے ذریعے اپنے اجتماعی مسائل کا حل تلاش کرنا ہوگا۔

یہ کسی ایک فرد، ایک خاندان یا ایک قوم کا مسئلہ نہیں؛ یہ ہم سب کا مشترکہ مسئلہ ہے۔ امن کسی ایک شخص کی ضرورت نہیں، بلکہ ہر انسان اپنے گھر، محلے اور معاشرے میں امن اور سکون چاہتا ہے۔

آج پنیالہ میں بدامنی، منشیات، چوری، ڈکیتی، قتل و غارت، معمولی باتوں پر تنازعات اور دیگر معاشرتی برائیاں ہمارے معاشرے کے لیے ایک بڑا چیلنج ہیں۔ اگر ہم آج ان مسائل کے خلاف متحد نہ ہوئے تو اس کے سب سے زیادہ اثرات ہماری آنے والی نسلوں پر پڑیں گے۔

یہ ہمارے بچوں کے مستقبل کا سوال ہے۔

آئیے! پنیالہ کی تمام اقوام مل کر ایک مشترکہ عزم کریں کہ:

اختلافات کو مذاکرات کے ذریعے حل کریں گے۔
امن، برداشت اور بھائی چارے کو فروغ دیں گے۔
منشیات اور دیگر معاشرتی برائیوں کے خلاف عملی کردار ادا کریں گے۔
ظلم، ناانصافی اور جرائم کے خلاف اجتماعی آواز اٹھائیں گے۔
اپنے بچوں کے محفوظ اور پُرامن مستقبل کے لیے مل کر کام کریں گے۔

پنیالہ کی ترقی کسی ایک فرد کی ذمہ داری نہیں؛ یہ ہم سب کی مشترکہ ذمہ داری ہے۔

آئیے، اتفاق و اتحاد کو اپنی طاقت بنائیں اور اپنے معاشرے کے ناسوروں کے خلاف عملی قدم اٹھائیں۔

امن ہوگا تو ترقی ہوگی، اتحاد ہوگا تو پنیالہ خوشحال ہوگا۔

پنیالہ ہمارا ہے — اس کا مستقبل بھی ہماری مشترکہ ذمہ داری ہے۔

17/09/2026

پنیالہ کے معاشرتی مسائل اور ہماری انفرادی و اجتماعی ذمہ داری

پنیالہ میں بدامنی اور معاشرتی مسائل دن بدن تشویشناک صورت اختیار کرتے جا رہے ہیں۔ چوری، ڈکیتی، قتل و مقاتلہ، معمولی باتوں پر جھگڑے اور باہمی دشمنیاں ہماری روزمرہ زندگی کا حصہ بنتی جا رہی ہیں۔ اس کے ساتھ ساتھ منشیات اور نشے کا پھیلاؤ بھی خطرناک حد تک بڑھ رہا ہے۔

یہ مسائل کسی ایک قوم، قبیلے، محلے، مسلک یا طبقے کے مسائل نہیں؛ یہ پورے پنیالہ کا مشترکہ مسئلہ اور ہمارے بچوں کے مستقبل کا سوال ہے۔ اگر آج ہم نے ان مسائل کو سنجیدگی سے نہ لیا تو آنے والی نسلیں اس کے بھیانک نتائج بھگتیں گی۔

ہم سب کی انفرادی اور اجتماعی ذمہ داری ہے کہ ان مسائل کو سمجھیں، ان کی بنیادی وجوہات پر غور کریں اور بلا تفریق امن، اصلاح اور قانون کی بالادستی کے لیے مشترکہ محاذ قائم کریں۔ جرائم پیشہ افراد، منشیات فروشوں اور معاشرتی بگاڑ پیدا کرنے والوں کے خلاف آواز اٹھانا کسی فرد یا گروہ کے خلاف دشمنی نہیں بلکہ اپنے معاشرے اور اپنی نسلوں کی حفاظت ہے۔

بدقسمتی سے ہمارے بعض سیاسی اور مذہبی مشران ان سنگین مسائل پر وہ مؤثر آواز نہیں اٹھا رہے جس کی عوام ان سے توقع کرتی ہے۔ خاموشی مسائل کا حل نہیں۔ عوامی نمائندوں، سیاسی قیادت، مذہبی مشران، سماجی کارکنوں، پولیس اور عام شہریوں کو اپنی اپنی ذمہ داری ادا کرنا ہوگی۔

ہماری ایک بڑی کمزوری یہ بھی ہے کہ ہم اکثر اصولی مفاد اور ذاتی وابستگی میں فرق نہیں کر پاتے۔ شخصیات، گروہی وابستگیوں اور وقتی مفادات سے بالاتر ہو کر یہ طے کرنا ہوگا کہ ہمارا اصل مفاد امن، عزت، تعلیم، روزگار، قانون کی بالادستی اور ہماری آنے والی نسلوں کا محفوظ مستقبل ہے۔

اب وقت آگیا ہے کہ ہم شخصیت پرستی، گروہی تعصب اور اندھی وابستگیوں سے نکل کر اپنے اجتماعی مفاد کو ترجیح دیں۔ اختلافات اپنی جگہ، لیکن پنیالہ کے امن اور مستقبل کے معاملے میں ہمیں ایک ہونا ہوگا۔

آئیے عہد کریں:

- منشیات کے خلاف بلا تفریق آواز اٹھائیں گے۔
- جرائم اور ظلم کو کسی رشتے، قوم یا تعلق کی بنیاد پر تحفظ نہیں دیں گے۔
- معمولی تنازعات کو دشمنی اور قتل و مقاتلے تک نہیں پہنچنے دیں گے۔
- اختلافات کو مذاکرات، جرگے اور قانون کے ذریعے حل کرنے کی کوشش کریں گے۔
- اپنے بچوں کو نشے، جرائم اور نفرت کے ماحول سے بچانے کے لیے عملی کردار ادا کریں گے۔
- سیاسی و مذہبی وابستگیوں سے بالاتر ہو کر پنیالہ کے اجتماعی مفاد کے لیے متحد ہوں گے۔

پنیالہ کسی ایک فرد، قوم یا جماعت کا نہیں؛ یہ ہم سب کا گھر ہے۔

اس گھر کا امن، ہماری عزت، ہماری ذمہ داری اور ہماری آنے والی نسلوں کا مستقبل بھی ہم سب کی مشترکہ ذمہ داری ہے۔

آئیں غلامانہ وابستگیوں کے بجائے شعور، اتحاد اور اجتماعی ذمہ داری کو اپنائیں۔
پنیالہ کو بدامنی سے امن، نفرت سے محبت اور انتشار سے اتحاد کی طرف لے جانا ہم سب کی ذمہ داری ہے۔

15/09/2026

"لوگوں کے ساتھ ایسا برتاؤ کرو کہ تم مر جاؤ تو وہ تمہیں یاد کریں اور زندہ رہو تو تم سے ملنے کی خواہش کریں."

15/09/2026

نشہ کے خلاف اگلا پروگرام اکرم خان حسن خیل کے حجرہ پر منعقد ہو گا۔ اہل محلہ سے درخواست کرتے ہیں کہ والدین اپنے بچوں سمیت شرکت کریں تاکہ اپنے بچوں کو نشہ کے نقصانات سے آگاہ کر سکیں۔ شکریہ

13/09/2026

ایک بہترین معاشرے کی تشکیل کے لئے ‏قران پاک کے 100 مختصر مگر انتہائی موثر پیغامات۔


1 گفتگو کے دوران بدتمیزی نہ کیا کرو،
سورۃ البقرۃ، آیت نمبر 83

2 غصے کو قابو میں رکھو
سورۃ آل عمران ، آیت نمبر 134

3 دوسروں کے ساتھ بھلائی کرو،
سورۃ القصص، آیت نمبر 77

4 تکبر نہ کرو،
سورۃ النحل، آیت نمبر 23

5 دوسروں کی غلطیاں معاف کر دیا کرو،
سورۃ النور، آیت نمبر 22

6 لوگوں کے ساتھ آہستہ بولا کرو،
سورۃ لقمان، آیت نمبر 19

7 اپنی آواز نیچی رکھا کرو،
سورۃ لقمان، آیت نمبر 19

8 دوسروں کا مذاق نہ اڑایا کرو،
سورۃ الحجرات، آیت نمبر 11

9 والدین کی خدمت کیا کرو،
سورۃ الإسراء، آیت نمبر 23

‏10 والدین سے اف تک نہ کرو،
سورۃ الإسراء، آیت نمبر 23

11 والدین کی اجازت کے بغیر ان کے کمرے میں داخل نہ ہوا کرو،
سورۃ النور، آیت نمبر 58

12 لین دین کا حساب لکھ لیا کرو،
سورۃ البقرۃ، آیت نمبر 282

13 کسی کی اندھا دھند تقلید نہ کرو،
سورۃ الإسراء، آیت نمبر 36

14 اگر مقروض مشکل وقت سے گزر رہا ہو تو اسے ادائیگی کے لیے مزید وقت دے دیا کرو،
سورۃ البقرۃ، آیت نمبر 280

15 سود نہ کھاؤ،
سورۃ البقرة ، آیت نمبر 278

16 رشوت نہ لو،
سورۃ المائدۃ، آیت نمبر 42

17 وعدہ نہ توڑو،
سورۃ الرعد، آیت نمبر 20

‏18 دوسروں پر اعتماد کیا کرو،
سورۃ الحجرات، آیت نمبر 12

19 سچ میں جھوٹ نہ ملایاکرو،
سورۃ البقرۃ، آیت نمبر 42

20 لوگوں کے درمیان انصاف قائم کیا کرو،
سورۃ ص، آیت نمبر 26

21 انصاف کے لیے مضبوطی سے کھڑے ہو جایا کرو،
سورۃ النساء، آیت نمبر 135

22 مرنے والوں کی دولت خاندان کے تمام ارکان میں تقسیم کیاکرو،
سورۃ النساء، آیت نمبر 8

23 خواتین بھی وراثت میں حصہ دار ہیں،
سورۃ النساء، آیت نمبر 7

24 یتیموں کی جائیداد پر قبضہ نہ کرو،
سورۃ النساء، آیت نمبر 2

‏25 یتیموں کی حفاظت کرو،
سورۃ النساء، آیت نمبر 127

26 دوسروں کا مال بلا ضرورت خرچ نہ کرو،
سورۃ النساء، آیت نمبر 6

27 لوگوں کے درمیان صلح کراؤ،
سورۃ الحجرات، آیت نمبر 10

28 بدگمانی سے بچو،
سورۃ الحجرات، آیت نمبر 12

29 غیبت نہ کرو،
سورۃ الحجرات، آیت نمبر 12

30 جاسوسی نہ کرو،
سورۃ الحجرات، آیت نمبر 12

31 خیرات کیا کرو،
سورۃ البقرة، آیت نمبر 271

32 غرباء کو کھانا کھلایا کرو
سورة المدثر، آیت نمبر 44

33 ضرورت مندوں کو تلاش کر کے ان کی مدد کیا کرو،
سورة البقرۃ، آیت نمبر 273

34 فضول خرچی نہ کیا کرو،
سورۃ الفرقان، آیت نمبر 67

‏35 خیرات کرکے جتلایا نہ کرو،
سورة البقرۃ، آیت 262

36 مہمانوں کی عزت کیا کرو،
سورۃ الذاريات، آیت نمبر 24-27

37 نیکی پہلے خود کرو اور پھر دوسروں کو تلقین کرو،
سورۃ البقرۃ، آیت نمبر44

38 زمین پر برائی نہ پھیلایا کرو،
سورۃ العنكبوت، آیت نمبر 36

39 لوگوں کو مسجدوں میں داخلے سے نہ روکو،
سورة البقرة، آیت نمبر 114

40 صرف ان کے ساتھ لڑو جو تمہارے ساتھ لڑیں،
سورة البقرة، آیت نمبر 190

41 جنگ کے دوران جنگ کے آداب کا خیال رکھو،
سورة البقرة، آیت نمبر 190

‏42 جنگ کے دوران پیٹھ نہ دکھاؤ،
سورة الأنفال، آیت نمبر 15

43 دین میں کوئی سختی نہیں،
سورة البقرة، آیت نمبر 256

44 تمام انبیاء پر ایمان لاؤ،
سورۃ النساء، آیت نمبر 150

45 حیض کے دنوں میں مباشرت نہ کرو،
سورة البقرة، آیت نمبر، 222

46 بچوں کو دو سال تک ماں کا دودھ پلاؤ،
سورة البقرة، آیت نمبر، 233

47 جنسی بدکاری سے بچو،
سورة الأسراء، آیت نمبر 32

48 حکمرانوں کو میرٹ پر منتخب کرو،
سورۃ البقرۃ، آیت نمبر 247

49 کسی پر اس کی ہمت سے زیادہ بوجھ نہ ڈالو،
سورة البقرة، آیت نمبر 286

50 منافقت سے بچو،
سورۃ البقرۃ، آیت نمبر 14-16

‏51 کائنات کی تخلیق اور عجائب کے بارے میں گہرائی سے غور کرو،
سورة آل عمران، آیت نمبر 190

52 عورتیں اور مرد اپنے اعمال کا برابر حصہ پائیں گے،
سورة آل عمران، آیت نمبر 195

53 بعض رشتہ داروں سے شادی حرام ہے،
سورۃ النساء، آیت نمبر 23

54 مرد خاندان کا سربراہ ہے،
سورۃ النساء، آیت نمبر 34

55 بخیل نہ بنو،
سورۃ النساء، آیت نمبر 37

56 حسد نہ کرو،
سورۃ النساء، آیت نمبر 54

57 ایک دوسرے کو قتل نہ کرو،
سورۃ النساء، آیت نمبر 29

58 فریب (فریبی) کی وکالت نہ کرو،
سورۃ النساء، آیت نمبر 135

‏59 گناہ اور زیادتی میں دوسروں کے ساتھ تعاون نہ کرو،
سورۃ المائدۃ، آیت نمبر 2

60 نیکی میں ایک دوسری کی مدد کرو،
سورۃ المائدۃ، آیت نمبر 2

61 اکثریت سچ کی کسوٹی نہیں ہوتی،
سورۃ المائدۃ، آیت نمبر 100

62 صحیح راستے پر رہو،
سورۃ الانعام، آیت نمبر 153

63 جرائم کی سزا دے کر مثال قائم کرو،
سورۃ المائدۃ، آیت نمبر 38

64 گناہ اور ناانصافی کے خلاف جدوجہد کرتے رہو،
سورۃ الانفال، آیت نمبر 39

65 مردہ جانور، خون اور سور کا گوشت اور جس سے غیر اللّٰہ کی شان بڑھایا جائے حرام ہے،
سورۃ المائدۃ، آیت نمبر 3

‏66 شراب اور دوسری منشیات سے پرہیز کرو،
سورۃ المائدۃ، آیت نمبر 90

67 جوا نہ کھیلو،
سورۃ المائدۃ، آیت نمبر 90

68 ہیرا پھیری نہ کرو،
سورۃ الاحزاب، آیت نمبر 70

69 چغلی نہ کھاؤ،
سورۃ الھمزۃ، آیت نمبر 1

70 کھاؤ اور پیو لیکن فضول خرچی نہ کرو،
سورۃ الاعراف، آیت نمبر 31

71 آپ سے جو لوگ مدد اور تحفظ مانگیں ان کی حفاظت کرو، انھیں مدد دو،
سورۃ التوبۃ، آیت نمبر 6

72 طہارت قائم رکھو،
سورۃ التوبۃ، آیت نمبر 108

73 اللہ کی رحمت سے مایوس نہ ہو،
سورۃ الحجر، آیت نمبر 56

‏74 اللہ نادانستگی میں کی جانے والی غلطیاں معاف کر دیتا ہے،
سورۃ النساء، آیت نمبر 17

75 لوگوں کو دانائی اور اچھی ہدایت کے ساتھ اللہ کی طرف بلاؤ،
سورۃ النحل، آیت نمبر 125

76 کوئی شخص کسی کے گناہوں کا بوجھ نہیں اٹھائے گا،
سورۃ فاطر، آیت نمبر 18

77 غربت کے خوف سے اپنے بچوں کو قتل نہ کرو،
سورۃ النحل، آیت نمبر 31

78 جس چیز کے بارے میں علم نہ ہو اس پر گفتگو نہ کرو،
سورۃ النحل، آیت نمبر 36

‏89 کسی کی ٹوہ میں نہ رہا کرو (تجسس نہ کرو)،
سورۃ الحجرات، آیت نمبر 12

80 اجازت کے بغیر دوسروں کے گھروں میں داخل نہ ہو،
سورۃ النور، آیت نمبر 27

81 اللہ اپنی ذات پر یقین رکھنے والوں کی حفاظت کرتا ہے،
سورۃ یونس، آیت نمبر 103

82 زمین پر عاجزی کے ساتھ چلو،
سورۃ الفرقان، آیت نمبر 63

83 اپنے حصے کا کام کرو۔ اللہ، اس کا رسول صلی اللہ علیہ وسلم اور مومنین تمہارا کام دیکھیں گے۔
سورة توبہ، آیت نمبر 105

84 اللہ کے ساتھ کسی کو شریک نہ کرو،
سورۃ الکہف، آیت نمبر 110

‏85 ہم جنس پرستی میں نہ پڑو،
سورۃ النمل، آیت نمبر 55

‏86 حق (سچ) کا ساتھ دو، غلط (جھوٹ) سے پرہیز کرو،
سورۃ توبہ، آیت نمبر 119

87 زمین پر ڈھٹائی سے نہ چلو،
سورۃ الإسراء، آیت نمبر 37

88 عورتیں اپنی زینت کی نمائش نہ کریں،
سورۃ النور، آیت نمبر 31

89 اللّٰه شرک کے سوا تمام گناہ معاف کر دیتا ہے،
سورۃ النساء، آیت نمبر 48

90 اللّٰه کی رحمت سے مایوس نہ ہو،
سورۃ زمر، آیت نمبر 53

91 برائی کو اچھائی سے ختم کرو،
سورۃ حم سجدۃ، آیت نمبر 34

92 فیصلے مشاورت کے ساتھ کیا کرو،
سورۃ الشوری، آیت نمبر 38

‏93 تم میں وہ زیادہ معزز ہے جو زیادہ پرہیزگار ہے،
سورۃ الحجرات، آیت نمبر 13

94 اسلام میں ترک دنیا نہیں ہے۔
سورۃ الحدید، آیت نمبر 27

95 اللہ علم والوں کو مقدم رکھتا ہے،
سورۃ المجادلۃ، آیت نمبر 11

96 غیر مسلموں کے ساتھ مہربانی اور اخلاق کے ساتھ پیش آؤ،
سورۃ الممتحنۃ، آیت نمبر 8

97 خود کو لالچ سے بچاؤ،
سورۃ النساء، آیت نمبر 32

98 اللہ سے معافی مانگو وہ معاف کرنے اور رحم کرنے والا ہے ،
سورۃ البقرۃ، آیت نمبر 199

99 جو دست سوال دراز کرے اسے نہ جھڑکو بلکہ حسب توفیق کچھ دے دو،
سورۃ الضحی، آیت نمبر 10

100 مجرموں پر ترس نہ کھاؤ. انہیں سر عام سزائیں دیا کرو
سورة نور،
اسطرح قرآن قوانین سے بھرا ہوا ھے یہی دین اسلام ھے دین اسلام میں زبان سے پڑھنے کی اوزار دستیاب نہیں ہیں جو پڑھے جاتے ہیں یہ ماجوسی اماموں کے ایجاد کردہ بداعات ہیں دین اسلام میں کرنا اور نہیں کرنا ھے پڑھنا دین اسلام میں نہیں ھے ۔
دین اسلام کو قائم کرنے سے اٹومیٹیکلی نظام اطاعت الٰہی وجود میں آتا ھے جس میں الہ یعنی حاکم بادشاہ قانون ساز صرف اور صرف اللّٰہ ہوتا ھے ۔
اسلئے کہتے ہیں کہ ۔
الحمد للّٰہ رب العالمین ۔
حاکمیت صرف اللّٰہ تعالٰی کی ھے جو عالمین کو اپنی اپنی شکل و صورتوں میں تخلیق کرکے قوانین دینے والا ھے ۔

وما علینا الا البلاغ ۔

13/09/2026

الحمدللہ!

پنیالہ قومی اصلاحی جرگہ کی کوششوں سے بلچ حجرہ، پنیالہ میں دو افراد کے درمیان جائیداد کا تنازعہ خوش اسلوبی، باہمی رضامندی اور مذاکرات کے ذریعے حل ہوگیا۔

ہم دونوں فریقین کو اس کامیاب صلح پر دل کی گہرائیوں سے مبارکباد پیش کرتے ہیں اور امید کرتے ہیں کہ یہ فیصلہ آئندہ بھی باہمی محبت، بھائی چارے اور اچھے تعلقات کو مزید مضبوط کرے گا۔

اس تنازعے کے حل میں کردار ادا کرنے والے معزز ثالثان سیف اللہ استاد، انور خان کٹہ اور رشید گل ڈاکٹر کا تہہ دل سے شکریہ ادا کرتے ہیں۔ اللہ تعالیٰ ان کی اس کاوش کو قبول فرمائے اور انہیں جزائے خیر عطا فرمائے۔

پنیالہ قومی اصلاحی جرگہ کا مقصد کسی کی فتح یا شکست نہیں، بلکہ امن، مذاکرات، محبت، اتفاق و اتحاد اور باہمی احترام کو فروغ دینا ہے۔

ہم سمجھتے ہیں کہ تنازعات کا بہترین حل طاقت نہیں، بلکہ گفت و شنید، برداشت اور جرگہ کے ذریعے باہمی رضامندی ہے۔

امن ہمارا مقصد، مذاکرات ہمارا راستہ، اور اتحاد ہماری طاقت ہے۔

12/09/2026

11/09/2026

"جو دوسروں کے لیے آسانی بنتے ہیں، اللہ اُن کے لیے راستے آسان کر دیتا ہے۔"