19/03/2026
نوشہرہ (پی آر او)
*ٹریفک وارڈنز پولیس کا عید الفطر کے موقع پر عوامی سہولت کے لیے احسن اقدام.*
*اپنے پیاروں کے ساتھ عید کی خوشیاں منانے کے لیے آبائی علاقوں کا سفر کرنے والے مسافروں سے زائد کرایہ وصول کرنے والے ٹرانسپورٹرز کے خلاف سخت کارروائیاں جاری ہیں۔*
تفصیلات کے مطابق:۔ ضلعی پولیس سربراہ احمد شاہ کی واضح ہدایات کی روشنی میں ڈی ایس پی ٹریفک محمد نسیم خان کی براہ راست نگرانی میں انچارج ٹریفک نوشاد علی خان اور ان کی ٹیم متحرک ہے۔
ضلع بھر کی اہم شاہراہوں اور داخلی و خارجی راستوں پر بارش کے موسم میں خصوصی ناکہ بندیاں قائم کی گئی ہیں، جہاں ہر قسم کی پبلک ٹرانسپورٹ کی باقاعدہ چیکنگ کی جا رہی ہے۔
دوران چیکنگ ایسے ٹرانسپورٹرز کے خلاف قانونی کارروائی عمل میں لائی گئی جو مسافروں سے مقررہ کرایہ سے زائد وصول کر رہے تھے۔ متعدد گاڑیوں کے چالان کیے گئے جبکہ بعض کے خلاف مزید قانونی کارروائی بھی شروع کر دی گئی ہے۔
ڈی ایس پی ٹریفک نے کہا کہ کسی کو بھی عوام کے استحصال کی اجازت نہیں دی جائے گی۔
عوام سے اپیل کی جاتی ہے کہ وہ زائد کرایہ وصول کرنے والے ٹرانسپورٹرز کے خلاف فوری طور پر ٹریفک ہیڈکوارٹرز نوشہرہ کینٹ میں ذیل نمبرات
0313,9109949
0315,9404073
0344,4055595
پر اپنی شکایات درج کروائیں تاکہ بروقت کارروائی عمل میں لائی جا سکے۔
شہریوں کے تعاون سے ہی اس مہم کو کامیاب بنایا جا سکتا ہے۔
ٹریفک وارڈنز پولیس نے اس عزم کا اعادہ کیا ہے کہ عید کے موقع پر شہریوں کو محفوظ، باعزت اور سہولت بخش سفری ماحول فراہم کرنے کے لیے تمام تر وسائل بروئے کار لائے جائیں گے۔
