28/04/2026
🌟 ایک عہد کا اختتام… خدمت کا روشن باب ہمیشہ باقی رہے گا 🌟
محکمہ تعمیرات عامہ شاہرات کے نہایت باصلاحیت، فرض شناس اور باوقار آفیسر سید سخاوت حسین کاظمی (چیف ڈرافٹسمین) اپنی طویل اور مثالی سرکاری خدمات مکمل کر کے باعزت طور پر ریٹائر ہو گئے۔
ان کی شاندار خدمات کے اعتراف میں محکمہ تعمیرات عامہ کے آفیسران و اہلکاران کی جانب سے ایک پُروقار اور یادگار الوداعی تقریب کا انعقاد کیا گیا۔ اس موقع پر ایک خوبصورت روایت کو زندہ رکھتے ہوئے انہیں ان کے دفتر سے گھر تک چیف انجینئر راجہ امجد صدیق، دیگر آفیسران اور سٹاف نے انتہائی عزت، محبت اور احترام کے ساتھ رخصت کیا—جو ان کی خدمات سے وابستہ عقیدت کا عملی اظہار تھا۔
ریٹائرمنٹ کے اس تاریخی لمحے کو مزید یادگار بنانے کے لیے سید سخاوت حسین کاظمی صاحب نے اپنے گھر پر معزز مہمانوں کے اعزاز میں پرتکلف عشائیہ دیا، جبکہ بعد ازاں محکمہ کی جانب سے شب خداداد ریسٹورنٹ مظفرآباد میں ایک شاندار ڈنر کا اہتمام بھی کیا گیا۔
تقریب کی خاص بات یہ رہی کہ چند روز قبل ریٹائر ہونے والے ملک ریاض (سینئر اکاؤنٹس کلرک) کو بھی خصوصی طور پر مدعو کیا گیا، اور ان کی خدمات کو بھی بھرپور انداز میں خراجِ تحسین پیش کیا گیا۔
اس پروقار تقریب میں: چیف انجینئر راجہ امجد صدیق،
چیف انجینئر ندیم احمد مغل،
چیئرمین ایم ڈی اے سید یاسر گیلانی،
سپرنڈنگ انجینئر سید کاشف گردیزی،
سپرنڈنگ انجینئر پرویز کیانی
سمیت ایگزیکٹو، اسسٹنٹ انجینئرز اور دیگر آفیسران و اہلکاران نے شرکت کی۔
مقررین نے اپنے خیالات کا اظہار کرتے ہوئے سید سخاوت حسین کاظمی اور ملک ریاض کی دیانت، پیشہ ورانہ مہارت اور ادارے کے لیے گراں قدر خدمات کو زبردست الفاظ میں سراہا اور ان کے لیے نیک خواہشات کا اظہار کیا۔
🌹 ہم دعاگو ہیں کہ اللہ تعالیٰ انہیں صحت، سکون اور کامیابیوں سے بھرپور زندگی عطا فرمائے۔
ان کی خدمات ہمیشہ ادارے کے لیے مشعلِ راہ رہیں گی۔
