18/10/2025
محکمہ لائیو سٹاک شمالی وزیرستان – اہم اطلاع برائے تمام سرکاری و نجی اسمنٹرز
محکمہ لائیو سٹاک شمالی وزیرستان کو متعدد شکایات موصول ہو رہی ہیں کہ حالیہ دنوں میں غیر نسلی جانوروں کی افزائش میں نمایاں اضافہ دیکھنے میں آ رہا ہے۔ حالانکہ SPU
جمرود کی جانب سے رجسٹرڈ فرزین اور جرسی نسل کے معیاری سیمن کی فراہمی یقینی بنائی جا رہی ہے، تاہم مشاہدہ میں آیا ہے کہ بعض سرکاری اور نجی اسمنٹرز غیر مجاز (پرائیویٹ) سیمن کا استعمال کر رہے ہیں، جس کی وجہ سے جانوروں کی نسلی بہتری کے مقاصد متاثر ہو رہے ہیں۔
اس ضمن میں محکمہ لائیو سٹاک شمالی وزیرستان نے فیصلہ کیا ہے کہ آئندہ ہفتے ضلعی ڈائریکٹر لائیو سٹاک شمالی وزیرستان کی زیر صدارت ایک اہم اجلاس طلب کیا جائے گا، جس میں تمام اسمنٹرز کی شرکت لازم ہوگی۔ اجلاس میں نہ صرف اس مسئلے کا تفصیلی جائزہ لیا جائے گا بلکہ مستقبل کے لیے واضح ہدایات بھی جاری کی جائیں گی۔
تمام متعلقہ اسمنٹرز سے گزارش ہے کہ وہ وقت مقررہ پر اجلاس میں شرکت کو یقینی بنائیں اور صرف منظور شدہ ذرائع سے ہی سیمن کے استعمال کو ترجیح دیں تاکہ علاقہ میں جانوروں کی نسلی بہتری کا ہدف حاصل کیا جا سکے۔
از جانب:
محکمہ لائیو سٹاک، ضلع شمالی وزیرستان
