01/10/2024
پشاور: ڈپٹی سپیکر خیبر پختونخوا اسمبلی ثریا بی بی کی سربراہی میں آغا خان ہیلتھ سروسز کے نمایندہ وفد کی مشیر صحت احتشام علی سے ملاقات. ملاقات میں چترال میں خواتین ڈاکٹرز کی فراہمی, ماں اور بچے کی صحت کے حوالے سے ہسپتالوں کو تمام تر ضروری سہولیات فراہم کرنے, رورل ہیلتھ سنٹر شاہگرام اور بونی کو ماڈل ہسپتال بنانے کے حوالے سے اہم فیصلے کیے گیے.
مشیر صحت نے متعلقہ حکام کو ہدایات جاری کی کہ آغا خان ہیلتھ سروسز کے ساتھ مل کر چترال میں صحت کے مسائل کو حل کیا جائے. ملاقات میں ایڈیشنل ڈایریکٹر جنرل ہیلتھ سروسز ڈاکٹر شاہد یونس, چیف ایگزیکٹیو آفیسر ہیلتھ فاونڈیشن ڈاکٹر عدنان تاج, آغا خان ہیلتھ سروسز کے چیف ایگزیکٹیو سید ندیم حسین عباس, جی ایم آغا خان ہیلتھ سروسز معراج الدین کے بھی شامل تھے.
