12/02/2026
ہم اہلیانِ بلاکوٹ، جناب ڈی پی او مانسہرہ ازہر خان PSP صاحب کی خدمت میں مؤدبانہ گزارش کرتے ہیں کہ حالیہ سوشل میڈیا پر گردش کرنے والی ویڈیو کے باعث علاقے میں شدید تشویش پائی جاتی ہے، جس میں ایس ایچ او تھانہ بلاکوٹ سید اسرار حسین شاہ کے حوالے سے الزامات سامنے آئے ہیں۔لہٰذا عوام کے پولیس پر اعتماد کو برقرار رکھنے کے لیے استدعا ہے کہ اس معاملے کی فوری، غیر جانبدار اور شفاف انکوائری کروائی جائے اور دورانِ انکوائری مذکورہ ایس ایچ او کو عارضی طور پر معطل یا تبدیل کیا جائے تاکہ تحقیقات بلا دباؤ مکمل ہو سکیں۔مزید یہ کہ ان کی سابقہ تعیناتی ناران میں بھی عوامی سطح پر ان کے طرزِ عمل اور کارکردگی کے حوالے سے متعدد شکایات اور احتجاج سامنے آتے رہے، جن میں بعض حلقوں کی جانب سے بااثر عناصر کے ساتھ روابط کے الزامات بھی لگائے گئے۔ اس لیے ایک غیر جانبدار تحقیقاتی ٹیم مقرر کر کے تمام پہلوؤں کا جائزہ لیا جائے اور اس کی رپورٹ منظرِ عام پر لائی جائے۔ہم قانون کا احترام کرتے ہیں اور دستیاب ثبوت متعلقہ حکام کو فراہم کرنے کے لیے تیار ہیں۔ گزارش ہے کہ فوری کارروائی عمل میں لائی جائے تاکہ علاقے میں امن و امان برقرار رہے اور عوام کا اعتماد بحال ہو۔
