07/11/2025
امیرِ ضلع جمعیت علماء اسلام مفتی محمد خالد صاحب کی قیادت میں جمعیت علماء اسلام کا ایک نمائندہ وفد کراچی واٹر اینڈ سیوریج بورڈ کے چیف آپریٹنگ آفیسر (COO) اسداللہ صاحب سے ملاقات۔
ملاقات میں چیف انجینئر غلام محمد، ایگزیکٹو انجینئر واحد شیخ، ایکسیئن اورنگی ٹاؤن یونس شیخ، ایکسیئن مومن آباد حافظ سیف اور دیگر افسران بھی موجود تھے۔
جمعیت علماء اسلام کے وفد میں امیر منگھو پیر ٹاؤن قاری یونس قاسمی،امیر اورنگی مفتی عقیل قریشی ،مولانا حبیب الرزاق،مولانا محمد رحیم،مولاناعنایت الرحمن ،مفتی نعمت اللہ،حافظ عبداللہ بسمل ,مولانا عباس شریک تھے۔
ملاقات کے دوران وفد کے اراکین نے اپنے اپنے علاقوں میں پانی کی قلت، پرانی اور خستہ حال لائنوں، گٹر ابلنے، اور نکاسیِ آب کے دیگر مسائل پر تفصیلی گفتگو کی۔ وفد نے واٹر بورڈ حکام کو عوامی مشکلات سے آگاہ کرتے ہوئے فوری اقدامات کی ضرورت پر زور دیا۔
اس موقع پر سی او او واٹر بورڈ اسداللہ صاحب نے وفد کی تمام گزارشات کو بغور سنا اور متعلقہ افسران کو ہدایت دی کہ عوامی مسائل کے حل میں کسی قسم کی کوتاہی نہ برتی جائے۔ انہوں نے یقین دلایا کہ جہاں جہاں فوری کارروائی ممکن ہے وہاں اقدامات کیے جائیں سکے۔
اور طویل المدتی حل کے لیے بھی منصوبہ بندی کی جائے گی۔
آخر میں مفتی محمد خالد صاحب نے واٹر بورڈ انتظامیہ کا شکریہ ادا کرتے ہوئے کہا کہ جمعیت علماء اسلام عوامی خدمت کے ہر معاملے میں تعاون کے لیے تیار ہے، تاکہ شہریوں
کو بنیادی سہولیات بہتر انداز میں فراہم کی جا سکے
