Deputy Commissioner MBDin

04/06/2026

بارش کے موسم میں واسا منڈی بہاءالدین کے مختلف مقامات پر الرٹ ہے۔

04/06/2026

ڈپٹی کمشنر عدیل حیدر نے زیرتعمیر یونین کونسل آفس کا دورہ کیا اور جاری ترقیاتی منصوبوں کا تفصیلی جائزہ لیا۔

ڈپٹی کمشنر کو جاری ترقیاتی منصوبوں پر تفصیلی بریفنگ دی گئی۔

ڈپٹی کمشنر نے متعلقہ افسران کو ترقیاتی منصوبوں کے معیار، شفافیت اور بروقت تکمیل پر زور دیتے ہوئے متعلقہ افسران کو ہدایات جاری کیں کہ عوامی فلاح و بہبود کو مدنظر رکھتے ہوئے تمام منصوبوں کو مؤثر انداز میں مکمل کیا جائے۔

04/06/2026

ڈپٹی کمشنر عدیل حیدر نے یونیورسٹی آف رسول کا تفصیلی دورہ کیا، جہاں انہوں نے جاری تعمیراتی و ترقیاتی کاموں کا معائنہ کیا۔
ڈپٹی کمشنر نے دورے کے دوران ترقیاتی منصوبوں کی رفتار، معیار اور مجموعی پیشرفت کا باریک بینی سے جائزہ لیا گیا۔

ڈپٹی کمشنر عدیل حیدر کو متعلقہ افسران نے یونیورسٹی میں جاری مختلف منصوبوں کے بارے میں تفصیلی بریفنگ دی اور ترقیاتی پیشرفت سے آگاہ کیا۔

ڈپٹی کمشنر عدیل حیدر کا کہنا تھا کہ یونیورسٹی آف رسول ہزاروں طلبہ کا علمی مرکز ہے، اس لیے ترقیاتی کاموں میں شفافیت، معیار اور بروقت تکمیل حکومت پنجاب کی اولین ترجیح ہے۔

انہوں نے ہدایت کی کہ یونیورسٹی آف رسول کے ترقیاتی کاموں کو مقررہ ٹائم لائن کے اندر اعلیٰ معیار کے ساتھ مکمل کیا جائے۔

ترقیاتی منصوبوں کی کوالٹی، سیفٹی اور ڈیزائن اسپیسفکیشنز پر ہر سطح پر مکمل عملدرآمد یقینی بنایا جائے۔

تمام تکنیکی و انتظامی مسائل کو فوری طور پر حل کیا جائے تاکہ منصوبوں کی رفتار میں رکاوٹ پیدا نہ ہو۔

04/06/2026

ڈپٹی کمشنر عدیل حیدر کی زیر صدارت محرم الحرام کے حوالے سے ضلع بھر کے منتظمین اور لائسنس ہولڈرز کا اجلاس ضلع کونسل ہال میں منعقد ہوا۔

ڈپٹی کمشنر عدیل حیدر کا اجلاس سے خطاب میں کہنا تھا کہ اسلام امن و سلامتی، اخوت اور بھائی چارے کا درس دیتا ہے، منڈی بہاوالدین ایک پر امن ضلع ہے،

ضلع کے تمام مکاتب فکر کے علماءاور ذاکرین نے ہمیشہ ضلع میں امن، تحفظ اور سلامتی کیلئے قلیدی کردار ادا کیا ہے، محرم الحرام میں امن و امان کا قیام اجتماعی ذمہ داری ہے، لائسنس داران ضابطہ اخلاق، وقت، جگہ اور روٹس پر عملدرآمد کو یقینی بنائیں۔

انہوں نے واضح کیا کہ محرم الحرام کے دوران انتظامیہ، پولیس اور منتظمین کے باہمی تعاون سے ہی مجالس اور جلوسوں کے پر امن انعقاد کو ممکن بنایا جا سکتا ہے۔ اجلاس کے دوران لائسنس داران نے بھی اپنے اپنے خیالات کا اظہار کیا، اپنی گزارشات پیش کیں اور انتظامیہ، پولیس اور سکیورٹی اداروں کو اپنے بھر پور تعاون کا یقین دلایا۔

04/06/2026

04/06/2026

ڈپٹی کمشنر عدیل حیدر کی زیر صدارت محرم الحرام کے انتظامات کا جائزہ لینے کے حوالے سے اہم اجلاس منعقد ہوا۔ اجلاس میں ایڈیشنل ڈپٹی کمشنر جنرل راجہ حیدر عباس، تینوں تحصیلوں کے اسسٹنٹ کمشنرز، سی او ایم سیز، ہیلتھ، لوکل گورنمنٹ کے افسران سمیت دیگر انتظامی محکموں کے افسران نے شرکت کی۔

اجلاس میں محرم الحرام کے دوران جلوسوں اور مجالس کے پرامن اور منظم انعقاد کے لیے انتظامی تیاریوں کا جائزہ لیا گیا۔ اجلاس میں جلوسوں کے روٹس کی سکیورٹی، صفائی ستھرائی، روشنی،ٹھنڈے پانی کی فراہمی، متبادل ٹریفک پلان، سی سی ٹی وی کیمروں کی تنصیب اور دیگر متعلقہ امور پر تفصیلی غوروخوض کیا گیا۔

ڈپٹی کمشنر عدیل حیدر نے تمام متعلقہ اداروں کو ہدایت کی کہ باہمی تعاون اور ہم آہنگی سے محرم الحرام کے دوران بہترین انتظامات کو یقینی بنایا جائے۔ اسسٹنٹ کمشنرز اپنی اپنی تحصیلوں میں جلوسوں کے روٹس کے وزٹس کریں اور تمام انتظامات قبل از وقت مکمل کئے جائیں۔

محرم الحرام کے ایام میں تمام محکمے فیلڈ میں موجود رہیں، شکایات کے بروقت ازالے کے لیے موثر نظام قائم رکھا جائے اور جلوسوں کے روٹس کی مانیٹرنگ مسلسل جاری رکھی جائے تاکہ شہریوں کو سہولت اور عزاداروں کو تحفظ فراہم کیا جا سکے۔

ڈپٹی کمشنر کا کہنا تھا کہ وزیراعلیٰ پنجاب کی خصوصی ہدایت کے مطابق محرم الحرام کے دوران انتظامات گزشہ سالوں کی نسبت مزید بہتر اور فول پروف ہونے چاہئیں۔

انہوں نے متعلقہ افسران کو ہدایت کی کہ جلوسوں کے روٹس پر صفائی ستھرائی ،پیچ ورک، روشنی سمیت دیگر انتظامات کو فوری مکمل کیا جائے۔افسران منتظمین سے مسلسل رابطے میں رہیں۔ تمام مرکزی جلوسوں کے ساتھ محکمہ صحت، پولیس اور ریسکیو 1122 کی ٹیمز موجود ہونی چاہیں۔

انہوں نے واضح کیا کہ لوکل گورنمنٹ ،میونسپل کمیٹیز ،فوڈ اتھارٹی سمیت دیگر متعلقہ محکمے پلان کے مطابق اپنی ڈیوٹی سر انجام دیں گے۔

04/06/2026

ڈپٹی کمشنر عدیل حیدر علی الصبح روزانہ کی بنیاد پر فیلڈ میں متحرک

ڈپٹی کمشنر عدیل حیدر نے ست سرا چوک میں "ستھرا پنجاب پروگرام" کے تحت جاری صفائی ستھرائی اور نکاسی آب کے اقدامات کا تفصیلی جائزہ لیا اور ضروری ہدایات جاری کیں۔

ڈپٹی کمشنر نے متعلقہ افسران کو صفائی کے معیار کو مزید بہتر بنانے اورموثر نگرانی کرنے کی ہدایات جاری کیں۔

04/06/2026

ڈپٹی کمشنر عدیل حیدر فیلڈ میں موجود رہتے ہوئے عوامی سہولیات کی بہتری اور ترقیاتی منصوبوں کی بروقت تکمیل کیلئے فعال کردار ادا کر رہے ہیں۔

ڈپٹی کمشنر نے میلاد چوک میں واقع پرانی غلہ منڈی کا دورہ کیا اور وہاں جاری ترقیاتی کاموں کی کوالٹی اور رفتار کا باریک بینی سے جائزہ لیا۔

ڈپٹی کمشنر نے تعمیراتی معیار، استعمال ہونے والے مٹیریل، کام کی رفتار اور مقررہ ٹائم لائن کا تفصیلی جائزہ لیا اور متعلقہ افسران کو ہدایت کی کہ منصوبے کی تکمیل میں شفافیت، معیار اور رفتار پر کسی قسم کا سمجھوتہ نہ کیا جائے۔

ڈپٹی کمشنر عدیل حیدر کا کہنا تھا کہ پنجاب حکومت کی ہدایت کے مطابق ان پراجیکٹس کو معیاری تعمیر، شفاف نگرانی اور بروقت تکمیل کے ساتھ مکمل کرنا ضلعی انتظامیہ کی اولین ترجیح ہے۔

04/06/2026

وزیراعلیٰ پنجاب مریم نواز شریف کے ویژن" بیوٹیفکیشن آف سٹیز" کے تحت منڈی بہاءالدین شہر کی مجموعی خوبصورتی، صفائی ستھرائی، سہولیات اور انفراسٹرکچر میں نمایاں بہتری لائی جا رہی ہے۔ بازاروں میں خریداروں کی سہولت کو مدنظر رکھتے ہوئے حکومت پنجاب کی جانب سے اقدامات تیزی سے جاری ہیں۔

ڈپٹی کمشنر عدیل حیدر نے صدر بازار کا دورہ کیا، بازار میں لگنے والی ٹف ٹائلز اور خریداروں کیلئے دیگر سہولیات کا جائزہ لیا اور ضروری ہدایات جاری کیں۔

ڈپٹی کمشنر عدیل حیدر کا کہنا تھا کہ وزیراعلیٰ پنجاب مریم نواز شریف کے ویژن" بیوٹیفکیشن انیشی ایٹو" وزیراعلیٰ پنجاب کے جدید اور خوبصورت شہری منصوبہ بندی کے ویژن کا عملی مظہر ہے، جس کے ثمرات جلد عوام تک پہنچیں گے اور ان شاء اللہ آنے والے دنوں میں ضلع بھر میں مزید بیوٹیفکیشن منصوبے بھی شروع کئے جائیں گے، جس سے نا صرف شہر کی خوبصورتی میں اضافہ ہو گا بلکہ شہریوں کو ایک جدید، خوشگوار اور محفوظ ماحول میسر آئے گا۔