29/09/2026
رائیونڈ مرکز پاکستان میں تبلیغی جماعت کا مرکزی مرکز بننے کے بعد مختلف بزرگوں نے امارت کی ذمہ داری سنبھالی۔ سب سے پہلے حضرت مولانا محمد شفیع قریشیؒ امیر رہے، جن کا دورِ امارت 1948ء سے 1971ء تک بتایا جاتا ہے۔ ان کے بعد حاجی محمد بشیر احمدؒ (بابو بشیر) نے 1971ء سے 1991ء/1992ء تک امارت کی ذمہ داری سنبھالی۔ ان کے بعد حضرت حاجی محمد عبدالوہابؒ 1992ء میں رائیونڈ مرکز کے امیر مقرر ہوئے اور 18 نومبر 2018ء تک اس ذمہ داری پر فائز رہے۔ حضرت حاجی محمد عبدالوہابؒ کے انتقال کے بعد حضرت مولانا نذر الرحمن صاحب رائیونڈ مرکز کے امیر مقرر ہوئے اور 2018ء سے اب تک امارت کی ذمہ داری سنبھالے ہوئے ہیں۔ اللہ پاک حضرت مولانا نذر الرحمن صاحب کی صحت و عافیت،عمر میں برکت عطا فرمائے، ان کی محنتوں کو قبول فرمائے اور رائیونڈ مرکز کی اس دینی محنت کو سارے عالم کے تمام انسانوں کے لیے ہدایت کا ذریعہ بنائے۔ آمین یا رب العالمین۔
