31/08/2026
فیصل آباد کی 11 سالہ ہانیہ کاشف نے صرف 34 دن میں مکمل قرآنِ کریم حفظ کرلیا
فیصل آباد سے تعلق رکھنے والی 11 سالہ ہانیہ کاشف نے ستمبر 2024 میں صرف 34 دن میں مکمل قرآنِ کریم حفظ کرکے غیر معمولی اعزاز حاصل کیا۔
رپورٹس کے مطابق ہانیہ کو قرآنِ کریم حفظ کرنے کی ترغیب اپنے ان بہن بھائیوں سے ملی جو پہلے ہی حافظِ قرآن ہیں۔ انہوں نے بتایا کہ وہ حفظ کے دوران تقریباً روزانہ ایک جز یاد کرتی تھیں۔
ہانیہ نے یہ بھی بتایا کہ انہوں نے اس مقصد کے لیے مسجدِ نبوی ﷺ میں خصوصی دعا کی تھی، جبکہ ان کا آخری سبقِ ناظرہ/تجوید بھی مسجدِ نبوی ﷺ میں مکمل ہوا۔
ان کے استاد حافظ عرفان الحق کے مطابق، اپنے تقریباً 40 سالہ تدریسی سفر میں ہانیہ پہلی اور واحد طالبہ ہیں جنہوں نے اتنے مختصر عرصے میں مکمل قرآنِ کریم حفظ کیا۔
رپورٹس میں یہ بھی بتایا گیا کہ ہانیہ کا خاندان مرحوم پاکستانی ٹیکنالوجی پروڈیجی ارفع کریم کے خاندان سے تعلق رکھتا ہے۔
🤲 ماشاءاللہ! اللہ تعالیٰ ہانیہ کا حفظِ قرآن قبول فرمائے، انہیں قرآنِ کریم پر عمل کرنے والی بنائے اور قرآن کو ان کے لیے دنیا و آخرت میں عزت و کامیابی کا ذریعہ بنائے۔ آمین۔
