09/05/2024
پریس ریلیز:
(ضلعی عدلیہ بونیر) آج مورخہ 8 مئی 2024 بوقت 10:00 بجے صبح سیشن لائبریری میں سید روف شاہ (دفتری) کے فیرول کی تقریب منعقدہوئی۔
تقریب میں معزز ڈسٹرکٹ اینڈ سیشن جج سمیرا ولی صاحبہ، بشمول معزز ADJs، SCJs، Civil Judges بونیر بار کےصدر میاں نعیم الدین ایڈوکیٹ کی قیادت میں دیگر کابینہ، شاہ روان سپرنٹنڈنٹ صاحب کی قیادت میں ڈسٹرکٹ جوڈیشری ایڈمنسٹریشن، احمد گل صاحب صدر ایپجیا بونیر کی قیادت میں ضلعی کابینہ و دیگر سینئر اہلکاران جوڈیشری نے شرکت کی۔ تقریب کے مہمان خصوصی سید روف شاہ (دفتری ریٹائیرڈ) تھے۔
پروگرام کا آغاز تلاوت کلام پاک سے ہوا جس کی سعادت لقمان ڈپٹی جنرل سیکریٹری، ایپجیا بونیر نے حاصل کی۔
تقریب کے دوران احمد گل صدر ایپجیا بونیر نے حاضرین کو ویلکم کیا اور سید روف شاہ صاحب کی خدمات پر روشنی ڈالی۔
تقریب سے خطاب کے دوران معزز ڈسٹرکٹ اینڈ سیشن جج سمیرا ولی صاحبہ نے تقریب کے انعقاد کو خوش آئیند قرار دیا اور بطور کلاس فور ادارے میں سید روف شاہ کی 30 سالہ خدمات کی انجام دہی پر ان کو خراج تحسین پیش کیا۔
مہمان خصوصی کو ایپجیا بونیر کی جانب سے اعزازی شیلڈ اور یادگار کے علاوہ دیگر اہلکاران سید واحد شاہ انچارج ریکارڈ روم اور سید نواز کی جانب سے تحائف بھی پیش کئے گئے۔
پروگرام کے اختتام پر شکیل احمد SVP، ایپجیا بونیر نے دعا کروائی جس میں جوڈیشری کی ترقی اور نیک نامی کیلئے خصوصی دعائیں مانگی گئیں۔
پروگرام کے دوران سٹیج سیکرٹری کے فرائض عبدالقیوم، جنرل سیکرٹری ایپجیا بونیر نےسر انجام دئے۔
پروگرام کے بعد تمام مہمانوں کی تواضع high tea سے کی گئی جس کا اہتمام محمد عارف آفس سیکرٹری ایپجیا بونیر کی نگرانی میں ہوا اور محمد فاروق نائب صدر اور گل رازق پریس سیکرٹری ایپجیا بونیر نے ان کی معاونت کی۔
سید روف شاہ کو ڈسٹرکٹ اینڈ سیشن جج صاحبہ کی گاڑی میں بٹھا کر سرکاری پروٹوکول کیساتھ رخصت کیا گیا۔
ساجد علی
انفارمیشن سیکرٹری ایپجیا بونیر
