24/05/2026
فیصل آباد سے تعلق رکھنے والا فرخ شمس، جو اپنے بچوں کے بہتر مستقبل کے لیے دن رات محنت کر رہا تھا۔ ان کی سب سے چھوٹی بیٹی اُس وقت پیدا ہوئی جب وہ جیل کی سلاخوں کے پیچھے تھے۔
ملٹری عدالت سے پانچ سال کی سزا ہوئی اور پچھلے تین سال سے قید ہیں۔
باقی ملٹری قیدیوں کی طرح فرخ کو بھی آج تک اپیل کا حق حاصل نہیں۔ نہ اسے یہ بتایا گیا کہ اس کا جرم کیا تھا،
اور نہ ہی اس کی سزا کے حکم نامے کی نقل فراہم کی گئی۔
7 مئی 2025 کو سپریم کورٹ کی آئینی بینچ نے فوجی عدالتوں کو برقرار رکھتے ہوئے حکومت کو ہدایت دی تھی کہ 45 دن کے اندر پاکستان آرمی ایکٹ میں ترمیم کی جائے تاکہ سویلینز کو ہائی کورٹس میں اپیل کا حق دیا جا سکے۔
مگر ایک سال گزر جانے کے باوجود نہ کوئی قانون سازی کی گئی، نہ اپیل کا حق دیا گیا اور نہ ہی انصاف کے وہ تقاضے پورے کیے گئے جن کی یقین دہانی کروائی گئی تھی۔
آج بھی بے شمار خاندان انصاف، شفافیت اور قانونی حق کے منتظر ہیں۔
