JUI Digital Media Tehsil Besham ShanGla

15/07/2026

چلاس (گلگت بلتستان): سیلاب سے متاثرہ علاقے کھنبری نالہ کا دورہ

جمعیت علماء اسلام (جے یو آئی) تحصیل بشام کے سینئر نائب امیر مفتی عنایت الرحمٰن صاحب، جے یو آئی شانگلہ کے سینئر رہنما عماد احمد خان کے فرزند سعد عماد اور عمر حیات حقانی نے چلاس کے متاثرہ علاقے کھنبری نالہ کا دورہ کیا، جہاں حالیہ قیامت خیز سیلاب سے ہونے والی وسیع پیمانے پر جانی و مالی تباہی کا تفصیلی جائزہ لیا۔

دورے کے دوران وفد نے متاثرہ خاندانوں سے ملاقات کی، ان کے غم و دکھ میں شریک ہوئے، ان سے اظہارِ یکجہتی کیا اور ان کی مشکلات کو قریب سے سنا۔ وفد نے متاثرین کے حوصلے کو سراہتے ہوئے اس عزم کا اظہار کیا کہ مشکل کی اس گھڑی میں انہیں تنہا نہیں چھوڑا جائے گا، بلکہ ہر ممکن تعاون اور امداد کے لیے آواز بلند کی جائے گی۔

اس موقع پر انہوں نے حکومت، متعلقہ اداروں اور مخیر حضرات سے اپیل کی کہ متاثرہ علاقوں میں فوری اور مؤثر امدادی سرگرمیوں کو تیز کیا جائے تاکہ بے گھر اور پریشان حال خاندانوں کی مشکلات کا بروقت ازالہ ممکن ہو سکے۔

اللہ تعالیٰ سیلاب میں جاں بحق ہونے والے افراد کی مغفرت فرمائے، زخمیوں کو جلد صحتِ کاملہ عطا کرے اور متاثرہ خاندانوں کو صبرِ جمیل اور اس آزمائش سے جلد نجات نصیب فرمائے۔ آمین۔

11/07/2026

مردِ درویش — اخلاص، خدمت اور استقامت کی ایک داستان
جمیعت علماء اسلام ضلع شانگلہ کی تاریخ میں بعض دن ایسے ہوتے ہیں جو صرف کیلنڈر کی ایک تاریخ نہیں رہتے بلکہ کارکنوں کے دلوں میں ہمیشہ کے لیے نقش ہو جاتے ہیں۔ ایسا ہی ایک یادگار اور تاریخی دن وہ تھا جب ضلع شانگلہ میں جماعت کے امیر کے انتخاب کا مرحلہ آیا اور ایک مردِ درویش، قاریِ قرآن، ہزاروں طلبہ کے استاد، نہایت سادہ مزاج، بااخلاق اور باکردار شخصیت قاری زین اللہ صاحب نے انتخابی میدان میں قدم رکھا۔
یہ صرف ایک شخص کی کامیابی نہیں تھی بلکہ اخلاص، خدمت، خاکساری، درویشی، حسنِ اخلاق اور کارکن سے بے لوث محبت کی فتح تھی۔ یہ اس سوچ کی کامیابی تھی جو اقتدار نہیں بلکہ خدمت کو اپنا شعار سمجھتی ہے۔ یہ اس کردار کی جیت تھی جو کارکن کے ساتھ چٹائی پر بھی بیٹھتا ہے، مٹی پر بھی بیٹھتا ہے، غریب کے دروازے پر بھی جاتا ہے اور اس کے دکھ درد کو اپنا دکھ سمجھتا ہے۔
اس تاریخی دن نے یہ بھی ثابت کر دیا کہ عہدوں کی لالچ، بغض، حسد، گالم گلوچ، بداخلاقی، بدتمیزی اور تکبر آخرکار شکست کھاتے ہیں، جبکہ عاجزی، اخلاص اور حسنِ سلوک ہمیشہ سرخرو ہوتے ہیں۔
شانگلہ کی سیاسی تاریخ گواہ ہے کہ ایک وقت ایسا بھی تھا جب جمیعت علماء اسلام کے چند افراد مل کر امیر اور جنرل سیکرٹری منتخب کرتے تھے۔ انتخابات میں ووٹ نہ ہونے کے برابر ہوتے تھے، امیدوار آخری پوزیشن پر آتے تھے اور ضمانتیں ضبط ہو جایا کرتی تھیں۔
مگر جب قاری زین اللہ صاحب نے جماعت کی قیادت سنبھالی، کارکنوں کو اعتماد دیا، تنظیم کو مضبوط کیا اور جماعت کو نئی روح بخشی، تو حالات یکسر بدل گئے۔ جمیعت علماء اسلام شانگلہ ایک نئی قوت کے طور پر ابھری۔ ٹکٹ حاصل کرنے والوں کی قطاریں لگ گئیں، ہر شخص خود کو جماعت کا وفادار ثابت کرنے کی کوشش کرنے لگا۔
امیر محترم نے اپنی ذات کو کبھی ترجیح نہیں دی۔ اگر وہ خود انتخاب لڑتے تو باآسانی کامیابی حاصل کر سکتے تھے، مگر انہوں نے کارکنوں کو آگے بڑھانے کو ترجیح دی۔ یہی ان کی درویشی، فراخ دلی اور تنظیمی بصیرت کی دلیل ہے۔
انہوں نے مختلف شخصیات کو اعتماد دیا، نئے چہروں کو موقع دیا اور گجر برادری کے ایک نوجوان کو سیاسی میدان میں اتارا۔ اس مہم کی اصل قوت خود امیر محترم کی دن رات کی محنت، کارکنوں کی رہنمائی اور بہترین سیاسی حکمت عملی تھی۔ اگر ہر سطح پر اسی جذبے سے اخلاص اور محنت کا مظاہرہ کیا جاتا تو کامیابی کا منظر شاید مختلف ہوتا۔
بعد ازاں عام انتخابات میں بھی جماعت نے اتحاد، نظم اور حکمت عملی کے ساتھ بھرپور مقابلہ کیا۔ کارکنوں کی محنت رنگ لاتی دکھائی دی، مگر حالات نے دوسرا رخ اختیار کیا۔ اس کے باوجود قاری زین اللہ صاحب نے صبر، حکمت اور بردباری کا دامن ہاتھ سے نہیں چھوڑا۔ انہوں نے کارکنوں کو انتشار سے بچایا اور جماعت کو مزید مضبوط کیا۔
آج بھی حالات اس حقیقت کی گواہی دیتے ہیں کہ جماعتیں افراد کی محتاج نہیں ہوتیں بلکہ افراد جماعت کے محتاج ہوتے ہیں۔ تاریخ یہ بھی بتاتی ہے کہ عہدوں، مفادات اور وقتی سیاست کے لیے جماعت سے بے وفائی کرنے والے ہمیشہ وقتی فائدہ تو شاید حاصل کر لیتے ہیں، مگر عزت اور دوام نظریے اور اجتماعیت کو ہی نصیب ہوتا ہے۔
آج جمیعت علماء اسلام ضلع شانگلہ جس مضبوط مقام پر کھڑی ہے، اس میں کارکنوں کی قربانیوں کے ساتھ ساتھ امیر محترم قاری زین اللہ صاحب کی سیاسی بصیرت، اخلاص، درویشی، بردباری اور مسلسل محنت کا بھی نمایاں کردار ہے۔
اگرچہ وقتاً فوقتاً جماعت کے اندر اختلافات پیدا کرنے، استعفوں، بغاوتوں اور انتشار کی کوششیں کی جاتی رہی ہیں، مگر ماضی کی طرح یہ سازشیں بھی ان شاء اللہ ناکام ہوں گی۔ کیونکہ نظریہ، اخلاص اور اجتماعیت ہمیشہ قائم رہتے ہیں، جبکہ مفاد پرستی وقتی شور کے بعد خاموش ہو جاتی ہے۔
قاری زین اللہ صاحب صرف ایک تنظیمی عہدے کا نام نہیں، بلکہ شانگلہ میں اخلاص، خدمت، استقامت، درویشی اور کارکن نوازی کی ایک روشن مثال ہیں۔ اللہ تعالیٰ انہیں صحت، عافیت اور مزید استقامت عطا فرمائے، اور جمیعت علماء اسلام کو اتحاد، اخلاص اور کامیابیوں سے ہمیشہ سرفراز فرمائے۔
✍️ ایم فضل وہاب
کوآرڈینیٹر، جمیعت علماء اسلام (جے یو آئی) تحصیل بشام

09/07/2026

09/07/2026

شانگلہ ایکشن کمیٹی کا ہنگامی اجلاس، ملاکنڈ ڈویژن پر ٹیکس کے نفاذ کی شدید مذمت
شانگلہ ایکشن کمیٹی کا ہنگامی اجلاس شانگلہ بار روم میں منعقد ہوا، جس میں حکومت کی جانب سے ملاکنڈ ڈویژن پر ٹیکس نافذ کرنے کے فیصلے کی شدید الفاظ میں مذمت کی گئی۔
اجلاس میں مقررین نے اس عزم کا اعادہ کیا کہ ملاکنڈ ڈویژن کی آئینی و قانونی حیثیت، تاریخی تشخص اور عوام کے بنیادی حقوق پر کسی قسم کا سمجھوتہ نہیں کیا جائے گا۔ شرکاء نے واضح کیا کہ اس غیر منصفانہ اور عوام دشمن فیصلے کے خلاف ہر آئینی، قانونی اور جمہوری فورم پر بھرپور جدوجہد جاری رکھی جائے گی، اور ملاکنڈ ڈویژن کے عوام کے حقوق کا ہر قیمت پر دفاع کیا جائے گا۔
اجلاس میں اس بات پر بھی زور دیا گیا کہ ملاکنڈ ڈویژن کے عوام اپنے جائز حقوق کے تحفظ کے لیے متحد ہیں اور ٹیکس کے اس فیصلے کو کسی صورت قبول نہیں کریں گے۔
اس موقع پر جمعیت علماء اسلام کی جانب سے ضلع شانگلہ کے ڈپٹی جنرل سیکریٹری محترم جناب شکیل الرحمٰن صاحب، ڈپٹی جنرل سیکریٹری محترم جناب جمیل الرحمٰن صاحب، ڈپٹی جنرل سیکریٹری جمعیت علماء اسلام تحصیل بشام مولانا شیر علی شاہ صاحب اور جے یو آئی شانگلہ کے سینئر رہنما جناب عماد خان صاحب نے نمائندگی کی اور ملاکنڈ ڈویژن کے عوام کے آئینی و قانونی حقوق کے تحفظ کے لیے ہر سطح پر بھرپور جدوجہد جاری رکھنے کے عزم کا اظہار کیا۔

29/06/2026

امیر جمعیت علماء اسلام تحصیل بشام، مولانا شیر محمد حقانی صاحب، ڈپٹی جنرل سیکریٹری جمعیت علماء اسلام ضلع شانگلہ، محترم جناب شکیل الرحمٰن صاحب، اور کوآرڈینیٹر جمعیت علماء اسلام تحصیل بشام، فضل وہاب صاحب نے لاہور کے مخلص دوست سلطان روم عرف راجہ، ان کے بھائی انور خان، اور صاحبزادے زاہد سلطان کو نیو چیئرمین انٹرنیشنل ٹریولز ایجنسی کے کامیاب آغاز پر دلی مبارکباد پیش کی۔

انہوں نے اس امید کا اظہار کیا کہ یہ ادارہ بشام، شانگلہ اور گردونواح کے عوام کو عمرہ پیکجز، وزٹ ویزا، ٹکٹنگ اور دیگر سفری سہولیات بہترین معیار اور مناسب و سستے نرخوں پر فراہم کرکے عوام کی بھرپور خدمت کرے گا۔

قائدین نے دعا کی کہ اللہ تعالیٰ سلطان روم عرف راجہ، انور خان اور زاہد سلطان کو اس نئے کاروبار میں بے شمار خیر و برکت عطا فرمائے، انہیں دن دگنی رات چوگنی ترقی نصیب فرمائے، ان کے رزق میں وسعت عطا کرے، اس ادارے کو عوام کے لیے آسانیوں اور خیر کا ذریعہ بنائے، اور انہیں ہر میدان میں کامیابی و کامرانی سے نوازے۔

آمین یا رب العالمین۔

29/06/2026

ڈپٹی جنرل سیکریٹری جمعیت علماء اسلام تحصیل بشام، مولانا شیر علی شاہ صاحب کے محترم دادا جان کی مغفرت کے لیے منعقدہ دعائیہ مجلس میں امیر جمعیت علماء اسلام تحصیل بشام، مولانا شیر محمد حقانی صاحب نے خصوصی شرکت فرمائی۔ اس موقع پر مرحوم کے درجاتِ بلندی، مغفرت اور اہلِ خانہ کے لیے صبرِ جمیل کی خصوصی دعا کی گئی۔

اس موقع پر ڈپٹی جنرل سیکریٹری جمعیت علماء اسلام ضلع شانگلہ، محترم شکیل الرحمٰن صاحب اور کوآرڈینیٹر جمعیت علماء اسلام تحصیل بشام، فضل وہاب بھی شریکِ دعا رہے۔

بعد ازاں واپسی پر شنگ میں جمعیت علماء اسلام تحصیل بشام کے سینئر رہنما مولانا شیر محمد عثمانی صاحب کی چچی صاحبہ کے انتقال پر ان کے گھر جا کر فاتحہ خوانی کی گئی، مرحومہ کے ایصالِ ثواب، مغفرت، بلندیٔ درجات اور اہلِ خانہ کے لیے صبرِ جمیل کی دعا کی گئی۔

اللہ تعالیٰ مرحومین کی کامل مغفرت فرمائے، ان کی قبروں کو نور سے بھر دے، انہیں جنت الفردوس میں اعلیٰ مقام عطا فرمائے اور تمام سوگواران کو صبرِ جمیل نصیب فرمائے۔ آمین یا رب العالمین۔