12/06/2026
د باچا خان د قافلې ملګري
دوي په کنځلو او فتوو وېروي
دوي د تاريخ د جبر څه خبر دي
بيا سرې لمبې په مړو ايرو وېروي
دا ناپوهان، دا نادانان د تاريخ
بيا سور کاروان د اديرو وېروي
لکه د غر په اشنغر ولاړ دے
"اېمل" به دوي په دې قيصو وېروي
د پاپوالزم قائل نه يم نظريې پسې ځم
د باچا خان په مفکورې او فلسفې پسې ځم
زه د کنځلو سياست نه ډېر زيات لرې يمه
زه سوله غواړم زه د امن قافلې پسې ځم
زه خدایي خدمتګار يم زه سل کلن تحريک يم
زه د پېړيو راسې دغې سلسلې پسې ځم
د ولي خان د جمهوري فکر زه يم ترجمان
اسفنديار يم اېمل خان يم دې رشتې پسې ځم
وطن او خاوره مينه امن اولسي واک اختيار
زه نېشنلي کارکن يم زه دې فېصلې پسې ځم
اکبره غږ د پښتونخوا د سرودونو چې وي
اکبر چرته يم ايسار دې انګازې پسې ځم
اکبر هوتي اېډوکېټ
