Raza Ul Haq Madini

Raza Ul Haq Madini عوامی خدمت، ترقی اور مثبت تبدیلی کے لیے اتحاد اور ترقی کا عزم.
(2)

گانگچھے کے دو آزاد امیدواروں کی استحکام پاکستان پارٹی میں شمولیت کے بعد پارٹی کے چیئرمین اور وفاقی وزیر برائے مواصلات عب...
18/06/2026

گانگچھے کے دو آزاد امیدواروں کی استحکام پاکستان پارٹی میں شمولیت کے بعد پارٹی کے چیئرمین اور وفاقی وزیر برائے مواصلات عبدالعلیم خان نے گلگت بلتستان کی مختلف شاہراہوں کی تعمیر، اپ گریڈیشن اور فزیبلٹی کے لیے منصوبے نیشنل ہائی وے اتھارٹی کو پیش کیے ہیں۔

ان منصوبوں میں ضلع گانگچھے کے لیے انتہائی اہم سکردو تا خپلو روڈ بھی شامل ہے۔ اگر اس منصوبے پر عملی کام شروع ہو جاتا ہے تو یہ گانگچھے کے عوام اور ان کے نمائندوں کی ایک بڑی کامیابی ہوگی۔

سکردو اور خپلو کے درمیان تقریباً 100 کلومیٹر سڑک کی جدید تعمیر و توسیع نہ صرف سفری سہولیات میں بہتری لائے گی بلکہ مستقبل میں ضلع گانگچھے میں سیاحت کے فروغ، مقامی معیشت کی ترقی اور روزگار کے نئے مواقع پیدا کرنے میں بھی اہم کردار ادا کرے گی۔

امید ہے کہ یہ منصوبہ جلد عملی شکل اختیار کرے گا اور گانگچھے کی ترقی کا ایک نیا باب رقم کرے گا۔
استحکام پاکستان پارٹی گنگچھے
پاکستان مسلم لیگ ن گنگچھے

17/06/2026

الحمدللہ!
مسلم لیگ ن کے کامیاب امیدوار ابراہیم ثنائی اور سابق امیدوار و سیکٹری مسلم لیگ ن گانگچھے رضاءالحق مدنی نے غواڑی کے عوام سے جو وعدہ کیا تھا،
وہ پورا ہونا شروع ہوگیا ہے۔ آج دس بیڈ ہسپتال غواڑی کے لیے ضروری طبی سامان پہنچ گیا ہے،
جبکہ باقی سامان بھی جلد فراہم کیا جائے گا، ان شاء اللہ۔
یہ اقدام عوامی خدمت اور عوام سے کیے گئے وعدوں کی عملی تعبیر ہے، جس سے علاقے میں صحت کی سہولیات مزید بہتر
ہوں گی اور عوام کو بہتر طبی خدمات میسر آئیں گی۔
اہلِ غواڑی کی جانب سے ابراہیم ثنائی صاحب اور رضاءالحق مدنی صاحب کا دلی شکریہ، جنہوں نے عوامی مسائل کے حل کے لیے عملی اقدامات کیے۔
"وعدے نہیں، خدمت ہماری پہچان"
شکریہ مدنی صاحب!
شکریہ ثنائی صاحب!
غواڑی کی ترقی کا سفر جاری رہے گا، ان شاء اللہ۔

آج کی بات !!!ماضی ، حال اور مستقبل خوشی اُن لوگوں کا مقدر بنتی ہے جو ماضی کے زخموں کو اللہ کی حکمت سمجھ کر چھوڑ دیتے ہیں...
17/06/2026

آج کی بات !!!

ماضی ، حال اور مستقبل

خوشی اُن لوگوں کا مقدر بنتی ہے جو ماضی کے زخموں کو اللہ کی حکمت سمجھ کر چھوڑ دیتے ہیں، حال کی نعمتوں پر شکر ادا کرتے ہیں اور مستقبل کو اللہ کی رحمت کے سپرد کر دیتے ہیں۔ جو گزر گیا، وہ ایک سبق تھا؛ جو آج ہے، وہ ایک نعمت ہے؛ اور جو آنے والا ہے، وہ اللہ کی بہترین تدبیر ہے۔ زندگی کا سکون اس میں نہیں کہ ہمارے تمام مسائل ختم ہو جائیں، بلکہ اس میں ہے کہ ہم ہر حال میں اللہ پر بھروسہ کرنا سیکھ لیں۔ جب دل شکر سے بھر جاتا ہے، زبان دعا سے تر رہتی ہے اور امید اللہ کی ذات سے وابستہ ہو جاتی ہے، تو اندھیرے راستے بھی روشن محسوس ہونے لگتے ہیں۔ اس لیے ماضی کو معاف کر دیں، حال کو محبت اور شکرگزاری کے ساتھ جئیں، اور مستقبل کے بارے میں یہ یقین رکھیں کہ اللہ آپ کے لیے وہی فیصلہ کرے گا جو آپ کے حق میں بہتر ہوگا۔ یہی یقین دل کو سکون، روح کو طاقت اور زندگی کو حقیقی خوشی عطا کرتا ہے۔

گلگت بلتستان کی تاریخ رہی ہے کہ وہاں عام طور پر اسی جماعت کی حکومت بنتی ہے جو جماعت مرکز میں ہوتی ہے یا اسلام آباد میں ب...
16/06/2026

گلگت بلتستان کی تاریخ رہی ہے کہ وہاں عام طور پر اسی جماعت کی حکومت بنتی ہے جو جماعت مرکز میں ہوتی ہے
یا اسلام آباد میں برسرِاقتدار ہوتی ہے۔
اس بار بھی وفاقی سیاست کے اثرات یہاں واضح طور پر
دیکھے جا سکتے ہیں۔
​آپ کے خیال میں کون سی جماعت بازی مارے گی؟
کیا پیپلز پارٹی اپنا وزیرِ اعلیٰ لانے میں کامیاب ہو جائے گی
یا ن لیگ اور استحکام مل کر کوئی نیا سرپرائز دیں گے؟😘

پیپلز پارٹی میں شمولیت کے بجائے استحکامِ پاکستان پارٹی میں شامل ہونا دونوں آزاد امیدواروں کا ایک دانشمندانہ اور دور اندی...
16/06/2026

پیپلز پارٹی میں شمولیت کے بجائے استحکامِ پاکستان پارٹی میں شامل ہونا دونوں آزاد امیدواروں کا ایک دانشمندانہ اور دور اندیش فیصلہ ہے۔

ضلع گانگچھے کے دونوں آزاد امیدواروں کو اس فیصلے پر مبارکباد پیش کرتا ہوں۔ امید ہے کہ حکومت سازی کے مرحلے میں آپ کی تمام ڈیمانڈز ذاتی یا گروہی مفادات کے بجائے عوامی فلاح اور گانگچھے کی ترقی پر مبنی ہوں گی۔

خصوصاً درج ذیل منصوبوں کو ترجیح دی جانی چاہیے:

✅ جے ایس آر فیز 2 کی تکمیل
✅ غواڑی پاور پروجیکٹ کی جلد تکمیل
✅ مشہ بروم کی ترقی اور بنیادی سہولیات کی فراہمی
✅ خپلو ہیڈکوارٹر کو ایک مثالی اور جدید انتظامی مرکز بنانا

عوام نے آپ پر اعتماد کیا ہے، ان شاء اللہ آپ بھی عوامی توقعات پر پورا اترتے ہوئے گانگچھے کی تعمیر و ترقی میں اپنا بھرپور کردار ادا کریں گے۔

خیر اندیش

رضاءالحق مدنی
استحکام پاکستان پارٹی گنگچھے
Haji Anwar Ali Media Cell

عوامی خدمت کا وعدہ، عملی اقدام کی صورت میں پورامسلم لیگ ن کے سابق امیدوار رضاالحق مدنی کی ڈگری کالج پروجیکٹ کیساتھ ساتھ...
16/06/2026

عوامی خدمت کا وعدہ،
عملی اقدام کی صورت میں پورا
مسلم لیگ ن کے سابق امیدوار رضاالحق مدنی کی ڈگری کالج پروجیکٹ کیساتھ ساتھ دس بیڈڈ ہسپتال کی سازوسامان کیلئے جدوجہد رنگ لائی ہے۔
3 کروڑ ستر لاکھ اپروڈ پی سی ون کی لاگت سے غواڑی دس بیڈ ہسپتال کیلئے
✅ ایمبولینس
✅ جدید لیبارٹری سہولیات
✅ جراحی کے جدید آلات
✅ دیگر ضروری طبی سامان
ان شاء اللہ یکم جولائی 2026 تک فراہم کر دیا جائے گا۔
کیونکہ اس کا ٹینڈر سال قبل ہوچکا تھا۔
یہ غواڑی کے باشعور اور غیور عوام کے لیے پہلا تحفہ ہے،
جنہوں نے اپنے اعتماد اور حمایت سے مدنی کو
کامیابی دلائی۔
خصوصی شکریہ
ڈی ایچ او گنگچھے
ٹیم رضاء الحق مدنی

مسلم لیگ (ن) گلگت بلتستان کے قائد حافظ حفیظ الرحمن کی سکردو میں اہم ملاقاتمسلم لیگ (ن) گلگت بلتستان کے قائد حافظ حفیظ ال...
13/06/2026

مسلم لیگ (ن) گلگت بلتستان کے قائد حافظ حفیظ الرحمن کی سکردو میں اہم ملاقات

مسلم لیگ (ن) گلگت بلتستان کے قائد حافظ حفیظ الرحمن فیڈرل گورنمنٹ سے ملاقات اور حالیہ انتخابات کے مشاہدات کے بعد گلگت بلتستان پہنچ گئے، جہاں انہوں نے سکردو میں بلتستان کے مسلم لیگی قائدین اور وفد سے خصوصی ملاقات کی۔

ملاقات میں مسلم لیگ (ن) بلتستان کے سیکریٹری اشرف صدا، گانگچھے سے ، رضاءالحق مدنی، رحمت اللہ کثیری، حمیداللہ اور عبدالروف نظامی سمیت دیگر رہنما موجود تھے۔

اس موقع پر بلتستان کی سیاسی صورتحال، مستقبل کے لائحہ عمل اور عوامی مسائل پر تفصیلی گفتگو کی گئی۔ رہنماؤں نے اس عزم کا اظہار کیا کہ حکومت میں ہو یا اپوزیشن میں، مسلم لیگ (ن) بلتستان کے عوام کی بھرپور نمائندگی جاری رکھے گی اور علاقے کی ترقی کے لیے ڈویلپمنٹ فنڈز کے حصول میں اپنا کردار ادا کرے گی۔

ان شاء اللہ بلتستان کی تعمیر و ترقی کا سفر جاری رہے گا۔

11/06/2026

کریس میں مسلم لیگ (ن) کے کامیاب امیدوار ابراہیم ثنائی کا شاندار استقبال، رضاءالحق مدنی کا عوامی اجتماع سے خطاب
"عقابی روح جب جوانوں میں بیدار ہوتی ہے تو قوموں کی تقدیر بدل جاتی ہے۔"
رضاءالحق مدنی نے اپنے خطاب میں کہا کہ جب نوجوانوں میں قیادت کا جذبہ اور خدمت کا عزم بیدار ہوتا ہے تو عوام کو اپنی منزل اور مستقبل واضح نظر آنے لگتا ہے۔
آج حلقہ ون کے مختلف علاقوں میں نوجوان قیادت ابھر کر سامنے آرہی ہے، جن میں کاچو اختر، انجینئر نزیر، افتخار ترابی اور دیگر باصلاحیت نوجوان شامل ہیں جو سیاسی میدان میں اپنی صلاحیتوں کا لوہا منوا رہے ہیں۔
مسلم لیگ (ن) بلتستان ریجن سے حلقہ ون کی واحد نشست جیتنے کے بعد منتخب امیدوار حاجی محمد ابراہیم ثنائی عوام، علماء کرام، عمائدین اور مقامی نمائندوں کا شکریہ ادا کرنے
کریس تشریف لائے،
جہاں عوام کی بڑی تعداد نے جلسے کی صورت میں ان کا پرتپاک استقبال کیا۔
عوامی اجتماع سے خطاب کرتے ہوئے سابق امیدوار مسلم لیگ
(ن) رضاءالحق مدنی نے کہا کہ گزشتہ دورِ حکومت میں ترقیاتی کاموں کے بجائے انتشار، مذہبی تعصب اور مخصوص مفادات کو فروغ دیا گیا جبکہ حقیقی ترقی کا عمل تقریباً رکا رہا۔
کریس سمیت متعدد علاقوں میں ترقیاتی منصوبے صرف مخصوص طبقے تک محدود رہے، جبکہ صحت، تعلیم، روزگار اور بنیادی انفراسٹرکچر جیسے اہم شعبوں کو نظر انداز کیا گیا۔
انہوں نے کہا کہ گزشتہ تیس برسوں میں بلتستان میں آر سی سی پلوں، تعلیمی اداروں، صحت کے مراکز اور دیگر بنیادی سہولیات کے حوالے سے جو نمایاں ترقی ہوئی،
وہ زیادہ تر مسلم لیگ (ن) کے ادوارِ حکومت میں ممکن ہوئی۔
رضاءالحق مدنی نے مزید کہا کہ عوام نے گزشتہ پانچ سالہ دور کی ناقص کارکردگی کو مسترد کرتے ہوئے اس مرتبہ ترقی،
خدمت اور عوامی مفاد کے حق میں فیصلہ دیا۔
یہ مقابلہ صرف سیاسی جماعتوں کے درمیان نہیں بلکہ ترقی اور جمود کے درمیان تھا، اور عوام نے ترقی کے راستے کا انتخاب کیا۔
انہوں نے اس عزم کا اظہار کیا کہ ان شاء اللہ حاجی محمد ابراہیم ثنائی کی قیادت اور کارکنان کی مشترکہ کاوشوں سے حلقے میں ترقی، خوشحالی اور عوامی خدمت کا ایک نیا دور شروع ہوگا۔ :::
Hafiz Hafeez Ur Rehman
Muhammad Suliman
ٹیم رضاء الحق مدنی
Markazi Jamiat Ahl-e-Hadith Faisalabad مرکزی جمعیت اہلحدیث ضلع فیصل آباد

Address

District Ghanche, Gilgit-Baltistan
Khapalu

Telephone

+923465226324

Website

Alerts

Be the first to know and let us send you an email when Raza Ul Haq Madini posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Raza Ul Haq Madini:

Shortcuts

Share