13/10/2025
اڄ آچر 2025-10-12 تي اسپتالون بحالي تحريڪ جي سلسلي ۾ پھريون جاڳرتا احتجاج تعلقا اسپتال ڪي اين شاھ جي گيٽ اڳيان ڪيو ويو. جنھن ۾ نئين ديني جماعت شبان المسلمين جي نوجوانن ۽ يوٿ پارليامينٽ باني شرڪت ڪئي. چونڊيل نمائندن ۽ سنڌ گورنمينٽ کان مطالبو ڪيو ويو ته پوري تعلقي جي لکين مسڪين عوام کي سرڪاري صحت جون سھوليتون ڏنيون وڃن. ويزا تي ويل ڊاڪٽر واپس گھرايا وڃن. وڪرو ڪيل سرڪاري مشينري واپس ڪرائي وڃي. سرڪاري دوائن جو پرائيويٽ وڪرو بند ڪيو وڃي. چونڊيل نمائندن طرفان سرڪاري اسپتال کان ڪرپشن جي حصي طور پيسا وٺڻ بند ڪيا وڃن. ھي تحريڪ ڊگھي مدي واري آھي جيڪا نتيجن جي حاصلات تائين جاري رکي ويندي. ڪيترائي سال جاري رھي سگھي ٿي شھر توڙي ٻھراڙين جي نوجوانن کي اپيل ٿي ڪجي تہ ھن تحريڪ جو حصو ٿين.
پاران. علي سيٿي ترجمان اسپتالون بحالي تحريڪ