05/06/2026
🚨آزاد کشمیر انتخابات 2026 چیف الیکشن کمشنر نے شیڈول جاری کر دیا27 جولائی کو پولنگ ہو گی
مظفرآباد: پاکستان کے زیرِ انتظام آزاد جموں و کشمیر میں عام انتخابات 27 جولائی 2026 کو منعقد ہوں گے۔ چیف الیکشن کمشنر غلام مصطفیٰ مغل نے انتخابات کے شیڈول کا اعلان کرتے ہوئے کہا ہے کہ شفاف، آزادانہ اور پرامن انتخابات کے انعقاد کے لیے تمام ضروری انتظامات مکمل کیے جا رہے ہیں۔
الیکشن کمیشن کے مطابق آزاد کشمیر کے 33 انتخابی حلقوں میں رجسٹرڈ ووٹرز کی مجموعی تعداد 33 لاکھ 65 ہزار 840 ہے، جبکہ مہاجرین کے حلقوں میں ووٹرز کی تعداد 4 لاکھ 38 ہزار 546 ہے۔
اعلان کردہ شیڈول کے تحت امیدوار 9 جون سے 19 جولائی 2026 تک کاغذاتِ نامزدگی جمع کرا سکیں گے۔ جانچ پڑتال اور دیگر قانونی مراحل کی تکمیل کے بعد امیدواروں کی حتمی فہرست مقررہ تاریخ پر جاری کی جائے گی، جس کے بعد انتخابی مہم اپنے آخری مرحلے میں داخل ہو جائے گی۔
چیف الیکشن کمشنر غلام مصطفیٰ مغل نے کہا کہ انتخابات کے دوران سکیورٹی کے جامع انتظامات کیے جائیں گے اور حساس پولنگ اسٹیشنوں پر خصوصی توجہ دی جائے گی۔ ان کے مطابق انتخابی عمل کی نگرانی ککریں۔یہنانون نافذ کرنے والے اداروں اور سکیورٹی فورسز کی خدمات بھی حاصل کی جائیں گی تاکہ ووٹرز بلا خوف و خطر اپنا حقِ رائے دہی استعمال کر سکیں۔
انہوں نے عوام سے اپیل کی کہ وہ جمہوری عمل میں بھرپور حصہ لیں اور اپنے ووٹ کے حق کا استعمال کرتے ہوئے ریاست کے سیاسی مستقبل کے تعین میں اپنا کردار ادا کریں🔥
