02/09/2026
لانڈھی کے بہتر مستقبل کے لیے بہتر فیصلوں کی ضرورت ہے
آج جب کراچی کے مختلف ٹاؤنز میں لوگ مختلف سیاسی جماعتوں سے وابستگی چھوڑ کر ایم کیو ایم پاکستان میں شمولیت اختیار کر رہے ہیں، وہیں افسوس کے ساتھ کہنا پڑتا ہے کہ لانڈھی میں غیر مؤثر اور غلط فیصلوں کی وجہ سے نئے کارکنان تو دور، پرانے اور مخلص کارکنان بھی دل برداشتہ ہو چکے ہیں۔
ہم بحیثیت کارکنانِ ایم کیو ایم پاکستان اپنی قیادت سے پُرزور مطالبہ کرتے ہیں کہ لانڈھی ٹاؤن کمیٹی کا فوری طور پر جائزہ لیا جائے اور مخلص، قابل اور تنظیمی صلاحیت رکھنے والے افراد کو ذمہ داریاں سونپی جائیں، تاکہ لانڈھی میں ایک مضبوط، منظم اور عوام سے جڑی ہوئی ایم کیو ایم پاکستان دوبارہ نظر آئے۔
