Sardar Muhammad Bux Khan Mahar, Minister For Sports & Agriculture, Sindh

26/03/2026

وزیرِ زراعت، اینٹی کرپشن، کھیل و امورِ نوجوانان حکومت سندھ سردار محمد بخش خان مہر نے تحصیل ڈہرکی سے آئے ہوئے عوامی وفد سے خانگڑھ میں ملاقات کی، جہاں انہوں نے شہریوں کے مسائل تفصیل سے سنے اور فوری حل کے لیے متعلقہ حکام کو ہدایات جاری کیں۔

اس موقع پر سردار محمد بخش خان مہر کا کہنا تھا کہ علاقے کے عوام کو جلد ترقیاتی اسکیموں کی فراہمی یقینی بنائی جائے گی تاکہ بنیادی سہولیات کی بہتری ممکن ہو سکے۔ انہوں نے مزید کہا کہ عوامی خدمت ان کی اولین ترجیح ہے اور مسائل کے حل میں کسی قسم کی کوتاہی برداشت نہیں کی جائے گی۔

اس موقع پر چیئرمین ٹاؤن کمیٹی خانگڑھ عبدالرزاق خان مہر بھی ان کے ہمراہ موجود تھے۔

23/03/2026

♥️

22/03/2026

سردار علی نواز خان مہر المعروف سردار راجا خان مہر، سردار علی نواز خان گھوٹو، علی انور خان مہر، حسن نواز خان مہر، سید اللہ وڌایو شاہ، سردارزادہ محمد نواز خان گھوٹو اور دیگر معزز شخصیات کی عید کے موقع پر مہر ہاؤس خانگڑھ آمد۔

اس موقع پر وزیر زراعت و کھیل حکومت سندھ سردار محمد بخش خان مہر اور سردارزادہ بنگل خان مہر سے ملاقات کی گئی، جس میں عید کی مبارکباد کا تبادلہ اور باہمی امور پر تبادلہ خیال کیا گیا

21/03/2026

Eid gathering

20/03/2026

20/03/2026

تمام مسلمانوں کو عیدالفطر کی دلی مبارکباد پیش کرتا ہوں Sardar Muhammad Bux Khan Mahar, Minister For Sports & Agriculture, Sindh Facebook for Creators

05/03/2026

کراچی
05 مارچ 2026
حکومت سندھ نے چیئرمین پاکستان پیپلز پارٹی بلاول بھٹو زرداری کی ہدایت پر سندھ یوتھ کارڈ پروگرام کا مسودہ تیارکرلیا ہے،جسےجلد منظوری کے لیے سندھ کابینہ میں پیش کیا جائے گا۔

اس سلسلے میں سندھ یوتھ کارڈ کے اجرا سے متعلق دوسرا اجلاس وزیر کھیل سردار محمد بخش مہر کی زیر صدارت سندھ سیکریٹریٹ میں منعقد ہوا، جس میں سیکریٹری کھیل منور علی مہیسر، ڈائریکٹر اسد اسحاق اور چیف انجنیئر محمد اسلم مہر نے شرکت کی۔اجلاس میں یوتھ کارڈ کے اجرا کے لیے تیار کردہ طریقہ کار کے مسودے پر بریفنگ دی گئی، جبکہ سیکریٹری کھیل منور علی مہیسر نے صوبائی وزیر کو یوتھ کارڈ کے طریقۂ کار کا حتمی مسودہ پیش کیا۔

صوبائی وزیر سردار محمد بخش مہر نے بتایا کہ پہلے مرحلے میں سندھ کے 30 اضلاع کے ایک لاکھ نوجوانوں کو یوتھ کارڈ جاری کیا جائے گا۔ یہ کارڈ سندھ کا ڈومیسائل رکھنے والے 15 سے 29 سال عمر کے نوجوانوں کو دیا جائے گا۔

انہوں نے کہا کہ نوجوانوں کو صوبے کے تمام اضلاع میں قائم یوتھ ڈیولپمنٹ سینٹرز میں تربیت دی جائے گی اور انہیں مختلف سرگرمیوں میں فعال بنایا جائے گا۔

سردار محمد بخش مہر کے مطابق سندھ یوتھ کارڈ لڑکوں، لڑکیوں، اقلیتی برادری اور خصوصی افراد کو بھی جاری کیا جائے گا۔ کارڈ رکھنے والے نوجوانوں کو اسکالرشپس، بلاسود قرضوں، انٹرنشپس اور بیرونِ ملک روزگار کے لیے تربیت کی سہولیات فراہم کی جائیں گی۔

ترجمان کے مطابق کارڈ رکھنے والی نوجوان خواتین کے لیے پنک اسکوٹی یا متبادل آمد و رفت کے ذرائع کی فراہمی پر بھی غور کیا جا رہا ہے۔

وزیر کھیل و امور نوجوانان نے مزید کہا کہ یوتھ کارڈ کے ذریعے نوجوان کھلاڑیوں کو بین الاقوامی معیار کی تربیت اور صحت کی سہولیات بھی فراہم کی جائیں گی۔

سردار محمد بخش مہر نے بتایا کہ سندھ یوتھ کارڈ کا مسودہ قانونی جانچ پڑتال کے لیے پہلے محکمہ قانون کو بھیجا جائے گا، جس کے بعد اسے باقاعدہ منظوری کے لیے سندھ کابینہ میں پیش کیا جائے گا۔

04/03/2026

سندھ حکومت نے 19ویں سندھ گیمز 16 تا 19 اپریل سکھر میں منعقد کرانے کا اصولی فیصلہ کرلیا ہے.وزیر کھیل و امور نوجوانان سندھ سردار محمد بخش مہر کی زیر صدارت اہم اجلاس میں 19 ویں سندھ گیمز 16 سے 19 اپریل تک سکھر میں منعقد کرانے کی منظوری دے دی گئی۔

اجلاس میں سیکریٹری کھیل منور علی مہیسر، ڈائریکٹر اسد اسحاق، چیف انجنیئر اسلم مہر، سیکشن افسر علی ڈنو گوپانگ اور سندھ اولمپک ایسوسی ایشن کے عہدیداران احمد علی راجپوت اور اصغر بلوچ نے شرکت کی۔ اجلاس میں سکھر میں سندھ گیمز کے انعقاد اور تھر جیپ ریلی کے انتظامات سے متعلق تفصیلی بریفنگ دی گئی۔

سیکریٹری کھیل منور علی مہیسر نے بتایا کہ 19ویں سندھ گیمز میں 40 سے زائد کھیل شامل ہوں گے، جن میں صوبے بھر سے گرلز اور بوائز کھلاڑی حصہ لیں گے۔

وزیر کھیل سردار محمد بخش مہر نے کہا کہ عید کے فوراً بعد ڈویژنل سطح پر سندھ گیمز کے ٹرائلز 24 تا 29 مارچ تک منعقد کیے جائیں گے، جبکہ ٹرائلز مکمل ہونے کے بعد منتخب کھلاڑیوں کا تربیتی کیمپ 11 سے 15 اپریل تک لگایا جائے گا۔

انہوں نے بتایا کہ سندھ گیمز کی افتتاحی تقریب 16 اپریل کو جبکہ اختتامی تقریب 19 اپریل کو منعقد ہوگی۔

وزیر کھیل سردار محمد بخش مہر نے ہدایت کی کہ تمام مقابلے شفافیت اور میرٹ کی بنیاد پر منعقد کیے جائیں تاکہ صوبے کے نوجوانوں کو آگے بڑھنے کے مساوی مواقع فراہم کیے جا سکیں۔

انہوں نے اس عزم کا اظہار کیا کہ حکومت سندھ نیشنل گیمز کی طرح 19ویں سندھ گیمز کو بھی کامیاب بنائے گی۔

03/03/2026

کراچی
03 مارچ 2026
سندھ سیکریٹریٹ

وزیر زراعت، اینٹی کرپشن و کھیل سندھ سردار محمد بخش مہر سے چیئرمین اینٹی کرپشن سید ذوالفقار علی شاہ اور سیکریٹری زراعت محمد زمان ناریجو نے ملاقات کی، جس میں انہوں نے اپنے اپنے محکموں کی کارکردگی سے متعلق بریفنگ دی۔

صوبائی وزیر سردار محمد بخش مہر سے وزیر اوقاف سندھ سید ریاض شاہ شیرازی نے بھی ملاقات کی، جس میں ضلع ٹھٹہ کے کھیلوں اور زرعی سیکٹر سے متعلق تبادلہ خیال کیا گیا۔

وزیر زراعت سردار محمد بخش مہر سے ضلع گھوٹکی سمیت دیگر اضلاع سے آئے ہوئے افراد نے ملاقات کی اور اپنے مسائل سے آگاہ کیا، جس پر صوبائی وزیر نے متعلقہ محکموں کو مسائل کے حل کے لیے ضروری احکامات جاری کیے۔

27/02/2026

*سندھ کابینہ کی سب کمیٹی کا اجلاس*

سندھ کابینہ کی سب کمیٹی برائے خوراک کا صوبائی وزیر خوراک مخدوم محبوب الزمان کی زیر صدارت اجلاس

اجلاس میں صوبائی وزیر زراعت سردار محمد بخش مہر، صوبائی وزیر آبپاشی جام خان شورو، گیانچند ایسرانی، چیئرمین اینٹی کرپشن سید ذوالفقار علی شاہ، سیکریٹری خوراک اور دیگر شریک

اجلاس میں گندم کی پیداوار، قیمتوں اور سپلائی صورتحال کا جائز لیا گیا

کراچی کے لیے 3 لاکھ 60 ہزار میٹرک ٹن گندم مختص کی گئی ہے۔ صوبائی وزیر خوراک

کراچی میں اب تک 1 لاکھ 45 ہزار میٹرک ٹن گندم جاری کی جا چکی ہے تاکہ سپلائی میں تسلسل برقرار رہے اور مصنوعی قلت پیدا نہ ہو۔ مخدوم محبوب الزمان

سندھ میں گندم کی ریکارڈ پیداوار 4.50 ملین میٹرک ٹن متوقع ہے۔ صوبائی وزیر خوراک مخدوم محبوب الزمان

رواں سال 14 لاکھ 84 ہزار ایکڑ پر گندم کاشت کی گئی ہے۔ مخدوم محبوب الزمان

اوپن مارکیٹ میں 100 کلو گندم 11 ہزار 500 روپے سے کم ہو کر 9 ہزار 3 روپے ہوگئی ہے۔ اجلاس میں آگاہی

مارکیٹ میں گندم کی قیمتوں میں نمایاں کمی سے عوام کو ریلیف ملنا شروع ہوا ہے۔ صوبائی وزیر خوراک

2017 سے 2023 تک مارکیٹ استحکام کے لیے باقاعدہ اسٹاک ریلیز کیا جاتا رہا۔ اجلاس میں آگاہی

ذخیرہ اندوزی کے خلاف سخت نگرانی اور مؤثر کارروائی کی ہدایت

15/01/2026

اسلام آباد (15 جنوری 2026): ایوانِ صدر میں “سندھ کی تبدیلی کی کہانی” کے عنوان سے ایک جامع بریفنگ منعقد ہوئی۔
چیئرمین پاکستان پیپلز پارٹی بلاول بھٹو زرداری نے صحت، تعلیم، زراعت، آبپاشی، انفراسٹرکچر، توانائی، معیشت، امن و امان، سماجی تحفظ، زرعی ترقی، موسمیاتی تبدیلی، ٹرانسپورٹ اور گورننس سمیت تمام شعبہ جات میں سندھ حکومت کی نمایاں پیش رفت اور کامیابیوں کو اجاگر کیا۔ تقریب میں سفارتی نمائندگان، کاروباری برادری، میڈیا اور صوبائی وزیر زراعت، کھیل و امور نوجوانان سردار محمد بخش خان مہر نے شرکت کی