ANP karachi Social Media

16/08/2026

تاریخی لمحات! ✨
25 دسمبر 1972 — وہ تاریخی دن جب بابائے امن، فخرِ افغان خان عبد الغفار خان (باچا خان بابا) 8 سال کی طویل جلاوطنی کے بعد وطنِ عزیز پاکستان واپس تشریف لائے۔
​باچا خان بابا کی زندگی عدم تشدد، انسانیت اور امن و آشتی کا بے مثال نمونہ تھی۔ ان کی سوچ اور فلسفہ آج بھی ہمارے لیے مشعلِ راہ ہے۔
​

16/08/2026

21/07/2026

حکومتی سرپرستی میں پانی کا بحران اور ٹینکر مافیا کراچی کے عوام کا استحصال کر رہے ہیں، شاہی سید
عوامی نیشنل پارٹی سندھ کے صوبائی صدر شاہی سید نے اپنے جاری کردہ بیان میں کہا ہے کہ کراچی میں پانی کا بحران محض انتظامی ناکامی نہیں بلکہ حکومتی سرپرستی میں عوام کے بنیادی حقوق کی سنگین پامالی ہے۔ کے فور منصوبے کی تکمیل میں مسلسل تاخیر اور شہر میں ٹینکر مافیا کی بے لگام سرگرمیاں اس بات کا ثبوت ہیں کہ شہریوں کو جان بوجھ کر پینے کے صاف پانی جیسی بنیادی سہولت سے محروم رکھا جا رہا ہے۔
انہوں نے کہا کہ کراچی ملک کا سب سے بڑا شہر اور قومی معیشت کا مرکز ہے، لیکن افسوس کہ یہاں کے لاکھوں شہری آج بھی پینے کے صاف پانی سے محروم ہیں۔ عوام مہنگے داموں پانی خریدنے پر مجبور ہیں، جبکہ متعلقہ ادارے اپنی آئینی اور انتظامی ذمہ داریاں ادا کرنے میں ناکام دکھائی دیتے ہیں۔
شاہی سید نے کہا کہ حکومت فوری طور پر کے فور منصوبے کو ہنگامی بنیادوں پر مکمل کرے، پانی کی منصفانہ فراہمی کو یقینی بنائے ۔
انہوں نے کہا کہ کراچی کے شہریوں کو صاف پانی کی بلا تعطل فراہمی حکومت کی بنیادی ذمہ داری ہے، جس سے مزید غفلت ہرگز قابل قبول نہیں۔
جاری کردہ
رحمان بابر
ترجمان اے این پی سندھ
ANP karachi Social Media

21/07/2026

کراچی پیاسا، تاریکی میں ڈوبا اور خوف کے سائے تلے ہے: شاہی سید
عوامی نیشنل پارٹی سندھ کے صوبائی صدر شاہی سید نے اپنے جاری کردہ بیان میں کہا ہے کہ کراچی آج پانی، بجلی اور گیس کی قلت، بڑھتے ہوئے اسٹریٹ کرائم اور بنیادی شہری مسائل کے باعث شدید اذیت کا شکار ہے، مگر صوبائی حکومت عوام کو ریلیف دینے کے بجائے دعوعں تک محدود ہے۔
انہوں نے کہا کہ شہری ایک طرف بنیادی سہولیات سے محروم ہیں تو دوسری جانب جان و مال کا تحفظ بھی یقینی نہیں۔ کراچی ملک کی معاشی شہ رگ ہے، لیکن بدانتظامی اور ناقص حکمرانی نے اسے مسائل کی اماجگاہ بنا دیا ہے۔
شاہی سید نے مطالبہ کیا کہ پانی، بجلی اور گیس کی بلا تعطل فراہمی، اسٹریٹ کرائم کے خاتمے اور بااختیار بلدیاتی نظام کے ذریعے کراچی کے مسائل کے مستقل حل کے لیے فوری اور موثر اقدامات کیے جائیں۔
ترجمان اے این پی سندھ

🚩

21/07/2026

21/07/2026

21/07/2026

کراچی میں بچوں میں ایچ آئی وی کا پھیلاؤ سندھ کے صحت کے نظام کی سنگین ناکامی ہے: شاہی سید
عوامی نیشنل پارٹی سندھ کے صوبائی صدر شاہی سید نے کراچی کے سرکاری ولیکا اسپتال سے منسلک بچوں میں ایچ آئی وی کے کیسز سامنے آنے پر گہرے دکھ، تشویش اور افسوس کا اظہار کرتے ہوئے کہا ہے کہ یہ واقعہ سندھ کے صحت کے نظام پر ایک سنگین سوالیہ نشان ہے۔
انہوں نے کہا کہ سندھ حکومت برسوں سے صحت کے شعبے میں بہتری کے دعوے اور تشہیر کرتی رہی ہے، مگر معصوم بچوں میں ایچ آئی وی کے کیسز سامنے آنا ان دعووں کی حقیقت کو بے نقاب کرتا ہے۔
شاہی سید نے کہا کہ ڈاکٹر اور طبی عملہ انسانیت کی خدمت کرنے والا قابل احترام طبقہ ہے، تاہم اگر کسی فرد، عملے یا انتظامی غفلت کے باعث بچوں کی زندگیاں خطرے میں پڑی ہیں تو ذمہ دار عناصر کے خلاف بلاامتیاز قانونی اور محکمانہ کارروائی کی جائے۔
انہوں نے حکومت وقت سے مطالبہ کیا کہ متاثرہ تمام بچوں کو فوری، مکمل اور مفت علاج اور طبی سہولیات فراہم کی جائیں ۔ ساتھ ہی صوبے کے تمام سرکاری اسپتالوں میں انفیکشن کنٹرول، طبی الات اور سرنجوں کے استعمال کے نظام کا فوری اور شفاف اڈٹ کرایا جائے تاکہ آئندہ ایسے افسوسناک واقعات کی روک تھام ممکن ہو سکے۔
جاری کردہ
رحمان بابر
ترجمان اے این پی سندھ