12/05/2026
آج SSP شازیب کی قیادت میں ایک ایسا انوکھا اور انسانیت سے بھرپور کیس حل ہوا جس کی مثال کم ہی ملتی ہے۔
صائمہ نامی ایک بے سہارا لڑکی اسلام آباد اور راولپنڈی سے حیدرآباد پہنچی، مگر یہاں آتے ہی اس کے سگے بھائی بہن نے اسے جان سے مارنے کی کوشش کی اور بے رحمی سے بغیر چپل کے گھر سے نکال دیا۔
قریبی تھانے نے نہ صرف فوری مدد فراہم کی بلکہ صائمہ کو چپل دلوائی، مالی معاونت کی اور مکمل تحفظ دیا۔ جیسے ہی معاملہ SSP حیدرآباد شازیب صاحب کے علم میں آیا، ان کی خصوصی ہدایت پر پنجاب سے آئی اس مہمان بیٹی کو سندھ کی روایات کے مطابق عزت، تحفظ اور اپنائیت دی گئی۔
صرف یہی نہیں، اس کے بچے فوری طور پر واپس دلائے گئے اور اس کا تمام سامان بھی بحفاظت واپس ملا۔صائمہ نے SSP حیدرآباد کا ذاتی طور پر شکریہ ادا کرتے ہوئے کہا کہ اسے پہلی بار محسوس ہوا کہ انسانیت آج بھی زندہ ہے۔
ایسے اقدامات ہی پولیس اور عوام کے درمیان اعتماد، محبت اور احترام کو مضبوط بناتے ہیں۔ واقعی، یہ ایک ایسی مثال ہے جو تاریخ میں کم ہی دیکھنے کو ملتی ہے۔
