تحریک مسلم کالونی

26/08/2026

12 ربیع الاول — عشقِ رسول ﷺ

🌙 12 ربیع الاول — جشنِ ولادتِ رحمت للعالمین حضرت محمد مصطفیٰ ﷺ 🌙

آج کا دن ہمیں محبت، اخوت، عدل، مساوات اور انسانیت کا درس دیتا ہے۔ نبی کریم ﷺ نے ہمیشہ مظلوم کا ساتھ دینے، کمزور کے حقوق کی حفاظت کرنے اور کسی انسان پر ظلم نہ کرنے کی تعلیم دی۔

تحریک مسلم کالونی (TMC) کی جانب سے تمام اہلِ اسلام، بالخصوص اہلیانِ مسلم کالونی کو 12 ربیع الاول کی دلی مبارکباد۔

آج ہم اپنے آقا ﷺ کی سیرتِ طیبہ سے رہنمائی لیتے ہوئے یہ عہد کرتے ہیں کہ مسلم کالونی کے متاثرین کے آئینی، قانونی اور بنیادی حقوق کے لیے ہماری پُرامن جدوجہد جاری رہے گی۔

ہماری آواز کسی سے نفرت نہیں،
انصاف، عزت اور حقِ رہائش کی آواز ہے۔

💚 آئیں! عشقِ رسول ﷺ کو صرف الفاظ نہیں، بلکہ عدل، رحم اور مظلوم کا ساتھ دینے کے عمل میں ڈھالیں۔

منجانب: تحریک مسلم کالونی (TMC)
12 ربیع الاول مبارک ﷺ
#انصاف

14/08/2026

۔

🇵🇰 14 اگست — یومِ آزادی اور مسلم کالونی 🇵🇰

آزادی صرف پرچم لہرانے اور جشن منانے کا نام نہیں، آزادی کا اصل مطلب یہ ہے کہ پاکستان کا ہر شہری عزت، تحفظ، انصاف اور اپنی چھت کے ساتھ زندگی گزار سکے۔

آج 14 اگست کے دن جب پورا پاکستان آزادی کی خوشیاں منا رہا ہے، تو مسلم کالونی کے متاثرین اپنے دل میں ایک سوال لیے کھڑے ہیں:

کیا ہم پاکستانی نہیں ہیں؟

یہ وہ لوگ ہیں جنہوں نے اپنی محنت اور خون پسینے سے اس شہر کی تعمیر و ترقی میں اپنا کردار ادا کیا۔ جن کے بزرگوں نے اس ملک کی خدمت کی، آج انہی خاندانوں کی ایک بڑی تعداد اپنے گھر، اپنے مستقبل اور اپنے بچوں کے محفوظ کل کے لیے پریشان ہے۔

مسلم کالونی کے متاثرین کے لیے یومِ آزادی کا پیغام یہ ہے کہ:

ہم پاکستان کے خلاف نہیں، ہم پاکستان میں اپنے آئینی اور بنیادی حقوق کے لیے آواز اٹھا رہے ہیں۔

ہم چاہتے ہیں کہ ریاست اپنے شہریوں کو انصاف دے، متاثرین کی مشکلات کو سنے اور انہیں باعزت طریقے سے آبادکاری اور رہائش کا حق فراہم کرے۔

ہماری جدوجہد کسی فرد، ادارے یا ریاست کے خلاف نہیں، بلکہ انصاف، قانون کی بالادستی اور شہری حقوق کے حصول کے لیے ہے۔

آج ہم اپنے سبز ہلالی پرچم کو سلام پیش کرتے ہوئے یہ عہد کرتے ہیں کہ:

مسلم کالونی کے متاثرین کی آواز دبنے نہیں دیں گے۔
انصاف کے لیے ہماری جدوجہد جاری رہے گی۔
اور ہم اپنے حقِ رہائش اور باعزت زندگی کے لیے آئینی و پُرامن راستہ اختیار کرتے رہیں گے۔

🇵🇰 یہ وطن ہمارا ہے، یہ پرچم ہمارا ہے، اور اس ملک کے بنیادی حقوق پر ہمارا بھی برابر کا حق ہے۔

پاکستان زندہ باد 🇵🇰
مسلم کالونی کے متاثرین پائندہ باد ✊

منجانب: تحریک مسلم کالونی (TMC)

31/07/2026

مسلم کالونی کے بے گناہ اور مظلوم لوگوں پر جو ظلم ڈھایا گیا، وہ تاریخ کا ایک سیاہ باب ہے۔ اگر اس دنیا کی عدالتوں میں اس ظلم کا انصاف نہ بھی مل سکا، تو ہمیں اللہ تعالیٰ کی عدالت پر کامل یقین ہے۔

ان شاء اللہ، بروزِ قیامت ہر ظالم کو اپنے ہر ظلم، ہر آنسو اور ہر ناانصافی کا حساب دینا ہوگا۔ اللہ کی عدالت میں نہ کوئی سفارش چلے گی اور نہ کوئی طاقت یا منصب کام آئے گا۔

"اور ظالم ہرگز یہ نہ سمجھیں کہ اللہ ان کے اعمال سے غافل
ہے۔" (القرآن)

27/07/2026

مسلم کالونی 💔

24/07/2026

ذیشان احمد صاحب مسلم کالونی کے بارے میں گفتگو کرتے ہوئے
Zeeshan Ahmed Dharamkhel
Awami Workers Party - Marxist - Rwp Isb

21/07/2026

تحریک مسلم کالونی (TMC) کی CDA لیبر یونین (پاشا گروپ) کے ساتھ اہم ملاقات

آج تحریک مسلم کالونی (TMC) کی ٹیم کی CDA لیبر یونین (پاشا گروپ) کے ساتھ ایک اہم اور مثبت ملاقات منعقد ہوئی، جس میں CDA لیبر یونین (پاشا گروپ) کے سیکریٹری جناب عزت کمال پاشا سمیت دیگر نمائندگان نے شرکت کی۔

ملاقات کے دوران مسلم کالونی کے متاثرین کے ساتھ پیش آنے والے حالات، جبری بے دخلی، گھروں کی مسماری، روزگار کے نقصان اور متاثرہ خاندانوں کو درپیش مشکلات پر تفصیلی گفتگو کی گئی۔ شرکاء نے اس بات پر گہری تشویش کا اظہار کیا کہ متاثرین آج بھی اپنے بنیادی آئینی اور انسانی حقوق کے حصول کے لیے جدوجہد کر رہے ہیں۔

CDA لیبر یونین (پاشا گروپ) کی قیادت نے مسلم کالونی کے متاثرین کے ساتھ اظہارِ یکجہتی کرتے ہوئے ان پر ہونے والے ظلم کی شدید مذمت کی اور اس بات پر زور دیا کہ ہر پاکستانی شہری کو آئینِ پاکستان کے مطابق عزت، انصاف اور بنیادی حقوق حاصل ہونے چاہئیں۔

ملاقات میں دونوں فریقین نے اس بات پر اتفاق کیا کہ آئندہ باہمی تعاون، اتحاد اور مشترکہ حکمتِ عملی کے ذریعے اہلیانِ مسلم کالونی کے آئینی، قانونی اور انسانی حقوق کے حصول کے لیے پُرامن، جمہوری اور قانونی جدوجہد جاری رکھی جائے گی۔ اس مقصد کے لیے مختلف فورمز پر آواز بلند کرنے، عوامی شعور بیدار کرنے اور متعلقہ اداروں تک متاثرین کا مؤقف مؤثر انداز میں پہنچانے کے لیے بھی مشترکہ اقدامات کیے جائیں گے۔

تحریک مسلم کالونی کی ٹیم نے CDA لیبر یونین (پاشا گروپ) خصوصاً سیکریٹری جناب عزت کمال پاشا کا شکریہ ادا کیا کہ انہوں نے متاثرینِ مسلم کالونی کے مؤقف کو سنا، ان کے ساتھ اظہارِ یکجہتی کیا اور انصاف کی اس جدوجہد میں ساتھ کھڑے ہونے کے عزم کا اظہار کیا۔

تحریک مسلم کالونی اس یقین کا اعادہ کرتی ہے کہ وہ اپنے تمام متاثرین کے آئینی، قانونی اور انسانی حقوق کے حصول، باعزت بحالی اور انصاف کی فراہمی تک اپنی پُرامن جدوجہد جاری رکھے گی۔ ہمیں یقین ہے کہ جب معاشرے کے مختلف طبقات اور مزدور تنظیمیں انصاف کے لیے ایک آواز بن جائیں تو مظلوموں کی آواز مزید مؤثر انداز میں بلند ہوتی ہے۔

منجانب:
تحریک مسلم کالونی (TMC)

17/07/2026

07/07/2026

مسلم کالونی کے بچوں کی آواز

"کیا ہم پاکستانی نہیں ہیں؟"

ہم بھی اسی وطن کے بچے ہیں، ہمارے بھی خواب ہیں، ہمیں بھی تعلیم، تحفظ، عزت اور ایک محفوظ چھت کا حق حاصل ہے۔

اگر ہم پاکستانی ہیں، تو پھر ہمارے ساتھ امتیازی سلوک کیوں؟
ہمارے گھروں کو کیوں مسمار کیا گیا؟
ہمارے مستقبل کو کیوں غیر یقینی بنایا گیا؟

ہم کسی رعایت کے طلبگار نہیں، صرف آئینِ پاکستان کے تحت اپنے بنیادی حقوق کا مطالبہ کرتے ہیں۔

ہماری آواز سنیں، ہمارے حقوق بحال کریں۔

نوٹ:- یہ ویڈیو دسمبر کی ہے