07/09/2026
اسلام آباد ۔ نئی آبادی بھارہ کہو میں صحت کی جدید سہولیات
صحت میڈیکل سینٹر کاافتتاح
افتتاح چیئرمین اور ڈی جی کیریئر گروپ آف کالجز نے کیا
۔۔۔۔۔۔۔۔
صحت میڈیکل سنٹر نئی آبادی بہارہ کہو کا افتتاح کر دیا گیا۔ مہمانان خصوصی چیئرمین کیرئیر گروپ آف انسٹیٹیوشنز جاوید انتظار اور ڈائریکٹر جنرل کیرئیر گروپ آف انسٹیٹیوشنز پروفیسر محمد عامر نے صحت میڈیکل سنٹر نئی آبادی بہارہ کہو کا افتتاح کیا۔ اس موقع پر ڈاکٹر انور چودھری، ڈاکٹر احمد، ڈپٹی ڈائریکٹر فرنچائز اینڈ انویسٹمنٹ راولپنڈی ڈویژن میڈم نجمہ انور، ڈاکٹرز، پیرا میڈیکل اسٹاف، نئی آبادی ویلفیئر مینجمنٹ کے عہدیداران، ریڈیو پاکستان کی لیبر لیڈرشپ اور اہلیان علاقہ کی بڑی تعداد موجود تھی، افتتاحی تقریب سے خطاب کرتے ہوئے جاوید انتظار نے کہا کہ اللہ کے سب سے زیادہ قریب وہ ہے جو دوسروں کے لئے فائدہ مند ہے۔ بڑا کام وہ نہیں جس میں پیسے زیادہ ائیں۔ بڑا کام وہ ہے جس میں لوگوں کو فائدہ ہو۔ صحت میڈیکل سنٹر اہلیان نئی آبادی اور بہارہ کہو کو سستی اور معیاری علاج کی سہولت دے گا۔ ڈائریکٹر جنرل کیرئیر گروپ آف انسٹیٹیوشنز پروفیسر محمد عامر نے کہا کہ ڈاکٹر احمد نے لندن سے ڈاکٹر کی ڈگری اور تجربہ لینے کے بعد نئی آبادی بہارہ کہو میں غریب عوام کی خدمت کے لئے صحت میڈیکل سنٹر کی بنیاد رکھی۔ جس کو محنت اور ایمانداری سے ملک کا صحت سنٹر کا دائرہ کار بڑھایا جا سکتا ہے۔ قبل ازیں سابق ریٹائرڈ پرنسپل گورنمنٹ گرلز کالج راولپنڈی اور ڈپٹی ڈائریکٹر کیرئیر فرنچائز اینڈ انویسٹمنٹ راولپنڈی ڈویژن میڈم نجمہ نے خطاب کرتے ہوئے کہا کہ میری بچوں کی تربیت میں خدمت خلق کا جزبہ پیدا کیا گیا ہے۔ صحت میڈیکل سنٹر میں ایک ہفتہ مفت چیک اپ اور دوائیاں دی جائیں گی ۔خطبہ صدارت میں ڈاکٹر احمد چودھری نے کہا کہ میں نے نئی آبادی میں بچپن گزارا، پھر انگلینڈ سے ڈاکٹریٹ کی ڈگری لینے کے بعد اپنے علاقے کے لوگوں کی خدمت کے جذبے سے واپس آیا ہوں۔ کریئر گروپ آف انسٹیٹیوشنز کی قیادت نے صحت میڈیکل سنٹر نئی آبادی سے مکمل تعاون کی یقین دہانی کروائی۔ افتتاحی تقریب کے آخر میں صحت میڈیکل سنٹر کی کامیابی کے لئے خصوصی دعا کی گئی ۔ شرکاء تقریب کے کھانے کا اہتمام کیا گیا
۔
