Sughra Begum Elder Care Trust

02/02/2026

نئے ریٹائر ہونے والے لوگوں کیلئے

24/07/2025

ابو، دیوار اور میں

میرے ابو بوڑھے ہو چکے تھے۔ چلتے ہوئے اکثر دیوار کا سہارا لیتے۔ آہستہ آہستہ ان کی انگلیوں کے نشان دیواروں پر نمایاں ہونے لگے — ایسے نشان جو ان کی کمزوری اور محتاجی کا پتہ دیتے تھے۔

میری بیوی ان نشانات سے الجھن محسوس کرتی تھی۔ وہ اکثر شکایت کرتی کہ دیواریں گندی ہو رہی ہیں۔
ایک دن ابو کے سر میں شدید درد تھا۔ انہوں نے تیل لگایا اور حسبِ عادت دیوار کا سہارا لیا، جس سے دیوار پر تیل کے دھبے پڑ گئے۔

اس بات پر بیوی نے ناراضی ظاہر کی، اور ابّا سے سخت لہجے میں کہا:
“دیوار کو ہاتھ نہ لگایا کریں!”

ابو خاموش ہو گئے۔ ان کی آنکھوں میں گہرا دکھ تھا۔ میری گزشتہ رات ہی بیوی سے تلخ کلامی ہوئی تھی اس لیئے میں مصلحتًا خاموش رہا۔ یعنی مجھے بیوی کی اس بدتمیزی پر شرمندگی تو ہوئی، مگر کچھ کہہ نہ سکا۔

اس دن کے بعد ابو نے دیوار کا سہارا لینا چھوڑ دیا۔ ایک دن وہ توازن کھو بیٹھے اور گر پڑے۔ ان کی کولہے کی ہڈی ٹوٹ گئی۔ آپریشن ہوا، مگر وہ مکمل طور پر صحت یاب نہ ہو سکے، اور کچھ ہی دنوں میں ہم سب کو روتا چھوڑ گئے۔

میرے دل میں شدید پچھتاوا تھا۔ ابو کی خاموش نظریں آج بھی میرا پیچھا کرتی ہیں۔ نہ انہیں بھلا سکا، نہ خود کو معاف کر پایا۔

کچھ عرصے بعد ہم نے گھر کو رنگ کروانے کا فیصلہ کیا۔ جب رنگ کرنے والے آئے تو میرا بیٹا، جو اپنے دادا سے بے حد محبت کرتا تھا، اُن دیواروں پر رنگ کروانے سے رک گیا جن پر دادا کی انگلیوں کے نشان تھے۔

رنگ کرنے والے سمجھدار لوگ تھے۔ انہوں نے ان نشانات کے گرد خوبصورت دائرے بنا دیے، جیسے دیوار پر کوئی خوبصورت فن پارہ ہو۔

آہستہ آہستہ وہ نشان ہمارے گھر کی پہچان بن گئے۔ جو بھی آتا، اس دیوار کی تعریف ضرور کرتا، مگر کسی کو معلوم نہ تھا کہ اس سجاوٹ کے پیچھے ایک دلخراش سچائی چھپی ہے۔

وقت گزرتا گیا۔ اب میں خود بھی بوڑھا ہو چکا ہوں۔ ایک دن چلتے ہوئے مجھے بھی دیوار کا سہارا لینا پڑا۔ اسی لمحے مجھے اپنا ماضی یاد آیا — میری بیوی کا ابو کو جھڑکنا، ان کی خاموشی، اور ان کا درد۔ میں نے سہارا لیے بغیر چلنے کی کوشش کی۔

میرا بیٹا یہ سب دیکھ رہا تھا۔ فوراً آگے بڑھا اور بولا:
“پاپا، دیوار کا سہارا لیجیے، ورنہ آپ گر جائیں گے!”

پھر میری پوتی دوڑتی ہوئی آئی اور بولی:
“دادُو، آپ میرا کندھا پکڑ لیں!”

یہ سن کر میری آنکھیں بھر آئیں۔
کاش، کاش میں نے بھی اپنے ابو کے ساتھ ایسا ہی رویہ اختیار کیا ہوتا — تو شاید وہ کچھ دن اور ہمارے ساتھ رہتے۔

میرے بیٹے اور پوتی نے مجھے سہارا دے کر صوفے پر بٹھایا۔ پھر پوتی اپنی ڈرائنگ بک لے آئی۔ اس نے مجھے دکھایا کہ اس کی ٹیچر نے ایک تصویر کی بہت تعریف کی تھی — وہ تصویر اسی دیوار کی تھی جس پر میرے ابو کے نشان تھے۔
تصویر کے نیچے ٹیچر نے لکھا تھا:
“کتنا اچھا ہو کہ ہر بچہ اپنے بزرگوں سے ایسی ہی محبت کرے!”

میں اپنے کمرے میں گیا، اپنے مرحوم والد کی یاد میں سسکیاں لیتے ہوئے الـلــَّـه تعالیٰ سے معافی مانگنے لگا۔

(تامل زبان کی ایک سچی، سبق آموز روداد ——عرفان جاوید صاحب کی وال سے لی گئی تحریر

13/09/2024

"میڈیکل کالج میں، پروفیسر صاحب طب کے چوتھے سال کے طلباء کو کلینکل میڈیسن پڑھا رہے تھے، انہوں نے درج ذیل سوال کیا:

"بزرگوں میں ذہنی کنفیوشن کی وجوہات کیا ہیں؟"
کچھ نے کہا: "سر میں ٹیومر"۔

انہوں نے جواب دیا: نہیں!

دوسرے بول پڑے: "الزائمر کی ابتدائی علامات ہونگی"۔

انہوں نے پھر جواب دیا: نہیں!

جوابات آتے رہے اور رد ہوتے رہے یہاں تک کہ جوابات ختم ہوگئے

اسپر پروفیسر صاحب نے جواب دیا:

- پانی کی کمی سب سے بڑی وجہ ہوتی ہے!

شاید آپ کو بھی ان طلباء کی طرح یہ مذاق لگے؛ لیکن یہ حقیقت ہے.

60 سال سے زیادہ عمر کے لوگ میں عموماً پیاس محسوس کرنے کی صلاحیت معدوم ہو جاتی ہے جس کے نتیجے میں، بزرگ پانی پینا بہت کم کر دیتے ہیں۔

اگر انکے قریب کوئی انہیں لیکویڈ پینے کی یاد دلانے والا نہ ہو، تو وہ جلدی سے پانی کی کمی کا شکار ہو جاتے ہیں۔

پانی کی کمی خطرناک امر ہے اور پورے جسم کو متاثر کرتی ہے۔ لیکویڈ کی کمی بہت جلد ذہنی الجھن، بلڈ پریشر کی کمی، دل کی دھڑکن کے اضافہ، انجائنا (سینے میں درد)، کوما اور یہاں تک کہ موت کا سبب بن سکتا ہے۔ پانی زبردستی پیئیں اور پلائیں

لیکویڈ پینا بھول جانے کی یہ عادت 60 سال کی عمر میں شروع ہوتی ہے، جب ہمارے جسم میں پانی کا 50 فیصد سے زیادہ ہونا چاہیے۔
60 سال سے زیادہ عمر کے لوگوں کے جسم میں پانی کا ذخیرہ کم ہے۔ عمر بڑھنے کے ساتھ یہ کمی قدرتی امر ہے۔

بات یہاں ختم نہیں ہوتی مزید پیچیدگیاں بھی ہیں۔ اگرچہ وہ پانی کی کمی کا شکار ہوتے ہیں، وہ پانی کی کمی کو محسوس نہیں کرتے انہیں پیاس بہت کم لگتی ہے، وجہ یہ ہے کہ ان کے اندرونی توازن کا طریقہ کار اچھی طرح سے کام نہیں کرتا ہے۔ جیسے عمر بڑھتی جائے گی ویسے ویسے پیاس کم۔ہوتی چلے جائے گی

خلاصہ و تتمہ:

60 سال سے زیادہ عمر کے لوگ پانی کی کمی کا شکار رہتے ہیں، نہ صرف اس وجہ سے کہ ان کے جسم میں پانی کی فراہمی کم ہے۔ بلکہ اس لیے بھی کہ انہیں جسم میں پانی کی کمی محسوس نہیں ہوتی۔

اگرچہ 60 سال سے زیادہ عمر کے لوگ صحت مند نظر آتے ہیں، لیکن یہ پانی کی کمی رد عمل اور کیمیائی افعال کی کارکردگی ان کے پورے جسم کو نقصان پہنچا سکتی ہے۔

تو یہاں دو انتباہات ہیں:

1) مائعات پینے کی عادت ڈالیں۔ مائعات میں پانی، جوس، چائے، ناریل کا پانی، سوپ اور پانی سے بھرپور پھل جیسے تربوز، خربوزہ، آڑو اور انناس شامل ہیں۔ اورنج اور ٹینگرین بھی اچھے رہتے ہیں

اہم بات یہ ہے کہ ہر دو گھنٹے بعد آپ کو کچھ مائع ضرور پینا چاہیے۔

یاد رکھیں اور یاد دلائیں!

2) خاندان کے افراد کے لیے الرٹ: 60 سال سے زیادہ عمر کے لوگوں کو مسلسل لکویڈ پیش کریں۔ مشاہدہ کرتے رہیں

اگر آپ کو محسوس ہو کہ وہ مائعات کو مسترد کر رہے ہیں اور، روز بروز، وہ چڑچڑے ہورہے ہیں، لینے یا توجہ کی کمی کا مظاہرہ کرتے ہیں، تو یہ پانی کی کمی کی علامات ہیں۔

آپ انہیں روز زیادہ سے زیادہ پانی پینے کی ترغیب دیں

یہ معلومات دوسروں تک پہنچائیں۔ آپ کے دوستوں اور خاندان والوں کو اپنی پانی کی ضرورت کو جاننے اور صحت مند اور خوش رہنے میں آپ کی مدد کی ضرورت ہے۔ کیا آپ مدد کریں گے

11/07/2024

11/07/2024

شاخ پر پیلے پتوں کو نہ توڑو،
ایک دن وہ خود بخود گر جائیں گے۔

گھر کے بزرگوں کے ساتھ بیٹھو، باتیں کرو،
ایک دن وہ خود بخود خاموش ہو جائیں گے۔

انہیں آزاد چھوڑ دو،
خرچ کرنے دو،
اپنی مرضی سے جینے دو،
ایک دن وہ تمہارے لیے سب کچھ چھوڑ جائیں گے۔

انہیں بار بار نہ ٹوکیں، وہی باتیں دہراتے ہیں،
ایک دن تم ان کی آواز سننے کے لیے ترس جاؤ گے، جب وہ خاموش ہو جائیں گے۔

جتنا ہو سکے ان کی دعائیں لو،
جھک کر، پاؤں چھو کر،
ایک دن وہ خود بخود تصویر بن جائیں گے،
پھر تمہارے معافی مانگنے کا کوئی فائدہ نہیں ہوگا۔

انہیں دوسروں کے سامنے کچھ نہ کہو، انہیں کھانے دو، اپنی مرضی سے،
پھر دیکھو وہ کھانے کے لیے بھی نہیں آئیں گے،
خواہ تم کتنی ہی بار ان کی برسی مناؤ۔

14/12/2023

بڑھاپا پاؤں اور ٹانگوں کی طرف سے شروع ہوتا ہے۔
لہذا روزانہ کی بنیاد پر چلیں

Walk at least 30-40 min daily

19/11/2023

"ایک وقت آئے گا جب آپ کچھ لوگوں کی نظروں میں صرف اس لیے ظالم ہوں گے کہ آپ نے رعایتیں دینا چھوڑ دی ہیں۔‘‘

ڈاکٹر احمد خالد توفیق

26/03/2023

ہمارا ادارہ عمر رسیدہ اور لمبے عرصے کی بیماری میں مبتلا مریضوں کو گھر پر بہتر دیکھ بھال کیلئے مختلف طبی آلات جیسے الیکٹرک بیڈ، وئیل چئیرز، آئیر میڑیس، آکسیجن سلنڈرز وغیرہ رفاہ عامہ کے طور پر انتہائی کم کرائے یا مستحقین کو مفت مہیا کرتا ہے۔ یہ سہولت صرف اسلام آباد راولپنڈی و گردونواح میں دستیاب ہے۔
WhatsApp : 0300 5518529
Call : 0330 9194455

25/01/2023

ورزش کرنے اور ورزش نہ کرنے والے افراد اپنی اپنی عمر کے آخری دس سال کیسے گزاریں گے کینیڈین حکومت نے یہ تقابلی معلوماتی ویڈیو ریلیز کی ہے۔ اگر مالک نے آپکو لمبی زندگی عطا کر رکھی ہے تو اس ویڈیو کی روشنی میں آپ اپنے مستقبل کا تعین کر سکتے ہیں۔
اگر آپ ورزش نہیں کرتے تو ہمارا ادارہ عمر رسیدہ اور لمبے عرصے کی بیماری میں مبتلا مریضوں کو گھر پر بہتر دیکھ بھال کیلئے مختلف طبی آلات جیسے الیکٹرک بیڈ، وئیل چئیرز، آئیر میڑیس، آکسیجن سلنڈرز وغیرہ رفاہ عامہ کے طور پر انتہائی کم کرائے یا مستحقین کو مفت مہیا کرتا ہے۔ یہ سہولت صرف اسلام آباد راولپنڈی و گردونواح میں دستیاب ہے۔
WhatsApp : 0300 5518529
Call : 0330 9194455