06/03/2026
پٹرولیم مصنوعات کی قیمتوں میں 55 روپے فی لیٹر تک اضافہ عوام دشمن فیصلہ ہے عالمی منڈی میں پٹرولیم مصنوعات کی قیمتوں میں اضافہ ضرور ہوا ہے لیکن جو پٹرول اور ڈیزل اس وقت ملک میں دستیاب ہے وہ پرانی قیمتوں پر خریدا گیا تھا اس کے باوجود حکومت کی جانب سے یکدم 55 روپے فی لیٹر اضافہ کرنا عوام پر مہنگائی کا بم گرانے کے مترادف ہے حکومت پہلے ہی پٹرولیم مصنوعات پر فی لیٹر تقریباً 100 روپے تک مختلف ٹیکسز اور لیوی وصول کررہی ہے ایسے حالات میں عوام کو ریلیف دینے کے بجائے مزید بوجھ ڈالنا انتہائی افسوسناک اور غیر ذمہ دارانہ اقدام ہے پٹرولیم مصنوعات کی قیمتوں میں اس بے تحاشہ اضافے سے مہنگائی کی ایک نئی لہر آئے گی جس کا براہ راست اثر عام شہری، مزدور، کسان اور متوسط طبقے پر پڑے گا ٹرانسپورٹ خوراک اور روزمرہ استعمال کی اشیاء کی قیمتوں میں مزید اضافہ ہوگا اور پہلے سے مشکلات کا شکار عوام کی زندگی مزید اجیرن بن جائے گی .
