Deputy Director Fisheries Tarbela and Khanpur Dam Haripur

01/09/2026

تربیلا جھیل کے ٹھیکے سے متعلق سٹے آرڈر کی افواہیں بے بنیاد، سوشل میڈیا پر غلط معلومات پھیلانے سے گریز کیا جائے
تربیلا جھیل کے ٹھیکے سے متعلق سوشل میڈیا پر سٹے آرڈر اور ٹھیکہ رکنے کی افواہیں گردش کر رہی ہیں، تاہم دستیاب عدالتی حکم نامے میں ایسی کسی صورتِ حال کی تصدیق نہیں ہوتی۔
31 اگست 2026 کو پشاور ہائی کورٹ ایبٹ آباد بینچ میں CR No. 501-A/2026 کی سماعت ہوئی، جس میں درخواست گزار کے وکیل نے مؤقف اختیار کیا کہ وہ موجودہ ریویژن پٹیشن کو مزید آگے نہیں بڑھائیں گے۔ عدالت نے چنانچہ ریویژن پٹیشن کو withdrawn ہونے کی بنیاد پر خارج کر دیا۔
عدالت نے اپنے حکم میں واضح کیا کہ اپیلیٹ کورٹ کی جانب سے ریکارڈ کیے گئے مشاہدات ٹرائل کورٹ کے فیصلے پر اثرانداز نہیں ہوں گے، جبکہ عبوری حکمِ امتناعی کی درخواست ٹرائل کورٹ اپنے میرٹ پر فیصلہ کرے گی۔ عدالت نے ٹرائل کورٹ کو ہدایت کی کہ وہ 8 ستمبر 2026 سے بیس دن کے اندر عبوری حکمِ امتناعی کی درخواست کا فیصلہ کرے۔
لہٰذا سوشل میڈیا پر یہ تاثر دینا کہ تربیلا جھیل کے ٹھیکے پر سٹے آرڈر جاری ہو چکا ہے، مذکورہ عدالتی حکم نامے سے ثابت نہیں ہوتا۔ عوام سے اپیل ہے کہ بغیر تصدیق کسی بھی خبر یا افواہ کو آگے شیئر کرنے سے گریز کریں اور عدالتی معاملات میں مستند دستاویزات کو ہی بنیاد بنائیں۔

24/08/2026

شینو ٹراؤٹ ہیچری کاغان میں فش فیڈ کا تفصیلی معائنہ
محکمہ ماہی پروری خیبر پختونخوا کی ہدایات کے تحت ڈپٹی ڈائریکٹر فشریز تربیلا اینڈ خانپور ڈیمز، ہری پور، جناب طاہر جمیل صاحب نے شینو ٹراؤٹ ہیچری، کاغان، ضلع مانسہرہ کا دورہ کیا اور وہاں فراہم کیے جانے والے فش فیڈ (Fish Feed) کا تفصیلی معائنہ کیا۔
اس موقع پر اسسٹنٹ ڈائریکٹر فشریز ہری پور، جناب ولی خان صاحب بھی ان کے ہمراہ موجود تھے۔ معائنے کے دوران فش فیڈ کے معیار، حالت، پیکنگ، ذخیرہ کرنے کے طریقہ کار اور مچھلی کی غذائی ضروریات سے متعلق مختلف پہلوؤں کا جائزہ لیا گیا۔
ڈپٹی ڈائریکٹر فشریز نے متعلقہ فش سپروائزرز اور ہیچری کے عملے کو واضح ہدایات جاری کیں کہ مچھلی کی خوراک کے معیار اور مناسب استعمال کو ہر صورت یقینی بنایا جائے، ریکارڈ کو مکمل اور درست رکھا جائے اور مچھلی کی صحت و افزائش کے حوالے سے تمام ضروری تکنیکی اور انتظامی اقدامات بروقت کیے جائیں۔
انہوں نے مزید ہدایت کی کہ فش فیڈ کے معیار کے حوالے سے کسی بھی قسم کی کوتاہی برداشت نہیں کی جائے گی اور ضرورت پڑنے پر متعلقہ معیار کی جانچ اور لیبارٹری ٹیسٹنگ کے لیے بھی ضروری اقدامات کیے جائیں گے۔
یہ معائنہ محکمہ ماہی پروری خیبر پختونخوا کی جانب سے مچھلی کی صحت، معیاری افزائش، بہترین پیداوار اور سرکاری وسائل کے مؤثر استعمال کو یقینی بنانے کے لیے جاری نگرانی اور معائنہ کے نظام کا حصہ ہے

21/08/2026

29/07/2026

ڈی جی فشریز جناب زبیر علی اور ڈائریکٹر فشریز جناب طاہر جمیل کی بہترین حکمتِ عملی، شفاف پالیسی اور انتھک کاوشوں کے نتیجے میں تربیلا جھیل کے مچھلی کے ٹھیکے کی نیلامی ایک تاریخی کامیابی ثابت ہوئی ہے۔
گزشتہ سال تربیلا جھیل کا ٹھیکہ 15 کروڑ روپے میں ہوا تھا، جبکہ اس سال یہی ٹھیکہ 57 کروڑ 10 لاکھ روپے میں نیلام ہوا، جو نہ صرف ایک ریکارڈ اضافہ ہے بلکہ محکمہ فشریز کی شاندار کارکردگی کا واضح ثبوت بھی ہے۔
اس غیر معمولی اضافے سے سرکاری خزانے کو اربوں روپے کا فائدہ پہنچے گا، جس سے محکمہ فشریز کی ترقی، آبی وسائل کے بہتر انتظام اور ماہی گیری کے شعبے کی مزید بہتری میں مدد ملے گی۔ اس کامیاب نیلامی نے یہ ثابت کر دیا ہے کہ شفافیت، بہتر منصوبہ بندی اور مخلص قیادت سے قومی وسائل سے زیادہ سے زیادہ فائدہ حاصل کیا جا سکتا ہے۔
عوامی حلقوں نے ڈی جی فشریز زبیر علی، ڈائریکٹر فشریز طاہر جمیل اور پوری ٹیم کی اس کامیابی کو سراہتے ہوئے امید ظاہر کی ہے کہ مستقبل میں بھی ایسے اقدامات سے قومی خزانے میں مزید اضافہ ہوگا اور ماہی گیری کا شعبہ مزید ترقی کرے گا۔

28/07/2026

🔥 The final 20 seconds of the Tarbela Dam e-Auction were absolutely thrilling and unbelievable!

28/07/2026

E-Auction of Fishing rights of Tarbela Dam Haripur

25/07/2026

آج مورخہ 25 جولائی 2026 کو محکمہ ماہی پروری خیبر پختونخوا کی جانب سے تربیلا ڈیم، ہری پور میں مچھلی کے بچہ (فش سیڈ) چھوڑنے کی ایک بڑی تقریب کا انعقاد کیا گیا۔

اس موقع پر مختلف دینی مدارس کے طلبہ اور اساتذہ کو خصوصی طور پر مدعو کیا گیا تاکہ آبی وسائل کے تحفظ، مچھلی کی افزائش، ماحول دوست طرزِ عمل اور پائیدار ماہی پروری کے بارے میں آگاہی فراہم کی جا سکے، جبکہ بچوں کو بھی اس قومی اہمیت کے حامل پروگرام میں عملی شرکت کا موقع ملا۔

یہ تقریب 28 جولائی 2026 کو تربیلا ڈیم کے ماہی گیری حقوق کی ای۔نیلامی (E-Auction) سے قبل منعقد کی گئی، جس کا مقصد اس شفاف اور جدید نظام کو اجاگر کرنا اور ملک بھر سے زیادہ سے زیادہ سرمایہ کاروں اور بولی دہندگان کی توجہ اس تاریخی ای۔نیلامی کی جانب مبذول کرانا ہے۔

محکمہ ماہی پروری خیبر پختونخوا قدرتی آبی وسائل کے تحفظ، مچھلی کی پیداوار میں اضافے اور شفاف، مؤثر اور جدید انتظامی نظام کے فروغ کے لیے پرعزم ہے۔