PERA Force Gujrat

07/06/2026

ایس ڈی ای او پیرافورس گجرات جناب ہمایوں خالد وڑائچ کی ہدایات پر انفورسمنٹ افسر عرفان بھٹی نے اپنی ٹیم کے ہمراہ امتیاز مال گجرات کا سرپرائز انسپیکشن کیا۔

دورانِ انسپیکشن سبزیوں کے سیکشن اور ڈی سی کاؤنٹر پر معیار اور قیمتوں سے متعلق بے ضابطگیاں سامنے آنے پر امتیاز مال انتظامیہ کو جرمانہ عائد کیا گیا۔ انفورسمنٹ ٹیم نے انتظامیہ کو آئندہ قواعد و ضوابط کی مکمل پابندی یقینی بنانے کی ہدایت بھی جاری کی۔

پیرافورس گجرات کی جانب سے صارفین کے حقوق کے تحفظ اور مارکیٹوں میں شفافیت یقینی بنانے کے لیے کارروائیاں بلا تعطل جاری ہیں۔

06/06/2026

ایس ڈی ای او پیرافورس گجرات ہمایوں خالد وڑائچ کی واضح ہدایات پر عمل کرتے ہوئے انفورسمنٹ آفیسر فیصل بھٹی نے کارروائی کے دوران ایک بزرگ دکاندار شہری سے نہایت خوش اخلاقی اور احترام کے ساتھ تعاون کی اپیل کی۔

اس موقع پر انہوں نے دکاندار کو سمجھایا کہ شہریوں کی آمد و رفت میں آسانی اور راستوں کی بحالی کے لیے ضروری ہے کہ ریڑھی اور دکان کا سامان مقررہ حدود کے اندر رکھا جائے۔ کارروائی کے دوران بزرگ شہری کے احترام کو مقدم رکھتے ہوئے نہایت نرم اور مثبت انداز اپنایا گیا۔

پیرافورس گجرات کی جانب سے اس بات پر زور دیا گیا کہ قانون کی عملداری کے ساتھ ساتھ شہریوں کی عزت و تکریم کو بھی ہمیشہ ملحوظِ خاطر رکھا جاتا ہے تاکہ شہر میں نظم و ضبط اور باہمی احترام کا ماحول قائم رہے

06/06/2026

ڈپٹی کمشنر گجرات محترمہ نورالین قریشی کی زیرِ صدارت پیرافورس گجرات کی کارکردگی کے جائزہ کے حوالے سے ایک اہم اجلاس منعقد ہوا۔ اجلاس میں ایس ڈی او پیرافورس گجرات ہمایوں خالد وڑائچ، اے ڈی سی جی محترمہ صبا سحر، ایس ایس او پیرافورس گجرات ذوہیب عارف، انفورسمنٹ آفیسر امتیاز بھٹی اور انفورسمنٹ آفیسر فیصل بھٹی نے شرکت کی۔

اجلاس کے دوران پیرافورس گجرات کی جانب سے انسدادِ تجاوزات، سرکاری اراضی کے تحفظ، عوامی مقامات کی بحالی اور شہری نظم و ضبط کے قیام کے لیے کیے گئے اقدامات کا تفصیلی جائزہ لیا گیا۔ ڈپٹی کمشنر گجرات محترمہ نورالین قریشی نے پیرافورس کی کارکردگی کو سراہتے ہوئے متعلقہ افسران کو ہدایت کی کہ عوامی سہولت، قانون کی عملداری اور سرکاری املاک کے تحفظ کے لیے جاری اقدامات کو مزید مؤثر بنایا جائے

05/06/2026

ایس ڈی ای او پیرافورس گجرات جناب ہمایوں خالد وڑائچ کی ہدایات کی روشنی میں انفورسمنٹ آفیسر امتیاز بھٹی نے جلالپور جٹاں بازار کا دورہ کیا۔ اس موقع پر بازار میں ناجائز تجاوزات قائم کرنے والے دکانداروں کو وارننگ جاری کی گئی اور انہیں سختی سے ہدایت کی گئی کہ اپنا سامان اپنی دکانوں کی مقررہ حدود کے اندر رکھیں۔

انفورسمنٹ آفیسر امتیاز بھٹی نے دکانداروں کو آگاہ کیا کہ عوامی گزرگاہوں، فٹ پاتھوں اور سڑکوں پر سامان رکھنے سے شہریوں کو مشکلات کا سامنا کرنا پڑتا ہے، لہٰذا تمام دکاندار تجاوزات کے خاتمے میں انتظامیہ سے تعاون کریں۔

انہوں نے واضح کیا کہ ناجائز تجاوزات کسی صورت برداشت نہیں کی جائیں گی اور خلاف ورزی کی صورت میں متعلقہ افراد کے خلاف قانونی کارروائی عمل میں لائی جائے گی۔ اس موقع پر دکانداروں نے انتظامیہ کے ساتھ تعاون کی یقین دہانی بھی کروائی

03/06/2026

جناب ایس ڈی ای او پیرافورس گجرات کے احکامات کی روشنی میں انفورسمنٹ آفیسر فیصل بھٹی نے آج مختلف دریاؤں، نہروں اور آبی گزرگاہوں کا دورہ کیا۔ اس موقع پر دفعہ 144 کے تحت نافذ پابندی پر عملدرآمد کو یقینی بنایا گیا اور عوام الناس کو دریاؤں اور نہروں میں نہانے، تیراکی کرنے اور غیر ضروری طور پر آبی مقامات پر جمع ہونے سے منع کیا گیا۔

انفورسمنٹ آفیسر فیصل بھٹی نے مختلف مقامات پر موجود افراد کو بریفنگ دیتے ہوئے کہا کہ دفعہ 144 کی خلاف ورزی کی صورت میں قانونی کارروائی عمل میں لائی جا سکتی ہے، لہٰذا شہری ذمہ داری کا مظاہرہ کرتے ہوئے مقررہ پابندیوں کی پاسداری کریں۔ پیرافورس گجرات کی جانب سے نگرانی اور آگاہی مہم کا سلسلہ جاری رہے گا تاکہ عوامی تحفظ کو یقینی بنایا جا سکے ے

03/06/2026

ایس ڈی ای او پیرافورس گجرات جناب ہمایوں خالد وڑائچ کے احکامات کی روشنی میں انفورسمنٹ آفیسر فیصل بھٹی نے آج گجرات شہر کے مختلف دریاؤں اور نہروں پر کارروائی کرتے ہوئے دفعہ 144 کے نفاذ پر عملدرآمد یقینی بنایا۔

اس موقع پر نہروں اور دریاؤں میں نہانے اور غیر ضروری طور پر موجود افراد کو وہاں سے ہٹا دیا گیا جبکہ شہریوں کو حکومتی احکامات کے مطابق آبی گزرگاہوں کے قریب جانے سے گریز کرنے کی ہدایت کی گئی۔ انفورسمنٹ ٹیم نے عوام کو آگاہ کیا کہ یہ اقدامات انسانی جانوں کے تحفظ اور ممکنہ حادثات کی روک تھام کے لیے کیے جا رہے ہیں۔ شہریوں سے اپیل کی گئی کہ وہ دفعہ 144 اور انتظامیہ کی ہدایات پر عمل کرتے ہوئے اپنی اور دوسروں کی حفاظت کو یقینی بنائیں

02/06/2026

26/05/2026

ڈپٹی کمشنر نورالعیِن قریشی کی خصوصی ہدایات کی روشنی میں اسسٹنٹ کمشنر گجرات، اے ڈی سی آر گجرات اور پیرا فورس گجرات نے موضع سرخپور، ضلع گجرات میں مشترکہ کارروائی کرتے ہوئے تقریباً 1500 کنال سرکاری اراضی ناجائز قابضین سے واگزار کروا لی۔ کارروائی کے دوران انکشاف ہوا کہ ایک غیر موضعی چودھری مبینہ طور پر سرکاری زمین مختلف افراد کو فروخت کرتا رہا۔

انتظامیہ کی تحقیقات میں یہ بھی سامنے آیا کہ ایک غریب کسان نے تقریباً چھ سے سات ماہ قبل مذکورہ چودھری سے 40 لاکھ روپے میں زمین خریدی تھی۔ ضلعی انتظامیہ نے معاملے کا سخت نوٹس لیتے ہوئے چودھری کو متاثرہ کسان کی رقم فوری واپس کرنے کے احکامات جاری کر دیے۔

ضلعی انتظامیہ اور پیرا فورس گجرات کی جانب سے واضح کیا گیا ہے کہ سرکاری اراضی پر قبضہ مافیا کے خلاف بلاامتیاز کارروائیاں جاری رہیں گی اور قومی املاک کے تحفظ کو ہر صورت یقینی بنایا جائے گا