27/12/2025
وفاقی وزیر اوورسیز پاکستانیز چوہدری سالک حسین کی مؤثر کاوشوں سے پاکستانی ورکرز کے لیے یورپ کے دروازے کھل گئے۔ اٹلی کی جانب سے پاکستان کے لیے 10,500 نوکریوں کا کوٹہ مختص کیا جانا ایک تاریخی کامیابی ہے، جس کے تحت آئندہ تین سال تک ہر سال 3,500 پاکستانی سیزنل اور نان سیزنل بنیادوں پر اٹلی میں روزگار حاصل کریں گے۔
اوورسیز پاکستانی ملکی معیشت کی ریڑھ کی ہڈی اور دنیا میں پاکستان کے سفیر ہیں۔ طویل محنت کے بعد اٹلی میں پاکستانی ورک فورس کے لیے روزگار کے مواقع کھلنا یورپی لیبر مارکیٹ میں پاکستان کی مضبوط پیش قدمی ہے۔ حکومتِ پاکستان محنت کشوں کو عالمی سطح پر باعزت روزگار فراہم کرنے کے لیے پُرعزم ہے، اور جلد یورپ کے مزید ممالک بھی پاکستانی ورک فورس کے لیے کھلیں گے۔
