21/08/2026
مورخہ 17 اگست 2026 کو ڈاکٹر فیض علی شاہ ضلع ہیلتھ آفیسر نگر نے سول ڈسپنسری بر داس، اے کلاس ڈسپنسری بر خاص اور ایف اے پی بدلس چھلت نگر کا دورہ کیا۔
اس دوران عملے کی حاضری، صفائی ستھرائی، ای پی آئی، ادویات سٹور، اور طبی سہولیات کی فراہمی کا جائزہ لیا گیا۔
سی ڈی بر داس میں عملہ، ویکسینیٹرز اور ادویات دستیاب پائی گئیں، جبکہ صفائی ستھرائی اور ای پی آئی کی صورتحال تسلی بخش رہی۔
مرمت اور پینلنگ کا کام اطمینان بخش انداز میں جاری ہے۔
پانی کی فراہمی کا کام زیرِ تعمیر ہے۔
مقامی کمیونٹی کی جانب سے ایل ایچ وی کی تعیناتی اور 24 گھنٹے سروسز کی فراہمی کا مطالبہ کیا گیا، جس کی دستیاب وسائل کے اندر رہتے ہوئے قابلِ عمل ہونے کا جائزہ لیا جا رہا ہے۔
اے کلاس ڈسپنسری بار خاص میں ایک ایل ایچ وی کے میڈیکل لیو پر جانے کے علاوہ تمام عملہ موجود تھا۔ ای پی آئی، صفائی ستھرائی اور ادویات کی صورتحال تسلی بخش پائی گئی۔
آکسیجن کنسنٹریٹر، ایمبولینس کے لیے آکسیجن سلنڈر و ضروری لوازمات اور مطلوبہ جان بچانے والی ادویات فراہم کی جائیں گی۔
واش روم، لیبر روم کی چھت اور مرکزی گیٹ کی مرمت موجودہ بجٹ سے مکمل کی جائے گی۔ میڈیکل آفیسر کی رہائش گاہ کی بحالی کے لیے کیس محکمہ تعمیرات و مواصلات (C&W) کے ساتھ ڈسکس کیا جائے گا۔
ایف اے پی بدلاس میں عملے کی حاضری، صفائی ستھرائی، ای پی آئی اور ادویات کی صورتحال تسلی بخش پائی گئی، جبکہ مرمتی کام بھی اطمینان بخش انداز میں جاری ہے۔
متعدد پانی کے کنکشنز کے باعث پانی کی فراہمی کے مسئلے کو مقامی کمیونٹی کے معززین کے ساتھ رابطے کے ذریعے حل کیا جائے گا
مجموعی صورتحال تینوں مراکز فعال پائے گئے۔ فوری نوعیت کے مسائل کی نشاندہی کر کے ضروری اصلاحی اقدامات شروع کر دیے گئے ہیں، جبکہ ان اقدامات پر ڈی ایچ او آفس کی جانب سے مسلسل فالو اَپ کیا جائے گا۔
شکریہ۔
