01/03/2024
مبارک قاضی کتابجاه گنز ءَ ھوار، لوگ ءُ کمپان ھئور ءُ شرتگاں تاوان بار کُتگ انت..
28 ءُ 29 فروری ءِ ترندیں ھئورءَ گنزءِ آتراپاں گورتگ ءُ مھلوک ءِ مال ءُ مِلکت آں تاوان دیان ءَ دریا ءَ ایر رِتکگ۔
چارشمبے ءُ پشمبے ءِ گورتگیں ھئوراں پد سرجمیں میتگ آپ ءَ چکار بیتگ۔ ھر نیمگ ءَ ھار ءَ ملّ اِتگ، گوں ھمے ھارءِ ملّگ ءَ بازیں لوگ, دکان، کپّان پُرشتگ اَنت ءُ زمین ءِ میار بیتگاں۔ دلوت مُرتگ اَنت ، راہ ءُ دَگ پُرشت ءُ پروش ءِ آماچ بیتگاں۔
آپ ءَ مبارک قاضی کتابجاہ ءَ ھم سر کشتگ ءُ کتاب ءُ فرنیچر گھینتگ ءُ ھراب کتگ اَنت۔
گنز انسٹیٹیوٹ آف سوشل سروسز (گِس) ءِ کارندہ گوں گنز ءِ دگہ ورناھانی ھواری ءَ کمکی کارانی دزجنی ءَ ایر کپ انت۔ ھار ءِ دیما آوکیں لوگ آں چہ گیشتر تاوان ءَ رکینگ ئے جھد کتگ۔
3 روچ گوزگءَ پد ھم سرکاری گل ءُ واکدار گنز ءَ سر نہ بیتگ اَنت ءُ ھِچ وڈیں کمکی گامگیج آنی بھر نہ بیتگ اَنت۔
