01/08/2026
عوام الناس کے نام اہم آگاہی پیغام
مون سون بارشوں کے دوران رود کوہی علاقوں میں اچانک سیلابی ریلے کسی بھی وقت آ سکتے ہیں۔ ضلع انتظامیہ ڈیرہ اسماعیل خان تمام شہریوں سے اپیل کرتی ہے کہ اپنی اور اپنے اہلِ خانہ کی حفاظت کو اولین ترجیح دیں۔
براہِ کرم درج ذیل احتیاطی تدابیر پر عمل کریں:
• بارش کے دوران یا اس کے فوراً بعد نالوں، رود کوہی گزرگاہوں اور سیلابی راستوں کے قریب جانے سے گریز کریں۔
• اگر پانی کا بہاؤ تیز ہو تو ہرگز اسے عبور کرنے کی کوشش نہ کریں۔
• کسی بھی ہنگامی صورتحال میں فوری طور پر محفوظ اور بلند مقام پر منتقل ہو جائیں۔
• بچوں کو اکیلا نہ چھوڑیں اور ان پر خصوصی نظر رکھیں۔
• افواہوں پر یقین نہ کریں، صرف ضلعی انتظامیہ اور متعلقہ اداروں کی جاری کردہ ہدایات پر عمل کریں۔
• کسی بھی ایمرجنسی کی صورت میں فوراً ریسکیو 1122 یا ڈی سی کنٹرول روم سے رابطہ کریں۔
آپ کی ایک احتیاط قیمتی جانوں کو محفوظ بنا سکتی ہے۔
ضلعی انتظامیہ ڈیرہ اسماعیل خان
عوام کی جان و مال کا تحفظ ہماری اولین ترجیح ہے۔
