30/05/2026
عیدالاضحیٰ کے چوتھے دن ٹی ایم او ڈگر جناب ظہور احمد صاحب نے تحصیل ڈگر کے مختلف علاقوں کا دورہ کیا اور جاری صفائی ستھرائی کے انتظامات کا تفصیلی جائزہ لیا۔ اس موقع پر انہوں نے مختلف مقامات پر صفائی کی صورتحال، آلائشوں کی بروقت منتقلی اور عملے کی کارکردگی کا معائنہ کیا۔
دورے کے دوران ٹی ایم او ڈگر نے عیدالاضحیٰ کے ایام میں دن رات خدمات سرانجام دینے والے صفائی عملے اور دیگر سٹاف ممبران کی کاوشوں کو سراہا اور سخت ڈیوٹی انجام دینے پر انہیں خراجِ تحسین پیش کیا۔
انہوں نے اس عزم کا اظہار کیا کہ عوام کو صاف ستھرا اور صحت مند ماحول فراہم کرنے کیلئے ٹی ایم اے ڈگر اپنی خدمات اسی جذبے اور ذمہ داری کے ساتھ جاری رکھے گی۔