02/07/2026
لاسپور کے غضنفر علی شاہ نے ڈاؤ یونیورسٹی سے بی ایس نرسنگ میں گولڈ میڈل حاصل کر لیا
چترال (نمائندہ خصوصی چترال ٹائمز)اپر چترال کے خوبصورت علاقے لاسپور سے تعلق رکھنے والے ہونہار نوجوان غضنفر علی شاہ نے کراچی کی معروف ڈاؤ یونیورسٹی آف ہیلتھ سائنسز سے بیچلر آف سائنس اِن نرسنگ (BS Nursing) میں نمایاں کامیابی حاصل کرتے ہوئے گولڈ میڈل اپنے نام کر لیا۔
غضنفر علی شاہ، سور لاسپور کے رہائشی اور ریٹائرڈ لیفٹیننٹ غلام علی شاہ کے بڑے صاحبزادے ہیں۔ انہوں نے اپنی غیر معمولی محنت، لگن اور علمی قابلیت کے بل پر یہ اعزاز حاصل کیا، جس پر ان کے اہلِ خانہ، اساتذہ اور علاقے کے عوام نے خوشی اور فخر کا اظہار کیا ہے۔
تعلیمی و سماجی حلقوں کا کہنا ہے کہ غضنفر علی شاہ کی یہ کامیابی اس بات کا ثبوت ہے کہ چترال کے نوجوان، اگر انہیں مناسب مواقع میسر ہوں، تو قومی سطح پر نمایاں مقام حاصل کر سکتے ہیں۔ ان کی یہ کامیابی نہ صرف ان کے خاندان بلکہ پورے۔ لاسپور اور ضلع اپر چترال کے لیے باعثِ اعزاز ہے۔ ز
