DPP Charsadda

17/03/2026

10/03/2026

آج ڈسٹرکٹ پبلک پراسیکیوٹر جناب سنگین شاہ صاحب کی زیر صدارت پراسیکیوشن ہیڈ کانسٹیبلان کا ایک اہم اجلاس منعقد ہوا۔ اجلاس میں پراسیکیوشن کے امور کو مزید مؤثر اور منظم بنانے کے حوالے سے مختلف ہدایات جاری کی گئیں۔

جناب سنگین شاہ صاحب، ڈسٹرکٹ پبلک پراسیکیوٹر چارسدہ نے پراسیکیوشن ہیڈ کانسٹیبلان کو ہدایت کی کہ وہ کیس فائلوں کی باقاعدہ دیکھ بھال اور ریکارڈ کی درست نگہداشت کو یقینی بنائیں، گواہان کی بروقت عدالت میں حاضری کو ممکن بنائیں، گواہان کے ساتھ مؤثر رابطہ برقرار رکھیں، اور متعلقہ پبلک پراسیکیوٹرز کو پراسیکیوشن کے فرائض کی انجام دہی میں مکمل معاونت فراہم کریں۔

انہوں نے مزید ہدایت کی کہ ان ذمہ داریوں کی ادائیگی کا مقصد پراسیکیوشن کے نظام کو مؤثر، منظم اور تیز تر بنانا ہے تاکہ منصفانہ ٹرائل کو یقینی بنایا جا سکے۔ اس کے ساتھ ساتھ پولیس اور پراسیکیوشن کے درمیان مؤثر رابطہ اور تعاون کو مضبوط بنایا جائے اور عدالتوں کی مؤثر معاونت کے ذریعے ضلع چارسدہ کے عوام کو بروقت اور منصفانہ انصاف کی فراہمی ممکن بنائی جا سکے۔

28/02/2026

ملزم کو پھانسی کی سزا

جناب سنگین شاہ، ڈسٹرکٹ پبلک پراسیکیوٹر چارسدہ کی زیرِ نگرانی، محترم سمین احمد، ڈپٹی پبلک پراسیکیوٹر نے ملزم صاحبزادہ کے خلاف مقدمہ کامیابی سے ثابت کرتے ہوئے سزائے موت حاصل کی۔

ملزم صاحبزادہ کے خلاف مقدمہ ایف آئی آر نمبر59 زیر دفعہ 302پی پی سی، تھانہ بٹگرام درج تھا۔

عدالت نے ملزم کو جرم ثابت ہونے پر سزائے موت سنائی اور 5 لاکھ روپے جرمانہ بھی عائد کیا۔

یہ مقدمہ پراسیکیوشن کی موثر پیروی اور پولیس کی مؤثر تفتیش کے نتیجے میں منطقی انجام تک پہنچا۔

ڈی پی پی سنگین شاہ صاحب اور پراسیکیوشن ٹیم چارسدہ کے عوام کو انصاف کی فراہمی کے عزم کے ساتھ اپنی کوششیں جاری رکھیں گے۔

25/02/2026

انصاف کی بالا دستی قائم کرتے ہوئے،زیرِ نگرانی جناب سنگین شاہ ڈسٹرکٹ پبلک پراسیکیوٹر چارسدہ،
سینئر پبلک پراسیکیوٹر بختیار خان نے مقدمہ FIR نمبر 568 زیر دفعہ 302 تعزیراتِ پاکستان تھانہ تنگی, میں کامیاب پیروی کرتے ہوئےملزم محمد گل کو عمر قید اور دو لاکھ روپے جرمانہ کی سزا دلوائی۔

یہ فیصلہ قانون کی حکمرانی، عوامی تحفظ اور متاثرین کو انصاف کی فراہمی کی روشن مثال ہے۔

ڈسٹرکٹ پبلک پراسیکیوٹر آفس چارسدہ اس عزم کا اعادہ کرتا ہے کہ وہ ہر مقدمہ میں حق اور انصاف کی سربلندی کے لیے اپنی قانونی جدوجہد پوری دیانت، جرات اور پیشہ ورانہ مہارت کے ساتھ جاری رکھے گا۔

19/02/2026

آج محترم سنگین شاہ صاحب نے ڈی پی پی آفس میں ایک اہم اجلاس کی صدارت کی۔ اجلاس میں ڈی ایس پی انویسٹیگیشن، ڈی ایس پی سرکل شبقدر، ایس ایچ اوز اور سی آئی اوز تھانہ بٹگرام، سروکلی، خواجہ وس اور شبقدر نے شرکت کی۔
میٹنگ کے دوران ڈی پی پی صاحب نے کراس ورژن کیسز، جنڈر بیسڈ وائلنس کیسز اور منشیات کیسز پر تفصیلی بحث کی۔ انہوں نے تفتیشی افسران کو ہدایت کی کہ وہ مقدمات کی بروقت، شفاف اور میرٹ پر مبنی تفتیش کو یقینی بنائیں تاکہ عدالتوں میں مضبوط چالان پیش کیے جا سکیں۔
ڈی پی پی صاحب نے مؤثر انویسٹیگیشن، شواہد کے درست تجزیے اور پبلک جسٹس کی بروقت فراہمی پر خصوصی زور دیا، اور اس عزم کا اظہار کیا کہ قانون کی حکمرانی اور عوام کو انصاف کی فراہمی کے لیے تمام وسائل بروئے کار لائے جائیں گے۔

13/02/2026

آج دفتر ڈسٹرکٹ پبلک پراسیکیوٹر (DPP) چارسدہ میں ایک اہم اجلاس منعقد ہوا جس میں جناب سنگین شاہ ڈسٹرکٹ پبلک پراسیکیوٹر ،جناب وقاص خان ڈسٹرکٹ پولیس آفیسر ضلع چارسدہ، ڈی ایس پی سرڈھیری سرکل، ایس ایچ او تھانہ سرڈھیری، ایس ایچ او تھانہ نِستہ، اور تھانہ سرڈھیری، نِستہ اور خانمئی کے سی آئی اوز نے شرکت کی۔ اجلاس میں باہمی تعاون اور قانون کی بالادستی کو یقینی بنانے کے حوالے سے تفصیلی گفتگو کی گئی۔

اجلاس کے دوران محترم ڈی پی پی اور ڈی پی او صاحب نے پولیس افسران کو ہدایت کی کہ وہ اپنی ذمہ داریاں پوری دیانتداری اور پیشہ ورانہ انداز میں سرانجام دیں، مقدمات کی تفتیش میں مکمل احتیاط برتیں، اور چالان بروقت عدالتوں میں جمع کروائیں۔ ضلع چارسدہ میں امن و امان کی صورتحال کو مزید بہتر بنانے کے لیے مربوط اور مؤثر اقدامات پر زور دیا گیا۔

خصوصی طور پر صنفی تشدد (Gender-Based Violence)، منشیات کے مقدمات، قتل اور دیگر سنگین جرائم کے کیسز پر خصوصی توجہ دینے کی ہدایت کی گئی۔ اجلاس میں اس عزم کا اعادہ کیا گیا کہ پولیس اور پراسیکیوشن باہمی تعاون کے ساتھ ضلع چارسدہ کے عوام کی فلاح و بہبود اور انصاف کی فراہمی کے لیے اپنی مشترکہ کوششیں جاری رکھیں گے۔
مزید برآں،محترم ڈی پی او صاحب اور پولیس افسران نے محمد آیاز صاحب کو گریڈ 19 میں بطور سینئر پبلک پراسیکیوٹر ترقی ملنے پر مبارکباد پیش کی اور ان کے لیے نیک خواہشات کا اظہار کیا۔

10/02/2026

آج محترم سنگین شاہ صاحب، ڈسٹرکٹ پبلک پراسیکیوٹر چارسدہ نے محنتی اور باصلاحیت پراسیکیوشن آفیسر محمد ایاز، پبلک پراسیکیوٹر کو ان کی BPS-19 میں ترقی کے موقع پر ایک یادگاری تحفہ پیش کیا۔

اس موقع پر ڈی پی پی صاحب نے محمد ایاز محمد آیاز صاحب کی پیشہ ورانہ خدمات، محنت اور محکمہ کے لیے ان کی قیمتی کاوشوں کو سراہا اور ان کے روشن مستقبل کے لیے نیک تمناؤں کا اظہار کیا۔
ہم دعا گو ہیں کہ وہ آئندہ بھی اسی جذبے اور لگن کے ساتھ محکمۂ پراسیکیوشن اور عوام کی خدمت کرتے رہیں۔

06/02/2026

آج ڈسٹرکٹ پبلک پراسیکیوٹر آفس چارسدہ کی جانب سے جناب سنگین شاہ ڈسٹرکٹ پبلک پراسیکیوٹر چارسدہ کی سرپرستی میں ضلع چارسدہ کے پولیس افسران کے لیے ایک خصوصی ٹریننگ سیشن کا انعقاد کیا گیا۔ جس میں ڈی ایس پی سرکل چارسدہ کے ہمراہ ایس ایچ او پولیس اسٹیشن پڑانگ، سی آئی او پولیس اسٹیشن ن، پڑانگ، ترناب اور سٹی نے شرکت کی۔

سیشن میں صنفی بنیاد پر تشدد (Gender-Based Violence) کے مقدمات پر تفصیلی بریفنگ دی گئی، جس میں بالخصوص اینٹی ریپ ایکٹ 2021 اور اینٹی ریپ انویسٹیگیشن رولز 2022 پر جامع گفتگو کی گئی۔ شرکاء کو اینٹی ریپ مقدمات کے اندراج کے طریقۂ کار، متاثرہ فریق کی شناخت کے تحفظ اور ریپ کیسز میں شواہد کے مؤثر و قانونی حصول کے حوالے سے باقاعدہ تربیت فراہم کی گئی۔

اس سیشن کا مقصد پولیس افسران کو اینٹی ریپ مقدمات کی پیشہ ورانہ اندراج اور تفتیش کے حوالے سے حساس بنانا اور قانون کے مطابق معیاری و مؤثر تفتیش کو یقینی بنانا تھا۔

ڈسٹرکٹ پبلک پراسیکیوٹر آفسچارسدہ قانون کی بالادستی، انصاف کی فراہمی اور متاثرین کے حقوق کے تحفظ کے لیے پولیس کے ساتھ باہمی تعاون کے تحت ایسے تربیتی اقدامات جاری رکھے گا۔

31/01/2026

ضلع چارسدہ میں قانون کی بالادستی اور بہتر تفتیشی نظام کے فروغ کے لیے ایک اہم اجلاس منعقد ہوا جس کی صدارت ڈسٹرکٹ پبلک پراسیکیوٹر چارسدہ جناب سنگین شاہ نے، ڈی پی او چارسدہ اور ایس پی انویسٹیگیشن چارسدہ کے ہمراہ کی۔ اجلاس میں ضلع بھر کے تمام ڈی ایس پیز، ایس ایچ اوز، سی آئی اوز اور محرران نے شرکت کی۔

اجلاس کے دوران جناب سنگین شاہ نے تفتیش کے دوران درپیش مسائل اور ان کے مؤثر حل کے حوالے سے جامع اور تفصیلی بریفنگ دی۔ انہوں نے پولیس افسران کو ہائی کورٹ کے حالیہ فیصلوں اور پولیس کے لیے جاری کردہ قانونی ہدایات سے بھی مکمل طور پر آگاہ کیا۔

ڈسٹرکٹ پبلک پراسیکیوٹر نے واضح ہدایت جاری کی کہ تمام ایس ایچ اوز شکایت کنندہ کے بیان کے مطابق ایف آئی آر درج کریں گے۔ ایف آئی آر کے اندراج میں کسی قسم کی بلاجواز رد و بدل یا انکار کی صورت میں متعلقہ ایس ایچ او کے خلاف محکمانہ اور فوجداری کارروائی عمل میں لائی جائے گی۔ اجلاس میں اس امر پر بھی زور دیا گیا کہ دورانِ تفتیش کسی قسم کا تشدد ہرگز برداشت نہیں کیا جائے گا۔

مزید ہدایت دی گئی کہ تمام دستاویزات اور بیانات کو درست اور مکمل طریقے سے ریکارڈ کیا جائے، جبکہ جھوٹے مقدمات درج کروانے والے شکایت کنندگان کے خلاف بھی قانونی کارروائی کی جائے گی۔ فرانزک شواہد کو بروقت اور صحیح طریقے سے اکٹھا کرنے پر بھی خصوصی زور دیا گیا۔

یہ تمام ہدایات عوامی مفاد، شفاف تفتیش اور قانون کی حکمرانی کو یقینی بنانے کے لیے جاری کی گئیں۔

22/01/2026

آج ڈسٹرکٹ پبلک پراسیکیوٹر، چارسدہ کی زیرِ صدارت سرکل شبقدر کے حوالے سے ایک اہم اجلاس منعقد ہوا، جس میں پراسیکیوشن افسران، DSPشبقدر، DSP انویسٹیگیشن، SHO اور CiOs پولیس اسٹیشن شبقدر، بٹگرام، خواجہ وس اور سرو کلی نے شرکت کی۔
اجلاس میں ایف آئی آر کے اندراج اور تفتیش کے عمل کو قانون کے مطابق، عوامی مفاد اور انصاف کے تقاضوں کے تحت یقینی بنانے پر تفصیلی گفتگو کی گئی۔ بالخصوص منشیات اور قتل کے مقدمات میں خصوصی احتیاط، شفافیت اور قانونی تقاضوں پر سختی سے عملدرآمد پر زور دیا گیا۔

اس موقع پر اس بات پر بھی زور دیا گیا کہ پولیس اسٹیشنز اور Hospitals کیژولٹی میں تعلیم یافتہ اور قابل پولیس افسران کی تعیناتی یقینی بنائی جائے، جبکہ شواہد کے درست، بروقت اور قانونی طریقے سے حصول اور فارنزک شواہد کے مؤثر استعمال کو لازمی بنایا جائے۔

اجلاس کے دورانDSPs ، SHOs اور تفتیشی افسران نے عدالتی ہدایات اور قانونی تقاضوں پر سختی سے عملدرآمد کی یقین دہانی کرائی۔

قانون کی بالادستی، انصاف کی فراہمی اور عوام کے اعتماد کا تحفظ ہماری اولین ترجیح ہے۔

09/01/2026

ڈسٹرکٹ پبلک پراسیکیوٹر جناب سنگین شاہ صاحب

آج رات 08:00 بجے
FM 93📻 ریڈیو دلبیر پر نیوز راؤنڈ اَپ میں شریک ہوں گے۔
اس پروگرام میں پراسیکیوشن کے نظام اور پراسیکیوٹرز کی ذمہ داریوں و فرائض پر تفصیلی گفتگو کی جائے گی۔

🔊 FM 93 ریڈیو دلبیر
🕗 آج، رات 08 بجے