District Monitoring Officer RTS Commission Malakand

07/04/2026

06/04/2026

پریس ریلیز رائٹ ٹو پبلک سروسز
کمیشن حکومت خیبر پختونخوا
06/04/2026

خدمات تک رسائی کمیشن میں پانچ شہریوں کے شکایات کے شنوائی

بھائی ٹیکسلا سے لاپتہ ہے، مردان کی شہری کی شکایت، ڈی پی او مردان سے رپورٹ طلب

رائٹ ٹو پبلک سروسز کمیشن میں پانچ عوامی شکایات کی شنوائی ہوئی۔ چیف کمشنر محمد علی شہزادہ اور کمشنر ذاکر حسین آفریدی نے شہریوں کے درخواستوں پر سماعت کی۔ مردان سے جاسم خان نے کمیشن کو بتایا کہ انکا بھائی ٹیکسلا سے لاپتہ ہے۔ پولیس نے رپورٹ درج کر لی ہے، سی ڈی آر بھی نکال چکے ہیں۔ کمیشن نے ڈی پی او مردان سے واقعے کی رپورٹ طلب کرلی۔ کوہاٹ سے قیصر حیات نے والدہ کی جائیداد میں حصے کے لیے کمیشن کو درخواست دی تھی۔ کمیشن نے شہری کو سننے کے بعد کمیشن نے شکایت کو صوبائی محتسب کو بھجوائی کی ہدایت دی، مذکورہ شکایت انکے قانونی اختیار میں آتی ہے۔ جنوبی وزیرستان سے شاہد نور نے پولیس ویری فیکیشن کے لیے کمیشن سے رجوع کیا تھا۔ ڈی پی او نے کمیشن کو لکھا کہ کمیشن کے احکامات پر ویری فکیشن ہو چکی ہے۔ شہری نے تصدیق کر دی۔ سروس مہیا ہونے پر کیس کو بند کر دیا گیا۔ بونیر سے محمد تاج نے ایف آئی آر کے اندراج کے لیے کمیشن کو درخواست دی تھی۔ ڈی پی او نے کمیشن کو لکھا کہ مذکورہ شکایت پیسوں کے لین دین کا ہے اور سیول کیس ہے، ایف آئی آر نہیں بنتی۔ کمیشن نے ڈی پی او کے رپورٹ سے اتفاق کرتے ہوئے شہری کو عدالت سے رجوع کرنے کا مشورہ دیا۔ نوشہرہ سے شاہ فہد نے ایف آئی آر کے اندراج کے لیے کمیشن سے رجوع کیا تھا۔ ڈی پی او نے کمیشن کو لکھا کہ مذکورہ شکایت 22- اے میں عدالت نے خارج کر دی ہے۔ کمیشن نے عدالتی فیصلے کے خلاف شہری کو ہائی کورٹ سے رجوع کرنے کا مشورہ دیا۔
کمیشن نے سرکاری افسران کو عوام کی ضروریات کو مؤثر طریقے سے پورا کرنے اور خدمات کی فراہمی کے عمل کو بہتر بنانے پر زور دیا۔ بنیادی خدمات کا حصول عوام کا حق ہے نا کہ
ان پر حکومت کا احسان۔

Right To Public Services Commission, Govt. of Khyber Pakhtunkhwa

02/04/2026

The monthly review meeting of the Right to Public Services Commission was held under the chairmanship of Chief Commissioner Muhammad Ali Shahzada, with Commissioner Zakir Hussain Afridi also in attendance.
Headquarter staff participated physically, while District Monitoring Officers joined online from their respective districts. During the meeting, the monthly progress was reviewed in detail, and key decisions were taken to further accelerate public awareness initiatives and strengthen the process of digital integration for improved service delivery.
The leadership emphasized enhanced coordination, efficient monitoring, and citizen-centric reforms to ensure timely and transparent public services across the province.

01/04/2026

01/04/2026

01/04/2026

پریس ریلیز رائٹ ٹو پبلک سروسز
کمیشن حکومت خیبر پختونخوا
30/03/2026

عوامی خدمات کی فراہمی میں تاخیر، ڈی پی او چارسدہ اور سپریڈنٹ انجینئر ایبٹ آباد کو شوکاز نوٹس جاری

آر ٹی ایس کمیشن میں چودہ شہریوں کے شکایات کی شنوائی، مس خالدہ کا ایف آئی آر درج

رائٹ ٹو پبلک سروسز کمیشن میں چودہ عوامی شکایات کی شنوائی ہوئی۔ چیف کمشنر محمد علی شہزادہ اور کمشنر ذاکر حسین آفریدی نے شہریوں کے درخواستوں پر سماعت کی۔ مس مہناز نے چارسدہ سے ایف آئی آر کے اندراج کے لیے کمیشن کو درخواست دی تھی۔ مقررہ وقت میں ڈی پی او کے جانب سے جواب موصول نہ ہونے کی وجہ سے شوکاز نوٹس جاری کیا گیا۔ چارسدہ سے ولید خان نے ڈرائیونگ لائسنس کی فراہمی کے لیے کمیشن کو درخواست دی تھی۔ شہری کو ڈرائیونگ لائسنس مل گیا۔ مقررہ وقت میں تاخیر کے باعث کمیشن نے سیکٹری ٹرانسپورٹ کو لائسنس کے اجراء کے پورے عمل کو تیز کرنے اور ڈائریکٹر کو ذمہ دار آفیسر کا تعین کرنے کے احکامات جاری کیے۔ ایبٹ آباد سے سردار گلریز نے پینے کی صاف پانی کی کنکشن کے لیے کمیشن سے رجوع کیا تھا۔ تاخیر پر سپریڈنٹ انجینئر پبلک ہیلتھ انجینئرنگ ایبٹ آباد کو شوکاز نوٹس جاری کیا گیا۔ وزیر گل خٹک نے نوشہرہ سے زمین کی حد براری کے لیے درخواست دی ہے۔ کمیشن نے شہری کو تمام ریوینیو ریکارڈ پیش کرنے کی ہدایت کی۔ سوات سے خالدہ نامی خاتون نے ایف آئی آر کے اندراج کے لیے کمیشن کو درخواست دی تھی۔ ڈی پی او نے ایف آئی آر درج کر کے کاپی کمیشن کو جمع کروائی۔ غلام رسول نامی شہری نے جنوبی وزیرستان سے پولیس ویری فکیشن کے لیے کمیشن کو درخواست دی تھی، تاہم پولیس کوئی جواب نہ دے سکے۔ کمیشن نے آر پی او کو یاد دہانی نوٹس جاری کر دیا۔ پاگول خان نے بٹگرام سے زمین کی حد براری کے لیے کمیشن کو درخواست دی تھی۔ ڈی سی نے رپورٹ جمع کروائی جس سے شہری مطمئن نہیں ہوا، کمیشن نے ڈی سی کو شہری کو بذاتِ خود سن کر مسئلہ حل کرنے کے احکامات دیئے۔ لکی مروت سے ناز علی کی ایف آئی آر کے اندراج کے درخواست پر سماعت کرتے ہوئے کمیشن نے ڈی پی او کو شہری کو بذاتِ خود سننے کے احکامات دئیے۔ بنوں سے افراز خان کی وراثتی انتقالات کے اندراج کے درخواست پر کمیشن نے ڈی سی کو شہری کو سننے اور تاخیر کے وجوہات بیان کرنے کے احکامات جاری کیے۔ مانسہرہ سے سکینہ بی بی کی شکایت پر پولیس نے کمیشن کو جواب جمع کروایا، کمیشن نے ڈی پی او کو شہری کو بذاتِ خود سننے کے ہدایت دی،آر ٹی ایس قانون کے مطابق اپیلیٹ اتھارٹی کو ہی شکایت کنندہ کا مننا چاہیے۔ چارسدہ سے نعیم اللہ اور ہری پور سے محمد شعیب نے اسلحہ لائسنس کے اجراء کے لیے کمیشن کو درخواست دی تھی۔ کمیشن نے سیکٹری ہوم ڈیپارٹمنٹ کو لائسنس جاری کرنے کے لیے یاد دہانی نوٹس جاری کئے۔ ہری پور سے طارق محمود نامی شہری کی درخواست کی جواب میں ڈی سی نے کمیشن کو لکھا کہ شہری ملک سے باہر ہے اور متعلقہ ریکارڈ فراہم نہیں کیا گیا ہے۔ کمیشن نے شہری کو ہدایت جاری کہ جب ملک واپس آئے تو کیس کو اگے بڑھائے۔ ہری پور سے عابد خان کی ایف آئی آر درج کرنے کی شکایت پر ڈسٹرکٹ مانیٹرنگ آفیسر آر ٹی ایس کمیشن نے شہری اور ڈی پی او کی ملاقات کروائی۔ کمیشن نے ڈی پی او سے ملاقات کی رپورٹ طلب کرلی۔
کمیشن نے سرکاری افسران کو عوام کی ضروریات کو مؤثر طریقے سے پورا کرنے اور خدمات کی فراہمی کے عمل کو بہتر بنانے پر زور دیا۔ بنیادی خدمات کا حصول عوام کا حق ہے نا کہ ان پر حکومت کا احسان۔

27/03/2026

وزیر اعلیٰ خیبرپختونخوا محمد سہیل خان آفریدی کے زیرِ صدارت رائٹ ٹو سروسز کمیشن کا اجلاس، خدمات کی بروقت فراہمی یقینی بنانے کے لیے اہم فیصلے

اوزیر اعلیٰ کی رائٹ ٹو سروسز اور رائٹ ٹو انفارمیشن کمشنز کو مزید مؤثر اور فعال بنانے کی ہدایت

رائٹ ٹو سروسز کمیشن کا متعلقہ محکموں کے ساتھ ادارہ جاتی انضمام ناگزیر قرار

وزیر اعلیٰ کی اس مقصد کے لیے کمیشن کی ڈیجیٹائزیشن جلد از جلد مکمل کرنے کی ہدایت

شہریوں کو کمیشن کے تحت دستیاب خدمات سے باخبر رکھنے کے لیے بھرپور آگاہی مہم چلانے کی بھی ہدایت

خدمات فراہمی میں تاخیر ناقابلِ برداشت، مقررہ میں تاخیر سنگین جرم تصور کیا جائے،

انتظامی رکاوٹیں ختم کر کے شکایات پر فوری عملدرآمد یقینی بنایا جائے، اجلاس میں کمیشن کو مضبوط بنانے کے لیے مجوزہ اقدامات کمشنرز کی تعیناتی کا فیصلہ

بریفنگ:

کمیشن کے تحت 14 محکموں کی 80 خدمات نوٹیفائیڈ ہیں، 15 محکموں کی مزید 89 خدمات شامل کی جا رہی ہیں،

وزیر اعلیٰ کی خصوصی ہدایت پر پبلک فیڈبیک فیچر متعارف کرا دیا گیا ہے،

کمیشن دستک پلیٹ فارم سے منسلک ہے جبکہ موبائل ایپلیکیشن بھی لانچ کر دی گئی،

ای میل، فون کال اور واٹس ایپ کے ذریعے بھی شکایات اندراج کی سہولت دستیاب ہوگی،

سال 2025 میں 742 شکایات کا ازالہ، گزشتہ سال 2024 کے مقابلے میں ڈیڑھ سو فیصد اضافہ،

پبلک آؤٹ ریچ 2024 کے 69,100 سے بڑھ کر 2025 میں 478,054 تک پہنچ گئی،

خدمات میں تاخیر پر آٹھ مختلف محکموں کے خلاف کارروائی عمل میں لائی گئی،

27/03/2026

Right To Public Services Commission, Govt. of Khyber Pakhtunkhwa