Deputy Commissioner Bannu

Deputy Commissioner Bannu Official page of Deputy Commissioner Bannu , Government Khyber Pakhtunkhwa.
(532)

عابد علی نائب تحصیلدار (پی سی ایس) کو ضلع بنوں میں سرکاری امور کی احسن انداز میں انجام دہی، ریونیو معاملات میں نمایاں کا...
03/06/2026

عابد علی نائب تحصیلدار (پی سی ایس) کو ضلع بنوں میں سرکاری امور کی احسن انداز میں انجام دہی، ریونیو معاملات میں نمایاں کارکردگی اور عوامی خدمت کے جذبے کے اعتراف میں ڈپٹی کمشنر بنوں نے تعریفی سرٹیفیکیٹ دیا اس موقع پر ایڈیشنل اسسٹنٹ کمشنر ریونیو محمد عمیر اعوان بھی موجود ہے۔

بنوں بزنس ڈیجیٹل پلیٹ فارمضلع بنوں کے نوجوان کاروباری افراد اور مقامی مصنوعات کو قومی سطح پر متعارف کروانے کے لیے ضلعی ا...
03/06/2026

بنوں بزنس ڈیجیٹل پلیٹ فارم

ضلع بنوں کے نوجوان کاروباری افراد اور مقامی مصنوعات کو قومی سطح پر متعارف کروانے کے لیے ضلعی انتظامیہ بنوں ایک جامع ڈیجیٹل پلیٹ فارم متعارف کروا رہی ہے، جس میں ویب سائٹ, موبائل ایپ و دیگر تمام سوشل میڈیا ایپس شامل ہوں گے۔

اس پلیٹ فارم کے ذریعے بنوں کا مقامی کاروبار، مصنوعات اور خدمات کو پاکستان بھر میں آن لائن رسائی فراہم کی جائے گی جبکہ ضلعی انتظامیہ بنوں کے سوشل میڈیا پلیٹ فارمز پر بھی نوجوان کاروباری افراد کی مصنوعات اور خدمات کو نمایاں تشہیر دی جائے گی۔

اس منصوبے کے حوالے سے تمام کاروباری نوجوانوں، سٹارٹ اپس، ہنرمند افراد اور تاجران کو مشاورتی اجلاس میں شرکت کی دعوت دی جاتی ہے۔

تاریخ: 4 جون 2026
وقت: صبح 10:00 بجے
مقام: کانفرنس روم، دفتر ڈپٹی کمشنر بنوں

آئیں، مل کر بنوں کے کاروبار کو ڈیجیٹل پاکستان سے جوڑیں۔

تیز آندھی اور طوفانی بارش کے نتیجے میں دیواریں اور چھتیں گرنے کے واقعات ، اب تک 23 افراد ہسپتال لائے گئے ہیں جنہیں فوری...
02/06/2026

تیز آندھی اور طوفانی بارش کے نتیجے میں دیواریں اور چھتیں گرنے کے واقعات ، اب تک 23 افراد ہسپتال لائے گئے ہیں جنہیں فوری طبی سہولیات فراہم کی گئی ۔

اسسٹنٹ کمشنر ہیڈکوارٹر اللہ نواز خان نے ہسپتال انتظامیہ کیساتھ ڈی ایچ کیو ہسپتال کا دورہ کیا اور مریضوں کی عیادت کی۔

صورتحال کے پیش نظر ایم ٹی آئی بنوں انتظامیہ نے فوری طور پر ایمرجنسی نافذ کرتے ہوئے اضافی طبی، نرسنگ، پیرامیڈیکل اور معاون عملہ تعینات کر دیا تاکہ متاثرہ افراد کو بروقت طبی امداد کی فراہمی یقینی بنائی جا سکے۔

بنوں وومن اینڈ چلڈرن ہسپتال میں خسرہ کے مریضوں میں اضافے کے پیشِ نظر ایڈیشنل ڈپٹی کمشنر بنوں عمر خطاب خان کی زیرِ صدارت ...
31/05/2026

بنوں وومن اینڈ چلڈرن ہسپتال میں خسرہ کے مریضوں میں اضافے کے پیشِ نظر ایڈیشنل ڈپٹی کمشنر بنوں عمر خطاب خان کی زیرِ صدارت ایک اہم اجلاس منعقد ہوا جس میں محکمہ صحت سمیت تمام متعلقہ افسران نے شرکت کی۔

اجلاس میں خسرہ کی بڑھتی ہوئی صورتحال کا تفصیلی جائزہ لیا گیا اور اس وبائی مرض کی روک تھام کے لیے مؤثر اقدامات پر غور کیا گیا۔ خسرہ ایک انتہائی متعدی وائرل بیماری ہے جس کی اہم علامات میں تیز بخار، خشک کھانسی، ناک بہنا، آنکھوں کا سرخ ہونا اور چہرے سے شروع ہو کر پورے جسم پر سرخ دانوں کا نمودار ہونا شامل ہے۔ اس بیماری سے بچاؤ کے لیے ایم ایم آر (MMR) ویکسین نہایت مؤثر اور محفوظ ہے۔

اجلاس میں تمام ہسپتالوں بالخصوص وومن اینڈ چلڈرن ہسپتال بنوں میں خسرہ سے متاثرہ بچوں کے لیے خصوصی وارڈ قائم کرنے کی ہدایت جاری کی گئی تاکہ متاثرہ بچوں کو علیحدہ طبی سہولیات فراہم کی جا سکیں اور دیگر بچوں کو اس بیماری سے محفوظ رکھا جا سکے۔

مزید برآں عوام میں آگاہی مہم تیز کرنے والدین کو بچوں کی بروقت ویکسینیشن یقینی بنانے اور ہسپتالوں میں علاج و معالجے کی بہتر سہولیات فراہم کرنے پر بھی زور دیا گیا۔

ضلعی انتظامیہ بنوں نے شہریوں سے اپیل کی ہے کہ وہ خسرہ کی علامات ظاہر ہونے کی صورت میں فوری طور پر قریبی ہسپتال یا مرکزِ صحت سے رجوع کریں اور اپنے بچوں کی حفاظتی ویکسینیشن ہر صورت مکمل کروائیں تاکہ ایک صحت مند اور محفوظ معاشرہ تشکیل دیا جا سکے۔

31/05/2026

عمران خان کا خیبر پختونخوا - عید پر خدمت، صفائی اور تحفظ کی عملی مثال!

✅ 21 ہزار سے زائد اہلکار اور 3 ہزار سے زائد مشینری عید صفائی آپریشن میں متحرک

✅ 50 ہزار ٹن ہدف کے مقابلے میں ریکارڈ 1 لاکھ 20 ہزار ٹن ویسٹ ٹھکانے لگا کر نئی مثال قائم

✅ 16,331 کلیکشن پوائنٹس،294536 لاکھ ماحول دوست بیگز اور 4 ہزار سے زائد آگاہی مہمات

✅ ریسکیو 1122 نے صرف دو دنوں میں 1,514 ایمرجنسیز میں بروقت امداد فراہم کی

✅ 1,491 افراد کو ریسکیو کیا گیا، واٹر ریسکیو اور ہیٹ ویو کیمپس بھی مکمل فعال رہے

یہ صرف ایک صفائی یا ریسکیو آپریشن نہیں، بلکہ وزیراعلیٰ خیبر پختونخوا محمد سہیل خان آفریدی کی قیادت اور عمران خان کے عوام دوست وژن کے تحت عوامی خدمت، مؤثر حکمرانی اور ذمہ دار قیادت کا عملی ثبوت ہے۔

عوام کا اطمینان، کارکردگی کا سب سے بڑا اعتراف ہے۔

آج یہ خوبصورت 16 سالہ نوجوان دریائے کرم میں ڈوب کر جاں بحق ہوگیا۔ اللہ تعالیٰ مرحوم کو جنت الفردوس میں اعلیٰ مقام عطا فر...
28/05/2026

آج یہ خوبصورت 16 سالہ نوجوان دریائے کرم میں ڈوب کر جاں بحق ہوگیا۔ اللہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو صبرِ جمیل دے۔ آمین۔

عیدالاضحیٰ کی خوشیوں کے موقع پر خدارا اپنے بچوں کو دریاؤں، نہروں اور ڈیموں پر جانے سے منع کریں، کیونکہ چند لمحوں کی لاپرواہی پوری زندگی کا غم بن سکتی ہے۔

ضلعی انتظامیہ بنوں نے ڈیمز و دریاؤں میں نہانے پر دفعہ 144 لگاکر پابندی لگائی ہے اس کے علاوہ ون ویلنگ اور ہوائی فائرنگ سے منع کیا ہے کیونکہ ایسے حادثات کا سب سے بڑا دکھ والدین اور اہلِ خانہ کو برداشت کرنا پڑتا ہے۔ اپنے بچوں کی حفاظت کو یقینی بنائیں تاکہ عید کی خوشیاں غم میں تبدیل نہ ہوں۔

ایڈیشنل اسسٹنٹ کمشنر سجاد حسین نے دریائے کرم کا دورہ کیا، جہاں بعض بچوں کو دفعہ 144 کے باوجود نہاتے ہوئے پایا گیا، بچوں ...
28/05/2026

ایڈیشنل اسسٹنٹ کمشنر سجاد حسین نے دریائے کرم کا دورہ کیا، جہاں بعض بچوں کو دفعہ 144 کے باوجود نہاتے ہوئے پایا گیا، بچوں کو دریائے کرم میں نہانے سے منع کیا گیا ہے اور ڈانٹ کر چھوڑ دیا گیا۔

والدین سے گزارش ہے کہ عید الاضحٰی کے مبارک دن اپنے بچوں کا خاص خیال رکھے اور بچوں کو دریاؤں، ڈیمز اور دریائے کرم میں نہانے سے دور رکھے۔

ڈپٹی کمشنر بنوں محمد فہیم نے عیدالاضحیٰ کے پہلے روز سنٹرل جیل بنوں میں قیدیوں کے ساتھ نماز عید ادا کی۔اس موقع پر ایڈیشنل...
27/05/2026

ڈپٹی کمشنر بنوں محمد فہیم نے عیدالاضحیٰ کے پہلے روز سنٹرل جیل بنوں میں قیدیوں کے ساتھ نماز عید ادا کی۔

اس موقع پر ایڈیشنل ڈپٹی کمشنر عمر خطاب، اسسٹنٹ کمشنر ڈاکٹر اشتیاق احمد اور ایڈیشنل اسسٹنٹ کمشنر سجاد حسین بھی ان کے ہمراہ موجود تھے۔

بعد ازاں آفسران نے خلیفہ گل نواز ہسپتال اور دارالامان بنوں کا دورہ کیا، جہاں مریضوں، تیمارداروں اور مقیم افراد کو عید کی مبارکباد دی گئی جبکہ ان میں مٹھائیاں اور عیدی بھی تقسیم کی گئی۔

بعد میں مختلف مقامات پر ڈبلیو ایس ایس سی کی جانب سے جاری صفائی ستھرائی سرگرمیوں کا معائنہ کیا گیا۔ اس دوران صفائی اہلکاروں کو عید کی مبارکباد دی گئی اور ان میں عیدی بھی تقسیم کی گئی۔

ڈپٹی کمشنر بنوں نے عیدالاضحیٰ کے موقع پر شہر بھر میں صفائی ستھرائی کے انتظامات کا جائزہ لینے کیلئے مختلف علاقوں کا دورہ ...
27/05/2026

ڈپٹی کمشنر بنوں نے عیدالاضحیٰ کے موقع پر شہر بھر میں صفائی ستھرائی کے انتظامات کا جائزہ لینے کیلئے مختلف علاقوں کا دورہ کیا۔ اس موقع پر ایڈیشنل ڈپٹی کمشنر عمر خطاب، اسسٹنٹ کمشنر ڈاکٹر اشتیاق احمد اور ایڈیشنل اسسٹنٹ کمشنر سجاد حسین بھی ان کے ہمراہ موجود تھے۔

افسران نے ڈبلیو ایس ایس سی اور ٹی ایم اے کی جانب سے جاری صفائی آپریشن، آلائشوں کی بروقت تلفی اور عملے کی کارکردگی کا تفصیلی معائنہ کیا۔ ڈپٹی کمشنر نے صفائی عملے کی خدمات کو سراہتے ہوئے کہا کہ عید کے موقع پر عوام کو صاف ستھرا ماحول فراہم کرنا ضلعی انتظامیہ کی اولین ترجیح ہے۔

انہوں نے متعلقہ اداروں کو ہدایت جاری کی کہ صفائی آپریشن کو مزید مؤثر بنایا جائے، شہریوں کی شکایات کا فوری ازالہ کیا جائے اور تمام علاقوں میں صفائی کی صورتحال کو مسلسل مانیٹر کیا جائے تاکہ عوام کو کسی قسم کی دشواری کا سامنا نہ کرنا پڑے۔

ڈپٹی کمشنر بنوں نے عیدالاضحیٰ کے موقع پر خلیفہ گل نواز ہسپتال کا دورہ کیا جہاں انہوں نے زیر علاج مریضوں اور ان کے تیمارد...
27/05/2026

ڈپٹی کمشنر بنوں نے عیدالاضحیٰ کے موقع پر خلیفہ گل نواز ہسپتال کا دورہ کیا جہاں انہوں نے زیر علاج مریضوں اور ان کے تیمارداروں سے ملاقات کی اور انہیں عید کی مبارکباد دی۔ اس موقع پر ایڈیشنل ڈپٹی کمشنر عمر خطاب، اسسٹنٹ کمشنر ڈاکٹر اشتیاق احمد اور ایڈیشنل اسسٹنٹ کمشنر سجاد حسین بھی موجود تھے۔

ڈپٹی کمشنر نے مختلف وارڈز کا معائنہ کیا، مریضوں کی خیریت دریافت کی اور ہسپتال میں فراہم کی جانے والی طبی سہولیات کا جائزہ لیا۔ انہوں نے ڈاکٹرز، نرسز اور دیگر عملے کی خدمات کو سراہتے ہوئے کہا کہ عید کے دن بھی مریضوں کی خدمت ایک عظیم انسانیت ہے۔

ہسپتال انتظامیہ کو مریضوں کو بہترین طبی سہولیات اور ادویات کی فراہمی یقینی بنانے کی ہدایت بھی جاری کی گئی۔

Address

Bannu Cantt
Bannu Cantonment
28100

Telephone

+929289270032

Website

Alerts

Be the first to know and let us send you an email when Deputy Commissioner Bannu posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Deputy Commissioner Bannu:

Shortcuts

Share

Category