Assistant Commissioner Khar, Bajaur Tribal District.

08/04/2026

موضوع: ٹرانسپورٹرز اور اڈہ ٹھیکیداران کے ساتھ منعقدہ اجلاس کے بارے میں رپورٹ
ڈپٹی کمشنر باجوڑ کی ہدایات کی روشنی میں اسسٹنٹ کمشنر خار کی زیر صدارت ٹرانسپورٹرز اور اڈہ ٹھیکیداران کے ساتھ ایک اجلاس منعقد کیا گیا۔
اجلاس کے دوران شرکاء کو ٹرانسپورٹ آپریشنز سے متعلق حکومتی ہدایات سے آگاہ کیا گیا۔ اڈہ ٹھیکیداران کو سختی سے ہدایت کی گئی کہ وہ حکومتی احکامات پر عملدرآمد یقینی بنائیں، بالخصوص موجودہ صورتحال کے پیش نظر حکومتی پالیسی کے مطابق کسی بھی قسم کی اڈہ فیس وصول نہ کی جائے۔
مزید برآں، ٹرانسپورٹرز اور اڈہ ٹھیکیداران کو ہدایت دی گئی کہ وہ عوام کے ساتھ تعاون کریں اور سابقہ پٹرولیم قیمتوں کے مطابق جاری کردہ کرایہ نامہ پر عمل کریں، اور سرکاری طور پر مقرر کردہ کرایوں سے زائد کسی بھی اضافی کرایہ وصول کرنے سے گریز کریں۔ عوام کو ریلیف فراہم کرنے اور کرایوں میں نظم و ضبط برقرار رکھنے پر خصوصی زور دیا گیا۔
یہ بھی بتایا گیا کہ حکومت رجسٹرڈ ٹرانسپورٹرز کو ریجنل ٹرانسپورٹ اتھارٹی (RTA) اور صوبائی ٹرانسپورٹ اتھارٹی (PTA) کے ذریعے متعلقہ قواعد و ضوابط کے تحت سبسڈی فراہم کرے گی۔ اڈہ ٹھیکیداران اور ٹرانسپورٹ یونین نے اس فیصلے سے اتفاق کرتے ہوئے یقین دہانی کرائی کہ حکومتی ہدایات پر سختی سے عمل کیا جائے گا۔

31/03/2026

19/03/2026

19/03/2026
عیدالفطر کی آمد کے پیش نظر بیکری آئٹمز اور مٹھائیوں کی قیمتوں کو کنٹرول کرنے کے حوالے سے ڈپٹی کمشنر باجوڑ جناب شاہد علی خان صاحب کی ہدایات پر اسسٹنٹ کمشنر ہیڈکوارٹر خار عامراللّٰہ وزیر نے آج خار بازار میں مختلف بیکری شاپس کا معائنہ کیا۔
دورے کے دوران انہوں نے بیکری اور سوئٹس کی نرخوں اور معیار اور۔ گوداموں میں صفائی ستھرائی کا جائزہ لیا اور موقع پر موجود صارفین سے بھی قیمتوں اور اشیاء کے معیار سے متعلق دریافت کیا۔
اس موقع پر اسسٹنٹ کمشنر خار نے دکانداروں کو سختی سے ہدایت کی کہ وہ عید کے موقع پر مہنگائی کا ناجائز فائدہ نہ اٹھائیں اور سرکاری نرخنامے کے مطابق اشیاء فروخت کریں۔
انہوں نے خبردار کیا کہ مہنگافروشی اور غیر معیاری اشیاء کی فروخت میں ملوث دکانداروں کے خلاف سخت قانونی کارروائی عمل میں لائی جائے گی۔
اس کے بعد راغگان ڈیم کا دورہ کیا اور وہاں سیکورٹی اور دیگر انتظامات کا جائزہ لیا ۔کشتی مالکان اور سیاحوں کو لائف جیکٹ استعمال کرنے کی ہدایت دی ۔

18/03/2026

🌙✨ عیدالفطر کی خوشیوں سے قبل ایک اہم اقدام ✨🌙

اسسٹنٹ کمشنر ہیڈکوارٹر خار، عامر اللہ خان وزیر نے عائمہ کرام کے اعزازیہ کی بروقت ادائیگی کو یقینی بنانے کے لیے متعلقہ فائلوں پر دستخط کر دیے۔ ✅📄

💼 تمام ضروری کارروائی مکمل کرتے ہوئے متعلقہ بینکوں کو ہدایات جاری کر دی گئی ہیں تاکہ اعزازیہ جلد از جلد مستحقین تک پہنچ سکے۔

🤝 ضلعی انتظامیہ عوامی خدمت اور فلاح و بہبود کے لیے ہر ممکن اقدامات جاری رکھے ہوئے ہے۔

🌟 عید کی خوشیوں میں آسانی اور سہولت ہماری اولین ترجیح ہے 🌟

16/03/2026

مورخہ: 16 مارچ 2026
موضوع: ٹرانسپورٹ کرایوں کے ضابطہ کے حوالے سے اسسٹنٹ کمشنر خار کا متعلقہ حکام کیساتھ اجلاس۔
ٹرانسپورٹ کرایوں میں زائد وصولی سے متعلق عوام کی متعدد شکایات کے پیش نظر اسسٹنٹ کمشنر خار نے ٹرانسپورٹرز، محکمہ ٹرانسپورٹ کے حکام اور ٹریفک وارڈن کے ساتھ ایک اجلاس منعقد کیا تاکہ ٹرانسپورٹ کرایوں کو باقاعدہ بنایا جا سکے۔
اجلاس کے دوران عوامی خدشات پر تفصیل سے تبادلہ خیال کیا گیا اور ٹرانسپورٹرز کو ہدایت کی گئی کہ وہ مسافروں سے منصفانہ کرایہ وصولی کو یقینی بنائیں۔ غور و خوض کے بعد تمام متعلقہ فریقین کے باہمی اتفاق سے نئی کرایہ نامہ (فیئر لسٹ) تیار کی گئی۔
حتمی کرایہ نامہ سرکاری طور پر جاری کیا جائے گا اور اس پر عمل درآمد کو یقینی بنایا جائے گا، جبکہ مقررہ کرایوں کی خلاف ورزی کرنے والوں کے خلاف سخت کارروائی عمل میں لائی جائے گی۔
مزید برآں، عوام کی اس عمومی شکایات پر کہ زکوٰۃ پیکجز کی تقسیم کے دوران ان سے اضافی رقم وصول کی جا رہی ہے، خار کے دو آپریٹرز کو غریب لوگوں سے اضافی رقم لینے میں ملوث پائے جانے پر گرفتار کر کے جیل بھیج دیا گیا۔ تمام ریٹیلرز کو ایک بار پھر متنبہ کیا جاتا ہے کہ عوام سے ناجائز کٹوتی کرنے سے باز رہیں ورنہ جیل اور جرمانہ دونوں عائد کی جائیگی اور اس غلطی میں کوئی بھی عذر قابل قبول نہیں ہوگا۔

12/03/2026

مورخہ: 12 مارچ 2026
موضوع: لاہور سے ناقص صفائی کے ساتھ فراہم کیے جانے والے ذبح شدہ چکن کی فروخت کے حوالے سے دکانداروں کو ہدایات۔
اسسٹنٹ کمشنر خار جناب امیر اللہ خان نے لاہور سے فراہم کیے جانے والے غیر صحت بخش (غیر حفظانِ صحت) طریقے سے ذبح شدہ چکن کی خار میں ناقص صفائی کے حالات میں فروخت کا نوٹس لیا۔ اس سلسلے میں لاہور سے ناقص صفائی کی حالت میں فراہم کیے جانے والے ذبح شدہ چکن کے کاروبار سے وابستہ دکانداروں کو دفتر طلب کیا گیا اور انہیں ہدایت کی گئی کہ ایسے مصنوعات کی فروخت سے اجتناب کریں، کیونکہ غیر صحت بخش اشیاء انسانی صحت کیلئے سنگین خطرات پیدا کر سکتی ہیں اور ممکنہ طور پر سرطان (کینسر) کا سبب بھی بن سکتی ہیں۔
دکانداروں کو ہدایت دی گئی کہ وہ ایک ہفتے کے اندر اندر اپنا موجودہ اسٹاک ختم کر لیں، جبکہ انہیں خبردار کیا گیا کہ مقررہ مدت کے بعد اگر کوئی شخص اس قسم کی مصنوعات فروخت کرتے ہوئے پایا گیا تو اس کے خلاف سخت قانونی کارروائی عمل میں لائی جائے گی۔ علاؤہ ازیں تین عدد قصائیوں کو گرانفروشی کے جرم میں تحویل میں لے لیا گیا اور سمری ٹرائل پر جرم کے مرتکب پاکر جیل بھیج دیا گیا۔
ضلعی انتظامیہ عوامی صحت اور تحفظ کو یقینی بنانے کیلئے پرعزم

11/03/2026

مورخہ: 11 مارچ 2026
عوامی شکایات کی روشنی میں اور جناب ڈپٹی کمشنر باجوڑ کی ہدایات پر اسسٹنٹ کمشنر خار نے سول کالونی خار کے سامنے قصابوں کے خلاف کارروائی کی۔ معائنہ کے دوران تین قصاب سرکاری طور پر جاری کردہ نرخ نامے کی خلاف ورزی کرتے ہوئے زائد قیمت وصول کرتے ہوئے پائے گئے۔ اسسٹنٹ کمشنر خار نے قانون کی خلاف ورزی کرنے والوں کو گرفتار کر کے سب جیل خار منتقل کر دیا۔
یہ کارروائی سرکاری نرخ نامے پر عملدرآمد کو یقینی بنانے اور ناجائز منافع خوری کی حوصلہ شکنی کے لیے کی گئی۔ دیگر دکانداروں کو سختی سے ہدایت کی گئی کہ وہ سرکاری نرخوں پر عمل کریں۔ عوامی سہولیات کی خاطر اسی طرح کی کاروائیاں جاری رہیگی۔

06/03/2026

نو تعینات اسسٹنٹ کمشنر خار عامر اللہ خان آج اپنے دفتر سول کالونی خار میں عہدے کا چارج سنبھال رہے ہیں۔

27/02/2026

🌟 Islamic Education Academy Kandro Qazafi کے سالانہ نتائج و تقریبِ تقسیمِ انعامات اور یومِ والدین کی پروقار تقریب 🌟
تعلیم، تربیت اور روشن مستقبل کے عزم سے سجی ایک یادگار اور روح پرور تقریب آج دن دو بجے ج مورخہ27 فروری 2026 کو منعقد ہوئی، جس میں نائب تحصیلدار برنگ نے ضلعی انتظامیہ باجوڑ کی جانب سے اکیڈمی کی سالانہ نتائج و تقسیمِ انعامات اور یومِ والدین کی تقریب میں دوسرے مہمانان گرامی کے ساتھ بطورِ کو مہمانِ خصوصی شرکت کی۔
یہ باوقار دعوت اکیڈمی کے پرنسپل و ایم ڈی جناب عبد السبحان صاحب کی جانب سے دی گئی، جس میں علاقے کے معززین، مختلف شعبہ ہائے زندگی سے تعلق رکھنے والی شخصیات، اساتذہ کرام، والدین اور طلبہ و طالبات نے بھرپور اور پُرجوش شرکت کی۔
تقریب کا سب سے خوبصورت لمحہ وہ تھا جب سالانہ امتحانات میں نمایاں پوزیشن حاصل کرنے والے طلبہ و طالبات کو شیلڈز اور میڈلز سے نوازا گیا۔ کامیابی کی چمک اُن معصوم چہروں پر صاف جھلک رہی تھی، جبکہ والدین کی آنکھوں میں فخر اور خوشی دیدنی تھی۔
طلبہ و طالبات نے اپنی غیر معمولی صلاحیتوں کا شاندار مظاہرہ کرتے ہوئے پشتو، اردو اور انگریزی زبانوں میں حالاتِ حاضرہ سے متعلق مدلل تقاریر، بامقصد ڈیبیٹس اور متاثرکن ٹیبلوز پیش کیے۔ حمد و نعت کی روحانی فضا نے دلوں کو گرما دیا، جبکہ تفریحی خاکوں نے محفل کو خوشگوار رنگ بخشا۔ حاضرین نے بھرپور داد دے کر بچوں کی حوصلہ افزائی کی۔
مہمانانِ گرامی نے اپنے خیالات کا اظہار کرتے ہوئے کہا کہ اگر یہی جذبہ، محنت اور مثبت مسابقت جاری رہی تو وہ دن دور نہیں جب ہمارے بچے ترقی یافتہ اقوام کے شانہ بشانہ کھڑے ہوں گے۔
اس موقع پر ضلعی انتظامیہ کی نمائندگی کرتے ہوئے نائب تحصیلدار برنگ نے بھی پوزیشن ہولڈرز میں انعامات تقسیم کیے اور جناب ڈپٹی کمشنر صاحب باجوڑ کا خصوصی پیغام طلبہ تک پہنچایا، جس میں تعلیم کے ساتھ کردار سازی اور قومی خدمت کے جذبے پر زور دیا گیا۔
یہ خوبصورت اور باوقار تقریب پُرامن ماحول میں اختتام پذیر ہوئی اور ملکِ عزیز میں مکمل امن و امان، ترقی اور خوشحالی کے لیے اجتماعی دعا کے ساتھ اپنے اختتام کو پہنچی۔
✨ یقیناً یہ دن طلبہ، والدین اور اساتذہ کے لیے ایک ناقابلِ فراموش یاد بن گیا — اور ایک روشن مستقبل کی جانب ایک مضبوط قدم بھی۔

27/02/2026

ڈاکٹر صادق علی ایڈیشنل ڈپٹی کمشنر فنانس اینڈ پلاننگ دیر بالا نے اپنے عہدے کا چارج سنبھال لیا

Chief Minister Khyber Pakhtunkhwa
Chief Secretary Khyber Pakhtunkhwa