Mufti Ahmad

Mufti Ahmad Contact information, map and directions, contact form, opening hours, services, ratings, photos, videos and announcements from Mufti Ahmad, Public School, Ahmad pur east Bhawalpur punjab, Bahawalpurwala.

26/04/2026

طالب علم کی کامیابی کے پیچھے استاد کی محنت کارفرماہوتی ہے۔
جب استاد بچوں میں سوچنے ،سمجھنے کی صلاحیت میں نکھار پیدا کرتاہے تو یہ۔بچے عظیم۔رہنما بن کر درسگاہ سے نکلتے ہیں

استاد کی سوچ اور کردار کا اثر بچوں میں منتقل ہوتاہے۔

25/04/2026

شریعت اسلامیہ نے عبادات کی قبولیت کو رزق حلال سے مشروط کیاہے

20/04/2026

قرآنِ کریم ہدایت کا سرچشمہ ہے۔ ہر صاحبِ ایمان اور صاحبِ شعور کی یہ دلی خواہش ہوتی ہے کہ وہ قرآنِ Molvکو سمجھ کر سیکھے۔
اگر تدریس کے دوران بچوں کو فہمِ قرآن کی باقاعدہ مشق کروائی جائے تو اس سے نہ صرف ان کی سبق میں دل چسپی بڑھتی ہے بلکہ وہ شوق کے ساتھ سیکھنے لگتے ہیں۔ اس مؤثر اندازِ تدریس کے نتیجے میں طالبِ علم جلد قرآنِ پاک کو سمجھنے کی صلاحیت اور استعداد حاصل کر لیتا ہے—اور یہی دراصل ایک استاد کی حقیقی کامیابی ہے۔
✍️ @ Ahmad

19/04/2026

عہدہ اور منصب انسان کے پاس اللہ تعالیٰ کی ایک امانت ہے۔
جو شخص اس امانت کو امانت سمجھ کر عدل و دیانت کے ساتھ استعمال کرتا ہے، وہ آخرت میں جوابدہی سے سرخرو ہوگا۔
لیکن جو اسے اپنی ذات، مفاد اور خواہشات کے لیے حلال سمجھ لیتا ہے، وہ نہ صرف اس امانت میں خیانت کرتا ہے بلکہ اللہ تعالیٰ کی رحمت سے بھی محروم ہو جاتا ہے۔
یاد رکھیں!
عہدہ عزت نہیں، ذمہ داری ہے…
اور ذمہ داری کا حساب ایک دن ضرور دینا ہوگا_ #
#امانت
#دینتداری

#

18/04/2026

اِنَّمَا بُعِثْتُ مُعَلِّمًا"
(مجھے معلم بنا کر بھیجا گیا ہے)
یہ مبارک ارشاد اس حقیقت کی طرف واضح اشارہ ہے کہ استاد کا مقام نہایت بلند اور ذمہ داری انتہائی عظیم ہے۔ ایک معلم صرف علم نہیں دیتا بلکہ وہ نسلوں کی تعمیر کرتا ہے، کردار سنوارتا ہے اور مستقبل کی بنیاد رکھتا ہے۔
معاشرہ میں استاد کا مقام اس لیے بلند ہے کہ نئی نسل کی تعلیم و تربیت اسی کے ہاتھ میں ہوتی ہے۔ استاد ہی وہ روشن چراغ ہے جو ایک دل سے دوسرے دل میں علم کی روشنی منتقل کرتا ہے۔ وہ طلبہ کی ذہن سازی کرکے انہیں ملک و ملت کے لیے نافع اور کارآمد بناتا ہے۔
حقیقی معلم وہ ہے جو اپنے طلبہ کو اپنی اولاد کی طرح سمجھے، اخلاص کے ساتھ ان کی رہنمائی کرے، ان کی کامیابی کو اپنی کامیابی جانے اور ان کی ترقی کو اپنے لیے باعثِ سعادت سمجھے۔ یہی وہ جذبہ ہے جو تعلیم کو عبادت اور تدریس کو خدمت بنا دیتا ہے۔
آج ہمیں ایسے ہی مخلص اساتذہ کی ضرورت ہے جو علم کے ساتھ کردار بھی دیں، اور نسلوں کو صرف پڑھائیں نہیں بلکہ سنواریں۔

17/04/2026

نرمی نیکی کے حصول کا بہت بڑا ذریعہ ہے_چنانچہ نرم خو انسان اللہ تعالی کی محبت کو حاصل کرلیتاہے۔
سخت مزاج اوربدگو آدمی اپنی بیجا سختی کی بنا لوگوں کو ناراض کرنے کے ساتھ اللہ کو بھہ ناراض کرلیتاہے_اور بہت سارے نیک کام اس سے چھوٹ جاتے ہیں


_
#کاذریعہ

14/04/2026

"ما عالَ من اقتصد"
(جو شخص میانہ روی اختیار کرے، وہ محتاج نہیں ہوتا)
آج کے دور میں متوسط اور غریب طبقہ شدید معاشی دباؤ کا شکار ہے۔ روزمرہ کی ضروریات—آٹا، دال، بجلی کے بل، بچوں کی تعلیم—سب کچھ مہنگا ہو چکا ہے۔ ایک عام آدمی صبح سے شام تک محنت کرتا ہے، مگر پھر بھی مہینے کے آخر میں ہاتھ خالی رہ جاتے ہیں۔ یہ صورتحال صرف مالی نہیں بلکہ ذہنی پریشانی، بے چینی اور مایوسی کو بھی جنم دیتی ہے۔
ایسے حالات میں نبی کریم ﷺ کا یہ سنہرا اصول ہمیں راستہ دکھاتا ہے:
"ما عالَ من اقتصد"
یعنی جو انسان خرچ میں اعتدال اور میانہ روی اختیار کرے، وہ کبھی محتاج نہیں ہوتا۔

11/04/2026

اللہ تعالیٰ نے مال کو انسان کی بنیادی ضروریات پوری کرنے کا ذریعہ بنایا ہے، اور انسانی زندگی کا ایک بڑا حصہ اسی پر منحصر ہے۔ مگر حقیقت یہ ہے کہ مال خود مقصد نہیں بلکہ ایک وسیلہ ہے۔
جب انسان مالی مشکلات کا شکار ہوتا ہے تو اس کی توجہ اپنی صلاحیتوں کو نکھارنے کے بجائے صرف ضروریاتِ زندگی پوری کرنے پر مرکوز ہو جاتی ہے۔ ایسے حالات میں اس کی پوشیدہ استعداد اور صلاحیتیں دب کر رہ جاتی ہیں، حالانکہ وہ معاشرے کے لیے ایک قیمتی سرمایہ بن سکتا تھا۔
ضرورت اس بات کی ہے کہ ہم ایک ایسا معاشرہ تشکیل دیں جہاں ضرورت مند افراد کو سہارا دیا جائے، تاکہ وہ اپنی صلاحیتوں کو بروئے کار لا سکیں۔ کیونکہ ایک فرد کی ترقی دراصل پورے معاشرے کی ترقی ہوتی ہے۔

09/04/2026

معلم کا رویہ اور طالب علم کی تعمیر
مدارس میں نئے تعلیمی سال کا آغاز ہوچکا ہے۔
یہ دن صرف نصاب شروع ہونے کے دن نہیں ہوتے، بلکہ یہ وہ ابتدائی لمحات ہوتے ہیں جن میں ایک طالب علم کے دل میں تعلیم، استاد اور مدرسہ کے بارے میں ایسے میں ابتدائی دنوں میں استاد کا سب سے اہم امتحان یہ نہیں ہوتا کہ وہ کتنا پڑھاتا ہے، بلکہ یہ ہوتا ہے کہ وہ طالب علم کے ساتھ کیسا رویہ اختیار کرتا ہے۔
استاد کا رویہ کیوں اہم ہے؟
طالب علم شروع میں کتاب سے کم اور استاد کے انداز سے زیادہ سیکھتا ہے۔
اگر استاد کے چہرے پر شفقت، لہجے میں نرمی، اور انداز میں حوصلہ افزائی ہو تو طالب علم کے اندر اعتماد پیدا ہوتا ہے۔
وہ سوال کرنے لگتا ہے، غلطی سے گھبراتا نہیں، اور تعلیم کو بوجھ کے بجائے ایک خوشگوار سفر سمجھنے لگتا ہے۔
لیکن اگر ابتدا ہی میں سختی، تحقیر، ڈانٹ، بے توجہی یا موازنہ کا رویہ اختیار کیا جائے تو بہت سے طلبہ اندر سے ٹوٹ جاتے ہیں۔
بعض اوقات ایک سخت جملہ، ایک بے موقع ڈانٹ، یا ایک تحقیر آمیز انداز طالب علم کے دل میں علم سے دوری پیدا کر دیتا ہے۔پہلا تاثر قائم ہوتا ہے۔

06/04/2026

آج دل کی کیفیت کچھ عجیب سی محسوس ہوئی۔
یوں لگا جیسے دل آہستہ آہستہ سختی کی طرف بڑھ رہا ہو۔
پھر خیال آیا کہ انسان کی اندرونی کیفیات ہمیشہ ایک جیسی نہیں رہتیں۔
کبھی دل میں نرمی اترتی ہے، کبھی بےحسی سی محسوس ہوتی ہے، اور کبھی روحانی کیفیت میں اتار چڑھاؤ آ جاتا ہے۔
یہ بھی انسانی فطرت ہی کا حصہ ہے۔
ایسے لمحات میں گھبراہٹ، مایوسی یا جلد بازی سے فیصلے کرنے کے بجائے
صبر، دعا، ذکر اور رجوع الی اللہ کا دامن تھام لینا چاہیے۔
کیونکہ دلوں کے حال بدلتے رہتے ہیں،
اور دلوں کو سنوارنے والا بھی وہی رب ہے۔

04/04/2026

ہر جواب لفظوں سے نہیں دیا جاتا،
کچھ جواب کردار بھی دیتے ہیں۔

Address

Ahmad Pur East Bhawalpur Punjab
Bahawalpurwala

Website

Alerts

Be the first to know and let us send you an email when Mufti Ahmad posts news and promotions. Your email address will not be used for any other purpose, and you can unsubscribe at any time.

Shortcuts

Share

Category