17/01/2026
*کان کن لیبر یونین مچھ کے صدر اقبال یوسفزئی کی گرینڈ الائنس کے رہنما علی بخش جمالی کے گھر پر چھاپے کی سخت ترین مذمت*
*چادر و چار دیواری کی پامالی کھلی آمریت، حکومتی جبر کے خلاف خاموش نہیں رہیں گے، کان کن لیبر یونین*
*مچھ (نامہ نگار)کان کن لیبر یونین مچھ کے صدر اقبال یوسفزئی نے گرینڈ الائنس کے ترجمان اور ایریگیشن یونین بلوچستان کے صدر علی بخش جمالی کے گھر پر پولیس چھاپے کو کھلی آمریت حکومتی جبر اور بلوچستان کی روایات پر حملہ قرار دیتے ہوئے سخت ترین الفاظ میں مذمت کی ہےانہوں نے کہا کہ گرینڈ الائنس کے مطالبات مکمل طور پر آئینی قانونی اور جائز ہیں جنہیں حکومت خود تسلیم کر چکی ہے اس کے باوجود گرینڈ الائنس کی قیادت کے گھروں پر چھاپے مارنا اس بات کا واضح ثبوت ہے کہ موجودہ حکومت بوکھلاہٹ کا شکار ہو چکی ہے اور اپنی ناکام پالیسیوں کو طاقت کے ذریعے مسلط کرنا چاہتی ہے محمد اقبال یوسفزئی نے کہا کہ ملازمین کو ان کے جائز حقوق دینے کے بجائے گھروں پر دھاوا بولنا نہ صرف بنیادی انسانی حقوق کی سنگین خلاف ورزی ہے بلکہ یہ عمل آمریت کے بدترین ادوار کی یاد دلاتا ہے انہوں نے کہا کہ تاریخ گواہ ہے کہ جبر اور تشدد سے نہ کبھی حق دبایا گیا ہے اور نہ ہی عوامی تحریکیں ختم کی جا سکتی ہیں انہوں نے کہا کہ بلوچستان میں امن و امان کی صورتحال بدترین سطح پر ہے بے روزگاری اور مہنگائی نے عوام کی کمر توڑ دی ہے مگر حکومت عوامی مسائل حل کرنے کے بجائے جعلی نمائندوں کے سہارے ملازم دشمن پالیسیاں نافذ کر رہی ہے جو صوبے کو مزید عدم استحکام کی طرف دھکیل رہی ہیں انہوں نے واضح کیا کہ گرینڈ الائنس کے رہنماؤں کو ہراساں کرنا بند کیا جائےآخر میں انہوں نے مطالبہ کیا کہ علی بخش جمالی کے گھر پر چھاپے میں ملوث تمام اہلکاروں کو فوری طور پر معطل کر کے ان کے خلاف قانونی کارروائی کی جائے اور واضح اعلان کیا کہ کان کن لیبر یونین مچھ گرینڈ الائنس کے ساتھ آخری حد تک کھڑی رہے گی*
