31/03/2026
PAHILABO SA TANAN ❗
Ang Barangay Sugod Council mo hatag og clarification sa katong post nga related sa gi byaan nga motor og sa mga nanagan sa nagsakay adtong motora, ang insidente nahitabo sa Purok-7 mga alas 2:30 sa kadlawon. Isa sa atong BPAT personnel mi post sa iyang PERSONAL page matud pa nga ang tag-iya atong motor, maoy mastermind "kuno" sa mga pagpangawat. Sa pagka ugma bahin nasuta ug na ilhan ang mga personalidad nga sakay sa maong motor ug dayon gipatawag kini sa Barangay, ang maong tawhana, sumala pa gikan kuno sila sa d'dike unya gigukod daw sila og laing grupo sa mga kabatan-onan nga wala nila mailhan ug tungod sa ilang kahadlok ilang gibyaan ang motor. Sa ilang pagdali-dali ug dagan sa so-ok nga bahin nga katubhanan sa Purok-7, ang biniyaan nga motor temporary gi turn-over sa maong mga BPAT sa custody sa panimalay sa purok leader. Alang sa kasayuran sa tanan, ang katong mga batan-on nga tag-iya sa motor ug ang iyang mga kauban, dilI sila maoy mastermind sa mga insidente sa kawat nga nahitabo sa barangay sanglit ang duha ka batan-on menor de edad ug ang isa 21 anyos palang ug sa parte sa BPAT Personnel, admitado siya sa iyang sayop sa pag post sa iyang page sa sayop nga information. Busa wala siya nagdugay ug iya gayod dayon gi delete ang maong sayop nga post niya ug nag-abot sa sincero nga pagpangayo ug pasaylo sa mga batan-on ug mga ginikanan niini.
