https://www.facebook.com/MunicipalityOfTurtleIslands

Municipality of Turtle Islands, Turtle Island, Turtle Islands (2026)

05/06/2026

📌 𝗧𝗥𝗜𝗩𝗜𝗔 | 𝗞𝗜𝗟𝗔𝗟𝗔𝗡𝗜𝗡 𝗡𝗔𝗧𝗜𝗡 𝗔𝗡𝗚 𝗔𝗧𝗜𝗡𝗚 𝗩𝗘𝗥𝗬 𝗔𝗖𝗧𝗜𝗩𝗘 𝗩𝗜𝗖𝗘 𝗠𝗔𝗬𝗢𝗥 ✨

Alam ba ninyo mga Danakan? ❤️

Ang ating masipag at dedikadong Vice Mayor, Hon. Hji Mohammad Faizal H. Jamalul, ay hindi lamang isang lingkod-bayan na aktibong tumutugon sa pangangailangan ng ating mamamayan—siya rin mismo ang nagbibigay ng kanyang panahon, kaalaman, at teknikal na gabay sa mga proyektong pangkaunlaran ng ating munisipalidad.

💡 Isa sa mga kahanga-hangang katangian ni Vice Mayor Faizal ay ang kanyang pagiging hands-on sa mga proyektong kanyang pinagtutuunan ng pansin. Mula sa pagpaplano hanggang sa implementasyon, personal niyang sinusubaybayan ang mga ito upang matiyak ang kalidad at kapakinabangan para sa sambayanan.

🏗️ Kabilang sa mga proyektong kanyang binigyang-pansin nitong taon 2026 ay ang:
✅ Multi-Purpose Building sa Boan Island
✅ Taganak Port Waiting Shed Project
✅ Iba pang mga imprastrakturang naglalayong mapabuti ang serbisyo at kaginhawaan ng mga Danakan

Hindi sapat ang salita lamang—dahil para kay Vice Mayor Faizal, words with action ang tunay na sukatan ng paglilingkod. Kaya naman maraming mamamayan ang humahanga sa kanyang dedikasyon, sipag, at malasakit sa kapakanan ng Turtle Islands.

❤️ Ibang-iba ka talaga Vice Mayor! Ang iyong tahimik ngunit masigasig na paglilingkod ay inspirasyon sa ating lahat.

🇵🇭 Tuloy-tuloy ang serbisyong tapat, makabayan at may malasakit para sa mas maunlad na Turtle Islands.

04/06/2026

🌟🇵🇭 𝗜𝗡 𝗣𝗛𝗢𝗧𝗢𝗦 | 𝟮𝟬𝟮𝟲 𝗟𝗖𝗔𝗧-𝗩𝗔𝗪𝗖 𝗙𝗨𝗡𝗖𝗧𝗜𝗢𝗡𝗔𝗟𝗜𝗧𝗬 𝗔𝗦𝗦𝗘𝗦𝗦𝗠𝗘𝗡𝗧 🇵🇭🌟
📍 MILG Provincial Office, Bongao, Tawi-Tawi
📅 June 3, 2026

Alhamdulillah! 💚

Isang karangalan para sa Municipality of Turtle Islands na makamit ang 92/100 rating sa isinagawang 2026 Local Council Against Trafficking and Violence Against Women and their Children (LCAT-VAWC) Functionality Assessment, patunay ng patuloy na pagsisikap ng ating Lokal na Pamahalaan sa pagtataguyod ng karapatan, proteksyon, at kapakanan ng kababaihan, kabataan, at mga biktima ng karahasan at trafficking.

Ang tagumpay na ito ay bunga ng sama-samang dedikasyon at pagtutulungan ng ating mga LCAT-VAWC members, Technical Working Group, at mga katuwang na ahensya ng pamahalaan.

Taos-pusong pasasalamat sa ating LCAT-VAWC Focal Person, Ms. Judith S. Vesagas, at sa mga miyembro ng Technical Working Group:
✅ MLGOO Cidrimar Maring
✅ MPDC Sonny I. Musilim
✅ PDO II Alnasbi Jala

Gayundin, lubos nating kinikilala ang walang sawang suporta at pamumuno ng ating mga minamahal na lider, Hon. Hja. Jay Sayang L. Jamalul, Municipal Mayor, at Hon. Hji. Mohammad Faizal H. Jamalul, Municipal Vice Mayor, na patuloy na nagsusulong ng mga programang naglalayong protektahan ang bawat mamamayan ng Turtle Islands.

Patuloy nating palalakasin ang mga mekanismo at programang laban sa trafficking at karahasan upang masig**o ang isang ligtas, maayos, at mapayapang komunidad para sa lahat.

✨ 92/100 – Isang tagumpay ng pagkakaisa, malasakit, at mabuting pamamahala!

Tuloy-tuloy ang Serbisyong Tapat, Makabayan at may Malasakit! ❤️💚

🐢🇵🇭💚

03/06/2026

🌱🌿 𝗜𝗡 𝗣𝗛𝗢𝗧𝗢𝗦 | 𝗠𝗔𝗡𝗚𝗥𝗢𝗩𝗘 𝗧𝗥𝗘𝗘 𝗣𝗟𝗔𝗡𝗧𝗜𝗡𝗚 𝗔𝗖𝗧𝗜𝗩𝗜𝗧𝗬 🌿🌱📍 Sitio Pallang, Brgy. Likud Bakkao, Taganak, Turtle Islands📅 June 2, 2026

Bilang bahagi ng patuloy na pangangalaga sa ating kalikasan at pagpapalakas ng environmental conservation efforts sa ating munisipalidad, matagumpay na isinagawa ang Mangrove Tree Planting Activity sa Sitio Pallang, Brgy. Likud Bakkao sa pangunguna ng masipag at aktibong Punong Barangay ng Brgy. Likud Bakkao, Hon. Robert Ibnosali.

Sa nasabing aktibidad, humigit-kumulang 210 mangrove seedlings ang matagumpay na naitanim bilang ambag sa pagpapanatili ng balanseng ekosistema, pangangalaga sa ating mga baybayin, at paglaban sa epekto ng climate change.

Buong pusong sinuportahan ang gawaing ito ng ating mga mapaglingkod na lider, Hon. Mayor Jay Sayang L. Jamalul at Hon. Vice Mayor Mohammad Faizal H. Jamalul, na patuloy na nangunguna sa mga programang nagtataguyod ng pangangalaga sa kalikasan at kaunlaran ng ating mahal na bayan.

Nakiisa rin sina Hon. Abdulla M. Sangkula at Hon. Sulma A. Sarahadil, kasama si PASu/MENRE Ma'am Minda Bairulla, MDRRMO Joel A. Hajiri, Municipal Tourism Officer Abrille Y. Oraiz, Sk Chairman of Brgy Poblacion, mga kawani ng lokal na pamahalaan, men in uniform mula sa Philippine National Police, Philippine Marines, Philippine Navy, Philippine Coast Guard, Philippine Maritime SOU, at ang mga mamamayan ng Brgy. Likud Bakkao.

Ang bawat bakawang itinanim ngayon ay simbolo ng ating pagkakaisa, malasakit sa kalikasan, at pangako para sa mas luntian, mas ligtas, at mas maunlad na kinabukasan ng Turtle Islands.

🌱 Tuloy-tuloy ang serbisyong tapat, makabayan at may malasakit.

02/06/2026

📸 𝗜𝗡 𝗣𝗛𝗢𝗧𝗢𝗦 | June 2, 2026 (Tuesday)

Nagkaroon ng matagumpay na Brigada Eskwela 2026 sa Municipality of Turtle Islands sa pangunguna ng ating masipag at dedikadong mga lider, Hon. Mayor Jay Sayang L. Jamalul at Hon. Vice Mayor Mohammad Faizal H. Jamalul.

Kasama rin sa aktibidad ang ating mga Men in Uniform, Municipal Officials and Employees, Hon. Abdulla M. Sangkula, Hon. Sulma A. Sarahadil, MSSD Head Sir Barbangsa Jalaide, mga Barangay Officials ng Brgy. Likud Bakkao sa pangunguna ni Kap. Robert Ibnusali, mga kinatawan ng Brgy. Poblacion, at SK Chairman Adzmie Aukasa.

Nanguna rin sa nasabing aktibidad sina Hji. Edgar Utoh, Principal ng Turtle Islands National High School, at Sir Abdulbasik Hadjiula, Teacher-In-Charge ng Taganak Elementary School, bilang mga school heads na katuwang sa pagpapatupad ng Brigada Eskwela upang matiyak ang kahandaan ng kanilang mga paaralan para sa pagbubukas ng klase.

Kasama rin sina MTO Abrille Y. Oraiz at MDRRMO Joel A. Hajiri, gayundin ang mga miyembro ng AKHRO Fraternity sa pangunguna ni Hamdan Mohammad, na nagpakita ng buong suporta at boluntaryong serbisyo para sa kapakanan ng ating mga mag-aaral.

Patunay lamang ito na sa pamamagitan ng pagkakaisa, bayanihan, at pagtutulungan ng lahat ng sektor ng komunidad, mas mapapalakas natin ang kalidad ng edukasyon at masisig**o ang ligtas at maayos na kapaligiran para sa ating mga kabataan.

✨ Sama-sama para sa mas maliwanag na kinabukasan ng kabataang Danakan!

🇵🇭 𝗧𝘂𝗹𝗼𝘆-𝗧𝘂𝗹𝗼𝘆 𝗮𝗻𝗴 𝗦𝗲𝗿𝗯𝗶𝘀𝘆𝗼𝗻𝗴 𝗧𝗮𝗽𝗮𝘁, 𝗠𝗮𝗸𝗮𝗯𝗮𝘆𝗮𝗻 𝗮𝘁 𝗠𝗮𝘆 𝗠𝗮𝗹𝗮𝘀𝗮𝗸𝗶𝘁!

02/06/2026

📸 𝗜𝗡 𝗣𝗛𝗢𝗧𝗢𝗦 | June 1, 2026

Matagumpay na naisagawa ngayong araw, alas-2:00 ng hapon, ang Maritime Stakeholders and Law Enforcement Coordination Meeting na pinangunahan ng ating masipag at mahusay na Municipal Vice Mayor, Hon. Mohammad Faizal H. Jamalul, kasama ang iba’t ibang line agencies at law enforcement agencies ng Municipality of Turtle Islands.

Dinaluhan ang nasabing pagpupulong ng mga may-ari, operator, at kapitan ng mga sasakyang pandagat kabilang ang mga Lansta, Tampasak, at Speedboat upang talakayin ang mga mahahalagang usapin na may kinalaman sa kaligtasan, kaayusan, at pagpapaunlad ng sektor ng transportasyong pandagat sa ating bayan.

Isa sa mga pangunahing layunin ng pagpupulong ay ang pagkilala at pag-update ng talaan ng mga may-ari at operator ng mga sasakyang pandagat upang mapalakas ang koordinasyon at mapanatili ang maayos na pamamahala sa mga aktibidad sa karagatan.

Ibinahagi rin ni Vice Mayor Mohammad Faizal H. Jamalul ang kahalagahan ng pagpapatupad ng color coding system para sa mga bangka, katulad ng naipatupad na sa Langaan, at ang pagtiyak na ang bawat sasakyang pandagat ay may sapat na safety equipment tulad ng life vests, fire extinguisher, at iba pang kinakailangang kagamitan para sa kaligtasan ng mga pasahero at tripulante.

Dinaluhan ng kabuuang:
✅ 34 Tampasak Operators/Owners
✅ 33 Speedboat Operators/Owners
✅ 20 Lansta Operators/Owners

Naging daan din ang pagpupulong upang marinig ang mga suhestiyon, concerns, at updates mula sa mga stakeholders ng maritime sector upang higit pang mapabuti ang serbisyo at transportasyon sa ating munisipyo.

Ayon kay Vice Mayor Mohammad Faizal H. Jamalul, ang pagkakaisa, disiplina, at pakikipagtulungan ng bawat isa ay mahalagang susi upang mapanatili ang kapayapaan, kaayusan, kaligtasan, at patuloy na kaunlaran ng Municipality of Turtle Islands.

Alhamdulillah, naging matagumpay at makabuluhan ang nasabing pagpupulong.

📍 Municipality of Turtle Islands
🤝 Like • Follow • Share mga Danakan!

01/06/2026

IN PHOTOS | INTER-AGENCY TASK FORCE MEETING
📅 June 1, 2026
📍 Municipal Social Hall, Turtle Islands

Kasunod ng Flag Raising Ceremony, agad na isinagawa ang Inter-Agency Task Force Meeting sa Municipal Social Hall sa pangunguna ng ating Municipal Mayor, Hon. Hja. Jay Sayang L. Jamalul, kasama ang ating Municipal Vice Mayor, Hon. Hji. Mohammad Faizal H. Jamalul.

Dinaluhan ito ng iba’t ibang line agencies, municipal offices, at mga katuwang na ahensya ng pamahalaan upang talakayin ang mahahalagang updates, accomplishments, concerns, recommendations, at mga usaping may kinalaman sa patuloy na pag-unlad ng ating bayan.

Layunin ng pagpupulong na ito na mapalakas ang koordinasyon sa pagitan ng mga ahensya, mabigyang agarang solusyon ang mga suliranin, at makapagbahagi ng mga mungkahi at inisyatiba na makatutulong sa mas epektibong paghahatid ng serbisyo publiko sa mamamayan ng Turtle Islands.

Naging pagkakataon din ang pagpupulong upang mapalalim ang samahan, pagkakaisa, at pagtutulungan ng bawat tanggapan bilang iisang pamilya ng serbisyo publiko na may iisang layunin—ang kapakanan at kaunlaran ng ating komunidad.

🤝 Sama-sama para sa mas maunlad, mas mapayapa, at mas progresibong Turtle Islands.

🇵🇭Tuloy-Tuloy ang Serbisyong Tapat, Makabayan at may Malasakit!

01/06/2026

🇵🇭✨ IN PHOTOS | FLAG RAISING CEREMONY ✨🇵🇭
📅 June 1, 2026

Matagumpay na naisagawa ang unang Flag Raising Ceremony para sa buwan ng Hunyo sa pangunguna ng Local Government Unit of Turtle Islands, sa presensya ng ating minamahal na Municipal Mayor, Hon. Hja. Jay Sayang L. Jamalul, at Municipal Vice Mayor, Hon. Hji. Mohammad Faizal H. Jamalul.

Nakiisa rin sa nasabing seremonya ang mga Municipal Officials and Employees, iba’t ibang Line Agencies, Men in Uniform, at mga kinatawan mula sa iba’t ibang sektor ng komunidad kabilang ang Philippine National Police sa pangunguna ni PMAJ Munib B. Musad, Philippine Marines, Philippine Navy, Philippine Maritime Group, Philippine Coast Guard, MENRE, MBHTE, MOH, MSSD, MTO, MDRRMO, MAFAR, CASELCO, Turtle Islands National High School, Taganak Central Elementary School, Barangay Poblacion, Barangay Likud Bakkao, mga SK Officials, Sahaya Sin Kawman, at Municipal Force.

Sa kanyang mensahe, nagpahayag ng pasasalamat ang ating Municipal Mayor sa lahat ng dumalo at patuloy na nakikiisa sa mga programa ng pamahalaang lokal. Kanyang binigyang-diin ang kahalagahan ng aktibong pakikilahok at pagtutulungan ng bawat isa upang higit pang mapalakas ang serbisyo publiko at kaunlaran ng ating bayan.

Samantala, nagbahagi rin ng mahalagang mensahe ang ating Municipal Vice Mayor tungkol sa pagpapanatili ng kapayapaan, pagkakaroon ng takot sa Diyos, at patuloy na pakikiisa ng bawat mamamayan sa mga gawain at programa ng pamahalaan para sa isang maunlad at mapayapang Turtle Islands.

Ang Flag Raising Ceremony ay patuloy na nagsisilbing simbolo ng pagkakaisa, disiplina, at dedikasyon sa tapat na paglilingkod para sa mamamayan.

Tuloy-Tuloy ang Serbisyong Tapat, Makabayan at may Malasakit para sa Bayan ng Turtle Islands. ❤️

30/05/2026

📸✨ 𝗜𝗡 𝗣𝗛𝗢𝗧𝗢𝗦 | May 30, 2026 ✨📸

🤍🕌 𝗠𝗮𝘆𝗼𝗿 𝗝𝗮𝘆 𝗦𝗮𝘆𝗮𝗻𝗴 𝗟. 𝗝𝗮𝗺𝗮𝗹𝘂𝗹 at 𝗩𝗶𝗰𝗲 𝗠𝗮𝘆𝗼𝗿 𝗠𝗼𝗵𝗮𝗺𝗺𝗮𝗱 𝗙𝗮𝗶𝘇𝗮𝗹 𝗛. 𝗝𝗮𝗺𝗮𝗹𝘂𝗹 proudly attended the 𝗛𝗮𝗳𝗮𝗹𝗮𝗻 𝗠𝗮𝗷𝗹𝗶𝘀𝗮𝗻 𝟱 𝗝𝘂𝘀 of 12 graduating female students of the 𝗠𝗼𝗵𝗮𝗺𝗺𝗮𝗱 𝗙𝗮𝗶𝘇𝗮𝗹 𝗝𝗮𝗺𝗮𝗹𝘂𝗹 𝗗𝗮𝗿𝘂𝗹 𝗨𝗹𝘂𝗺 𝗔𝗹-𝗙𝗮𝘁𝗮𝗵 𝗘𝗦𝗧., Langaan, Turtle Islands.

Ang nasabing Madrasa ay naitatag noong taong 2023 at patuloy na nagsisilbing tahanan ng Islamic Education para sa mga kabataang Muslim ng Turtle Islands. Ngayong taon, buong pagmamalaking kinikilala ng Lokal na Pamahalaan ang tagumpay ng 12 kababaihang mag-aaral na matagumpay na nakapagtapos ng kanilang 𝗛𝗮𝗳𝗮𝗹𝗮𝗻 𝗠𝗮𝗷𝗹𝗶𝘀𝗮𝗻 𝟱 𝗝𝘂𝘀 matapos ang ilang taong pagsisikap, sakripisyo, at dedikasyon sa pag-aaral ng Banal na Qur’an.

Sa kanyang mensahe, tiniyak ni Vice Mayor Mohammad Faizal H. Jamalul ang kanyang buong suporta upang maipagpatuloy ng mga nagtapos ang kanilang Islamic Studies, kabilang ang pagkakataong makapag-aral sa Tamboro Islamic College sa Indonesia, In Sha Allah.

Ipinahayag din niya ang kanyang hangarin na makapagtatag ng isa pang sangay ng 𝗠𝗼𝗵𝗮𝗺𝗺𝗮𝗱 𝗙𝗮𝗶𝘇𝗮𝗹 𝗝𝗮𝗺𝗮𝗹𝘂𝗹 𝗗𝗮𝗿𝘂𝗹 𝗨𝗹𝘂𝗺 𝗔𝗹-𝗙𝗮𝘁𝗮𝗵 sa sentrong isla ng Taganak upang mas marami pang kabataan ang magkaroon ng pagkakataong makapag-aral ng Islam at mapalalim ang kanilang kaalaman tungo sa kabutihan ng Dunya at Akhirah.

Lubos ding nagpapasalamat sina Mayor Jay Sayang L. Jamalul at Vice Mayor Mohammad Faizal H. Jamalul sa mga masisipag at dedikadong g**o ng Madrasa:

🤍 Mudir Suhail Bin SAMINDIH
🤍 Ustaza Aishah SAMINDIH
🤍 Ustadz Saddam SAMINDIH
🤍 Ustadz Shaerhan Isamel

Sa kanilang walang sawang paggabay, pagtuturo, at pagmamalasakit sa mga mag-aaral ng Islam.

Nagpapasalamat din ang Lokal na Pamahalaan sa pagdalo ng ating mga iginagalang na Ustadz, Sheikh, at mga Guruh.

🕌 Syaikh Thohir Bin Laupa

🕌 Ustaz Rudi Ahmad

🕌 Syaikh M***i Zainal Bin Umar

🕌 Ustaz Johan Bin Buddin

🕌 Syaikh Ibrahim Bin Rakib

🕌 Syaikh Amir Umar Bin Habib Umar

🕌 Ustaz Nur Hamza

Ang kanilang pagbisita ay nagbigay ng karangalan, inspirasyon, at dagdag na kaalaman sa ating mga mag-aaral at mamamayan.

Nagbigay rin ng mensahe ng suporta at pagbati ang iba’t ibang ahensya at mga opisyal ng pamahalaan, kabilang ang:

🤝 Philippine National Police (PNP)
🤝 Philippine Marines
🤝 MENRE
🤝 Kapitana Nujom I. Putoh, Barangay Chairperson of Poblacion
🤝 Hon. Sulma A. Sarahadil, Municipal Councilor

na nagpahayag ng kanilang pagbati at suporta sa mga nagsipagtapos ng kanilang Hafalan Majlisan 5 Jus.

✨ Nawa’y patuloy na dumami ang mga kabataang nag-aaral ng Banal na Qur’an at maging gabay sila sa susunod na henerasyon ng mga Muslim sa Turtle Islands. In Sha Allah.

Municipality of Turtle Islands

05/06/2026

04/06/2026

03/06/2026

02/06/2026

02/06/2026

01/06/2026

01/06/2026

30/05/2026

Address

Website

Alerts

Shortcuts

Share

Category